Capítulo 2 - Moise icaite coajica najicawa
1
Njitedalri wadia wacabocoa njite wapjawa wapjeyajle jalrapocolri ricó inipolrico iacadawa Manoa iraidalri ricó, cayotsaji Dio icaite capisho norso; wayofieta jliaji Jiipan Seir aima jalredaoca.
2
Caco noapiya JLIAJI IMINALRITI, lriaco cayoji:
3
''Aimena jalredaoca iajicawa jiipana iwaida nacojle; idiá icabocoa jérri imoto kema nakjoite.
4
Picaite narso njaji inaiki cayoji: ''Jiyapaotsa njepaite jinaana lrico njaji ikitsiñape, njaji Esaú inakjoité-perri, njaji iofacape Seir lrico; njite njaji nafiocaotsa iwana. Niini icapaotsa ioyawa wade inoacacawa nakjoete,
5
ima corriotsa noá carroca irso njepaite nakjoite, corrin tsakjaotsa ipjoá caotsa njepaite nacó; ima Noaca Esaú irso lriyadá-carro jliaji jiipana Seir.
6
Iwentaotsa iñjaodati palrata sho, itaitá-carroatsa naiñjaca, iwenta tsakjaotsa ooni nainai, itaitá-carroatsa írraca.
7
Ima JLIAJI IMINALRI Dio matsia lricadaa idejicalre imotocawa; Lriají coajica ijicawa lri-ricoda jliaji jalrapocolri. Ima nanaco njaji cuarenta walria inaicatsa JLIAJI IMINALRI Dio, njite corrin coca canaicaica irso.
8
Njite feyapawa wakitsiñape jipaite icodapi, njaji Esaú inakjoité-perri, njaji iofacape Seir lrico, téco Arabá iapowa ioya, elat ioya njite Ezion Geber ioya tsakja. Njitedalri wacabocoa niini feyapawa jalrapocolri Moab-dalri iapowa lricó.
9
JLIAJI IMINALRITI iaco norso: Mamatsa Moab icapaca, mainoacatsawa owi rico nakjoete. Ima corriotsa noá carroca njepaitewa irsowaoni. Ima Noaca jliaji yacaalre Ar narso njaji Lot idakenai, nayadá carroni.''
10
(Icapiatsa naofacawa niini njaji emitanai, pana inaiki aimadan, aimadani njite jalripanipe nacayosho njaji Anaceonai;
11
naji pia tsakjana Refanitanai sho, Anaceona tsakja; mitsa njaji Moabitanai naji piacana Emitanai.
12
Njaji Horeonai iofa pia tsakja Seir lrico napjeya
piatoa, mitsa njaji Esaú inakjoité-perri jimao nakja iofá njapodam. Naino pjiomina niini naofacawa nayacalrem ricó, cayotsaji Iraelnai inaitja capoisho njepaite iapiya jliaji Dio icadalri narso.)
13
Panaya pjinicoa piá carroa onipaokja Zered lricojle. Niini waacawa onipaokja Zered lricojle.
14
Niini, wamoto cayami Cades Barnea jipaite lrikjoite ate wayoetaca jliaji onipaokja Zered, trenta ocho walria jamolri wajicawa. Icapiatsa njite, panaya nacojle, mayamica pjiomi njacomaca njaji atsianai itaitacape inoacacawa oowi ricó, cayotsaji Dio icaite capisho pia nanaco iacoti ajádalri sho.
15
Njite, corrin pienatsa Dio ikitsindata njacoma inaiki, nawayaca carrotsawa naoya njaji nakitsiñape, niini mayamica pjiomi.
16
Niini mayami piakena pjiomi njaji atsianai iajicape inoacacawa oowi ricó, corrinatsa pacapacana nainai njaji inaiki cafiperri toa,
17
cayo carroena Dio icaite norso, cayoji:
18
''Panayaotsa pjiyapacawa Yacalre Ar lrico, Moab jipaite iocacawa lrico.
19
Pitsomita cádanacoatsa jliaji yacaalre Amón, mamatsaotsa nacapaca, mainoaca tsaotsa nakjoete; ima corriotsa noá carroca irso njepaite nakjoite irso iyada carrontja; ima noaca jliaji jiipai narso njaji Lot yenipenaipe nayadá carroni.
20
Naají tsakja jliaji jiipai Refain jipaite. Ima njaji refaitanai icapiatsa njaji iofalri piato napjeya, mitsa njaji amonitanai nají piacana Zomzonitanai, naají shopa inaiki Macanipe.
21
Yacalre macacoepe, aimadan, njite jalripanepe nacayosho njaji Anaceonai. Mitsa Dio iwayaketana napeyajle njaji Amonitanai, naino pjiomina niini njenakja iofawa nayacalrem lricó.
22
Cayo pia tsakja Dio inaitjaca njaji Esaú inaikite, njaji iofacape pia Seir lrico, Lriino caojli pia njaji Horeonai napeyajle, Esaú yenipenai inona, niini njakenakja iofawa njapodam ate panashete.
23
Njite njaji Aveonai iofacape pia teeco Gaza ioya, njaji Caftoreonai, njaji inocape pia Caftor lrikjoite,
naionona niini njenakja iofawa njapodam.
24
Warsena iawa panaya, iawatsa napowa lrico njite jiyapaotsa Pacoacaitacawa lrico jiipai Armón dalri; ima nocadaca icapi ricó jliaji Sehon, amorreo-tairri, Hesbon italricana, njite pjiomi jlipaite. Initena jipaca irsowao jliaji jiipai, inoakenawa nakjoete oowi ricó.
25
Pnaya nakjoite nonita kenaotsa nocadaaca ifiokjeti nanaco njaji inaiki jalredaoca lricoperri pjiomi ipeyajle; njemiotsa inaco coají-perrica sha ikenaotsa natetjecawa ikjoete, njetaotsa nacaolre ikjoete.''
26
Nomeenaca idecaperri iacoti jalrapocolri Cademot lrikjoite Sehon ikjaolre, Hesbón italricana yacoti imaodaca kjeti ricó, noaco cayoji:
27
''Picada njoyapacawa pjipaite ricó; noa watsa piapowa lrico; corriotsa njoená carroca itsialriema jle corrin tsakja inarroemajle.
28
Piwende watsa norso iñjaodati wataitá carroatsa waiñjaca, njite piwende tsakjaotsa warso ooni watatá carroatsa wairraca ooni; icamitsa picadaa feyapaca matsia pjipaite ricó;
29
catosaji nanaitja capisho norso njaji Esaú yenipenai yofacape Seir lrico, njite nanaitja capisho tsakja njaji moabitanai iofacapewa Yacalre Ar lrico; njoyapa caojli pia ooni Jordán nacó noocá-carro lrinaco jliaji jiipai Waminalri Dio icaiterri warso.''
30
Mitsa jliaji talricanaati Sehón, Hesbón italricanaa, corrin lricadaa feyapacawa jlipaite ricó; ima jliatsa JLIAJI IMINALRITI Dio icada tarra lricaolre ricó niini majicacani, Lritaitá-carro lricadaaca wacapi ricna, wainó carrona, cayotsaji Lrinaitja capisho panashete toa.
31
Lriaco norso Jliaji Iminalriti: ''Noinita kenaotsa nocadaca icapi rico Sehon njite jlipaite tsakja; initena jipaca irsowaoni, iyada carroenaotsa jliaji jiipai.''
32
Icapoiena Sehón jinicoca wakjoete, njite pjiomi njaji lrinaikite, nainoacá-carro wakjoiete Jahaza lrico.
33
Waminalri Dio icadana wacapi ricó njite oopi famana; wainoacawa nakjoete atee waino pjiomina, pjiomi njaji lrienipe njite pjiomi njaji lrinaikite.
34
Fepa pjiomi njaji lriyacalremi njite wamjaita pjiomina jliada nacotsa; waino pjiomi atsianai, inaitjepe, tsoperri toa tsakja, corrim wacadaa caafi pada nanakjoite.
35
Icamitsa fepaca warsowao njaji navacan njite nayarroajipe njaji yacalre icoam wainiji itada.
36
Aroer lrikjoite, jliaji Pacoacaitacawa Amón inomapí-dalri, njite lrinomapiana jliaji yacaalre yemalriwa pacoacaitacawa jiipai lricoda, teeco galaad lricojle, corri piatsa pacapa apacoa yacalre corridalrintja wataita ikjoete. Jliatsa jliaji Waminalri Dio icadaa famá carrona pjiomi njaji yemalri wakjoete.
37
Icamitsa njaji corri walrica ikjoete njaji Amón inakjoité-perri ikjaolre, njite njaji iofacapewa iini Jaboc ikjaolre kema, njite njaji yacaalre jiipana nacoiperri, njite njaji yacalre corri perritsa Dio icada waacawa ikjaolre.