Capítulo 1 - Moise iwada Iraelinai irso njaji Dio icaiteji narso Horeb lrico
1
Icatsa njaji yacoti Moise icaiteji pjiomi iraelitanai irso Ooni Jordán pemajle jalrapocolri ricó, pacoacaita cawa naco Jordá inomapi ricó Suf jipaite icoemjete, naoyawaca njaji jiipai Parán, Tofel, Labán, Hazerot njite Dizahab.
2
Once jalredaoca nacawa Jiipana Horeb nakjoite Jiipana Seir ikjaolre nácawa jiipai Cades Barnea lricojle.
3
Njite cuarenta walria shapodam once kérri nacó, lrinita cádanaco jliaji kérri namoto cayamiwa Egipto lrikjoite, Moise icaite narso Iraelnai aimadan, lricaite narso pjiomi njaji WAMINALRI inalri pia inacon lricaité-carro narso.
4
Cayo pia jliaji, naino cayamina Sehon, amorreonai italricana, njaji iofacape pia Hesbon lrico, naino tsakja Og, Basaan italricana, jliaji iofacada piawa Astarot lrico, Edrei lrico.
5
Jordán pemajle, Moab jiapite ricojle, Moise inita icaite narso coajica narsotsa nanaitjaca, lriaco narso:
6
JLIAJI Waminalri Dio iaco warso Horeb lrico cayoji: ''Aimena jalredaoca iofacawa lrinaco jiipana-ca jliaji.
7
Iemajiwa nanaco njaji jiipana amorreonai iyapeji njite nanaco tsakja njaji pacoacaita cawa naco jiipai napecolrico njaji jiipana ooni Jordán lricope, pjiomi awacada cawa lrico tsakja, tjewacajle cawa Neguev lrico, pjiomi lrinomapiana lrico, njepaite njaji cananeona, Libano lrico, teeco ooni macapeki Eufrate nacojle.
8
Icapa coajica nocada icapaca jliaji jipaitewa; shewenawa lri-ricoda iofá-carroena lri-ricoda, jliaji jiipai Dio icaiterri iacoti ajádalri sho lriaca narso njaji iferrinaipemi pia oopi Abraham, Isac, njite Jacob, nacadá-carro nadakenai irso njapodamwa.''
9
Caaco pia njoa irso jliawajli, cayoji: ''Corrin notaita noemaca yapiya njowacatsa.
10
Jliaji Iminalri Dio imaimataca sha, njite panaya, aimadanca sha cayoji nacayosho njaji jiwirsida eeno yecoa nacoperri.
11
¡WAMINALRI watsa, iferrinaipemi iDiote, lricadaotsa aimadan pjaca sha lrioya lrioya jliaji imaimaca panayalri, njite lrinaitjaotsa matsia irso cayoji Lricaite capisho lrinaitja caotsa irso!
12
Njite ¿Coajintja notaita ideeca sha inonaa cádanaco sha, jirrapitalri njite kerroa cádanaco sha?
13
Iomaotsa atsianai kajikjeperri, kjeyaperri uajica, njaji atsianai matsiaperri iacona narso njaji naofacawena, nacoami njaji Irael poco, nja carroatsa naapaneta poco jiwidapo.''
14
Njite cayo pioa iaco norso shepaca njoa: ''Njaji iacoti picaiterri warso matsiatsa femicani nini wanaitjaotsa cayo.''
15
Niini noinaica iipaneta jiwidapo, atsianai kajikjeperri, matsiaperri iacona narso njaji naofacawenai nocadaa carrona jiwidapoa, jiwidapoti irsocape nanaikite mi-pe, capitamanai irsocape cien nanakite, cincuenta tsakja, die tsakja, pjiomi caconaperri, nacoanam njaji Iraelnai poco.
16
Jliawajli pia nonaa njaji yajicaépia inaco cayoji: njemí-carro njaji yacoti narsolri nakjoete waaca njaji ikitsiñape, njite icaite naacona matsiatsa naapiyawaca njaji atsianai njite njaji ikitsiñape, njite njaji tekjoité-perri iofacadawa nainai.
17
Corriotsa matsiá-carroca icapa pada apjetsida ioya narso cádanaco matsidalri nakjoetewaca;
jimiotsa lrirso jliaji tsodalri toa njite lrirso jliaji pekirrina pacoacatsa. Mafiotsa naiwana, ima Dio watsa jliaji icaite naacona. Njite jliaji maatsidalri pekirridalri, idecaotsana noikjaolre, njite njomi caotsa narso.''
18
Jliawajli pia nocaite irso pjiomi njaji irsolri pia inaitjaca.
19
Waawa teeco Horeb lrikjoite njite wawa cafainadalri jalrapocolri ipecolrico jliaji icapalritsa, waacádanacoa napowa lrico njaji amorreonai awacada cawa lrico, cayotsaji Waminalri Dio inaa capisho pia wanaitjaca lricaite cádanaco warso cayoji; njite waocawa Cades barnea lricojle.
20
Lriaco narso: Inoca awacadalrima lrico nayada njaji amorreonai, jliaji WAMINALRI DIo icadalri warso.
21
Icapa coajica Dio icadaaca ipeyajle jliaji jiipai; warsena iawa jipá-carro irsowaioni, iofá-carro lri-ricoda, cayotsaji IMINALRI, na Diote njaji iferrinaipemi icaitecapisho, mafiotsawa, corrin tsakja inonaca shá.''
22
Icoanamitsa ino noikjaolre njite iaco norso: Picadaa wamenaca atsianai wapeyajle, nácarro nacapa jliaji jiipai warso, njite nacaiteotsa warso kjaotecaotsa fewao wainó carrona; njite coajica njaji yacalre fewalriotsa nirse.
23
Njite matsia njomica njaji icaiterri norso, noniwana doce atsianai, padape inakjoite.
24
Niini nacawa, njite njerrawa jipana lrima nacojle, naocawa pacoacaitacawa jiipai Eclón lrico njite nacapani coajica.
25
Njepa nadee nainaca njaji paniati lri-ricodadalri jliaji jiipai njite nadeeni. Njite naaco warso: ''Matsiadalrica jliaji jiipai WAMINALRI Dio ialri warso.
26
Cayo cadana jimica, corrin ioma iaca ínona, corrin shepa jliaji WAMINALRI Dio inalri wanaitjaca,
27
Icamitsa iofacawa cacopedaca sha ipanaita lrico njite icaite cayoji: Mátsicapoa Dio icapaca warso niini jlita fa Egipto jipaite lrikjoite lridé-carro fa nacaapi lricojle njaji amorreonai nainócarri fa.
28
¿Kjerreotsa wawa panaya? Njaji wakitsiñape, opi nama wafiocawa, naaco: Inaiki jalripanipe njite nacanipe pjaca waoyana; macacoepeca njaji nayacalre njite taimiperrica idana, yenomperri tsakja wadepe naocacawa eenonacojle; njite wacapaca tsakja nainai njaji Anac inakjoité-perri niini.''
29
Njite noaco irso: ''Mafietacatsawa, mafiotsa naiwana.
30
Jliaji IMINALRI Dio, Jliaji yalri ipeyajle, Jlia tsaotsa inoacawa nakjoete, cayotsaji lrinoaca capisho ikjaote icapatsa Egipto lrico,
31
njite jalrapocolri ricó tsakja, icapa coajica JLIAJI IMINALRI Dio ikitsindata shá cayoji pada jinirriti yapaita lrienipeda, pjiomi cawa lricojle pia jiyapawa ate yocacawa ajerreji.
32
Mitsa, corrin coadaca irso jliaji IMINALRI Iaco, corrin shepa IMINALRI Dio.
33
Jliaji ialri ipejeya lrioketá-carro irso a kjerrecawa caotsa iatoa iofawaji; Tiyé cani deepi ricó njite iyadaocacani jalrewe-ricó.
34
JLIAJI IMINALRI Dio jimi coajica icaiteca niini kerroacani, njite lriaco iacoti ajádalri sho cayoji:
35
Ajádalri nocaiteca, corriotsa pada nanakjoite njacomaca njaji icapaotsa jliaji jiipai nocaite pialri naferrinaipemi irso noacaotsa narso, ima maatsi capoa nacaolre,
36
Icamitsaotsa Caleb, Jefone irri, nLrirso njite lrienipe irsoatsa njoa jliaji jiipai lripjoalri inaco, ima corrin lrimacaca Dio lrioyawa.
37
Njite kerroa pia tsakja Dio noapiya ikjaote, lriaco cayoji: ''Corrin tsakjaotsa pjiewá carroca nirse.
38
Josué Nun irri, jliaji yemalri mana pipeyajle caidalritsa, jlia dekjaotsa shewawa nirse, pikitsindatani, ima jliacaotsa idee njaji Iraelnai njepaite lricojle njácarro jipa iyadao jliaji jiipai.
39
Njite tsakja njaji yenipe tsoperritoa, njaji icaiteji nainocaotsana, njaji corriperritsa yanji panaya cocaca njaji mátsirri o matsiaperri, njewa tsakjaotsa lri-ricoda jliaji jiipai. Narsoatsa noa jliaji jiipai, njite njá watsa iofá lri-ricoda.
40
Mitsa pjia, pidienawa pinitá-carro tsenakja piacawa jalrapocolri ricó, lri-ricoda jliaji inipo yacadawa Manoa irraidalri ricojle.''
41
1Njite Sepa njoa cayoji: ''Opi wanaitja wamatsicanao Dio irso; weniotsa wainoacawa, njite wanaitjacaotsa pjiomi coajica WAMINALRI Dio ina wanaitjaca. Njite icoamitsa jipaca inoacashopa oowi ricó, njite iwapaketsa inó-carro jiipana nacoperri iofawa.
42
Cayo lriaco jliaji WAMINALRI, picaite narso cayoji: ''Matsa inoacawa nakjoete, ima corritsa Njoaca iinai, njite icoema shama caotsa shá.''
43
Cayo piatsa nocaiteca jimi mitsa corrin jimica norso. Opi yema WAMINALRI iaco ikjoete; icaamitsa ipadalretacawa niiniiaca inoacawa nakjoete njaji iofacapewa jiipana nacope.
44
Mitsa njaji amorreonai iofacaéwa niini, náno ikjoete njite napoinetaca sha aini ipineta capisho naocó-carro pja, njite nainoca sha Seir lricó, teeco namaca sha Horma lricojle.
45
Njite idiawa shapodamrsewa, njite iyaca Dio ipeyajle, mitsa corrin Dio jimica coajica iyaca, corrin coada mitsa sha Lrirso.
46
Nini iofa catoa Cades jipaite ricó toa aima jalredaoca. Aima jalredaoca iofacawa nini.