Capítulo 34 - Mayamica Moise
1
Moise jirraba pacoacaita cawa nakjoite jiipai Moab lricoda Jiipana Nebo nacojle, Pisga ipolrico naco, Jericó icoemjetedalri. Njite Jliaji Iminalriti icañjata Moise icapa pjiomi jliaji jiipai Galaad lricoda teeco Dan ikjaolre,
2
pjiomi Neftalí jipaite, Efraín jipaite njite Manas iyadatsakja; Judá jipaite tsakja Jerri shewa kema Manoa nacojl,e
3
lriñjata tsakja lricapa Neguev, pjiomipacoacaita cawa tsakja jiipai Jericó-dalri, jliaji Yacaalre Yaawacoa, teeco Zoar nacojle.
4
Jliaji Iminalriti iaco Moise irso: ''Icatsa jliaji jiipai Nocaiterri yacoti ajádalri sho Abraham irso, Isaac irso njite Jacob, Nocaite narso cayoji: Narsoatsa Nocadani njaji inakjoite-perri. Nocadenina picapá-carroni pitji sho catsa, mitsa corriwatsa pitaitá carroca piacawa nirse.''
5
Icamina, mayamica jliaji Dio irsodalri Moise, Moab jipaite lrico, cayotsaji Dio icaite capisho pia.
6
Diotsa idawani pacoacaita cawa naco jiipai Moab lrico, Bet-peor icoemjete, njite corrin coca yanjí akjerrecaaca lriicaonami panashete toa.
7
Moise irso piakena ciento vente walria lripekirrica naco mayami caojli pia, corrin tamalreca lricapaca, corrin tsakja mjaida cantja lridaki ricó.
8
Pjiomi njaji Iraelnai naiyacani pacoacaita cawa naco jiipai Moab lrico trenta jalredaoca, njite icamitsa yamicana naiyaca Moise nacó.
9
Pakjamica ianjikjeti matsiadalri sho jliaji Josué, Nun irri, ima Moise icada piaca lricaapi lrinaco. Njaji Iraelnai njeepa njaji yácoti Dio ina pialri Moise
icaiteca natso.
10
Corritoa pacapa ape profeta Irael lrico cayodalriji Moise icayosho pia, Dio icapanda iapiya
necoawaaca.
11
Corritoa pacapa ape profeta lricayosho inaitjacada manaitjacanadalri matsiaperri Irael lrico Dio icadalrintja nanaitjaca Egipto jipaite lrico, Faraón irso, njite narso pjiomi njaji lrirsoperri, njite pjiomi jlipaite lrico.
12
Corrin pacapetsa pada profeta lricayosho nanaco njaji macadalripe njite cafainaperri Moise inaitjalri nacapawerrico njaji Iraelnai.