¹ Salomón inaa nanaitjá carro pada pana panti WAMINALRI ipitina icaona njite pada pana panti talricanaati dapana lritalricnaatacawa lrico. ² Salomón icadaa setenta mil atsianai ideecaope nadeecalre, njite ochenta mil atsianai carrapina awacada lrico, njite tre mil seiciento atsianai iwacaope icapa njaji idenjicape. ³ Niini Salomón imeenaca iacoti Hiram irso, Tiro italricanaa, cayoji: ''Cayoji pinaitja capisho pia njonirri David irso, pimeenaca cádanaco lrirso jaiconape cedro lrinaitja shopao lriipana lriofa carrodapana, nooma tsakja pinaitjaca norso cayo. ⁴ Wadepenaotsa noinitaca nonaitjaca pada pana panti no-Minalri Dio iipina irso, Lriyadao catsa, wa mjaita carro niini incienso pomení perri iithan Dio irso, wa cadaa carro petje Lripeyajle niini icaitecada niini catsani, wa mjaitá carro lrirso maaficalri liini piyompinaco njite dainomajle naco tsakja sábado lrico njite walripi cádanaco keerri, njite wajoitaaca carroa wa-Minalri Dio irso. Narsowajle njaji Iraelnai caidalriwetsa. ⁵ Macadapanaotsa jliaji panti nonaitjalriotsa, ima macadalrica jliaji wa-Diote, ima macadalripjaca jliaji wa-Diote naoya nja apaana dionai. ⁶ Mitsa ¿Coca itaita inaitjaca panti Dio irso? Ima jliaji jalredaoca njite eenolricojle corrin lricoa-ca niini. ¿Cocao njoa nonaitjá carro panti lrirso, icaamitsa wa mjaitá carro maaficalri Lrirso lri-ricoda? ⁷ Niini pimeenaca norso pada atsia ianjicada idenjica owirro sho, palraata sho, bronce sho, tsípalra sho, njite iiyoti amolra perri, irrai perri, njite jipolre perri, njite pada atsia ianjiicada idanaca cocacatsa jaico naco. A watsa lridenji nainai njaji atsianai cayecaperrinatsa noinaiperri Judá lrico njite Jerosalén lrico, njaji atsianai njonirri David icadajitsa ⁸ Pimeenacaotsa norso jaico cedronape, cipres, sándalo Líbano lricope. Ima noanjíi, njaji pinaikite nanjíi coanca nayaoaca jaico Libano lrico. Pirsoperri caotsa njaji pinaikite, ⁹ iyoa carroatsa norso aima jaico, ima jliaji panti nonaitjalriotsa macade, matsiadalri pacapa. ¹⁰ Noa watsa narso njaji pirsoperri nocaoña shopana, njaji iyoa cape jaico, nueve mil tonelada trigope, nueve mil tonelada cebada, cuatrociento cuarenta mil litro jaico tjeda yaana, cuatrociento cuarenta mil litro aceite olivape.'' ¹¹ Njite Hiram, Tiro italricanaa, jiepani lridananda paperra lrico, Salomón irso: ''Dio ipeyo capoa lrinaikite aimadan, Lricadaa pjia carro italricanaataca nanaco.'' ¹² Njite Hiram icaite pja: Matsiadalrica jliaji IMINALRITI, na Diote njaji Iraelnai, jliaji inaitjalri njaji eenocoma njite jiipai tsakja, jliaji icadaalri David irso pada lrienipewa cajiikje dalri, Lricadaa matsiaperri lrirso, ianjicada icapaca lriicaowa matsia canjiikje dalri capoani, jliaji inaitjalriotsa pada pana panti Dio irso njite pada pana panti lritalricanaata carroda. ¹³ Nomenakjenina pada atsia matsiadalri, canjíikje dalri, lriipitana Hiram Abí, norsodalri, ianjikadetsa idenjica. ¹⁴ Apama Dan poco inakjoite darro, njite jlinirri ape atsia Tiro dalri. Pada atsia ianjicada idenjica owirro sho, palraata sho, bronce sho, tsípalra sho, Jiipada sho njite jaico tsakja; idenjicada tskja iiyoti amolra perri, irrai perri, njite jipolre perri sho, njite jerriwaikja matsiaperri sho tsakja. Ianjicada tsakja idanaca coandalricatsa inaco, lrinaitja tsakja coandalricatsa icapacana. Picadaotsa pawajle lriofacarrodao lriyadawa napecolrico njaji idenjicape pirso cayecaperri, njite nainai njaji no.talricanaa David. ¹⁵ Niini njaji trigo, cebada, aceite njite njaji jaico tjedaa ianaa picaiterri iacona pjia talricanaati, pimeenacana narso njaji idenjicaope pirso. ¹⁶ 16Wayoenaotsa pirso njaji jaico Líbano lrico cosho catsa piomaca. Wadeotsa pirsona ooni rico njaji wapapiji nanacowaaca Jope ricojle, pidee carroatsa njitena Jerosalén lricojle.'' ¹⁷ Salomón iniweeta pjiomi njaji corri-perritsa judionaica iofaacapewa njepaite rico njaji Iraelnai, cayotsa jlinirri David inaitja capisho pia lriniweta caojli piana. Niini namaimaca pjiomi ciento cincuenta tremil seiciento. ¹⁸ Niini Salomón icadaa nanakjoite setenta mil atsianai ideecaope nadeecalre, njite ochenta mil atsianai carrapina awacada lrico, njite tre mil seiciento atsianai iwacaope icapa njaji idenjicape.