¹ Nki minyi ha, ebemsɘ eda boku ba mba nɘ Alimsiu Yeso nko su. ² Nki engwana yi otɘtɘ wu enyangɘ wu anɘ Alimasiu Yeso ena sɘzɘka bɘsɘ ba engwana yi ebɘɘ aba ekii. ³ Nki kinwatɘ ki okingɘ ozɘ ne cherɘ su nki egishi yi mbingɘ, Esangɘ ema naka. Ema tɘmasɘ sha ka nwana eburasa mbingɘ wu ebɘɘ nki ba ka rukesɘ wu nki ebɘɘ, yende gashimune ba ba ebɘɘ yi mbingɘ nko. ⁴ Ana minyi nki efaya efa yisheshi yi okingɘ ante wu basɘ, bɘsɘ ba kine jichi nɘ ada boku ba mbingɘ su, a ba otɘtɘ. ⁵ Ba banɘ ejichin mbingɘ nko ba nwakɘ chun binwatɘ bi mbingɘ nko, mba ba nɘ jichin otɘtɘ nko ba fa chi ka enɘmana yi ba ba binwatɘ bi otɘtɘ nko. ⁶ Ekatɘ esɘma binwatɘ bi mbingɘ kasa a ekii, aminyi nwe, ekatɘ esɘma binwatɘ bi otɘtɘ kasa a enyangɘ ba edum yi saa. ⁷ Nki ekatɘ esɘma egungyu kasa erɘ kyakyau ba Esangɘ, ezɘ tesɘn otu ba okingɘ wu Esangɘ su ba tama enacherɘ. ⁸ Mba ba nɘ egungyu kɘm ba zɘ lasɘn Esangɘ esɘma su. ⁹ Zɘkɘ miyindu ha, bi da egungyu nko su birɘ otɘtɘ nko, a dunde a bucicin nde otɘtɘ wu Esangɘ orɘ bɘn nko Adumde omo ada ba otɘtɘ wu Alimasiu su, ada wnna su. ¹⁰ Adumde Alimasiu arɘ we nko, egungyu yibe ema kii ka enya ba ebɘɘ, otɘtɘ wu echin kasa. ¹¹ Adumde otɘtɘ ndu otachunwa nɘ Yeso ezom nko wu enyangɘn bɘn nko, ndu atachunwa nɘ Alimasiu ezom nko aka enyangɘ egungyu yiban yi ekii eyuhu yi otɘtɘ wnna, wu onɘ bɘn nko. ¹² Minyi ha bonda mom, kirɘ ba akoho, ada wu egungyu su, ndɘke ki ka dum mbingɘ nko su. ¹³ Nki adumde bi dum egungyu nko enya, bi nan ma ekii, adunde bio wu otɘtɘ nko bim wura ba chue ba mbingɘ nko, bi ka dum. ¹⁴ Nki ba otɘtɘ wu Esangɘ onɘ yahan bo ekondu, abo bondo ba Esangɘ. ¹⁵ Nki bizɘ kota otɘtɘ wu efen ha wu onɘ han buchatɘ su, pen ha, bi kota otɘtɘ wu nwan eyuhu yina kasa kika chun ba etongu, "we, Te'e!" ¹⁶ Otɘtɘ ba ofu wu na wu etem bokun ba otɘtɘ wu basɘ nde abɘsɘ bondo ba Esangɘ. ¹⁷ Adumde abɘsɘ bondo enya, abɘsɘ bondo ba fɘrɘ, fɘrɘ wu Esangɘ. Abɘsɘ mba eya fɘrɘ boku ba Alimsiu, erɘ nde, adunde ki ya eyakɘ bun enya a boku bun ba ka kokyasɘ nɘ bɘsɘ. ¹⁸ Nki nleta ka nde eyakɘ yi mbwe wu mpungwa ha, azɘ yesa ekatɘ boku ba ekokyasɘ yi baka kya nɘ bɘsɘ su. ¹⁹ Aminyi binwatɘ bi ba lo nɘ bine enwankɘ chun nki eba yi bondo ba Esangɘ. ²⁰ Nki ba kosɘkesɘ ka ndu ba lo nɘ asha, ada ba eko yi na su, a ba wu ndu akosɘkɘsɘ nɘ wu. ²¹ Nde ndu nki ba lo nɘ ha, kika katɘmshi efen ha yi efoo kɘm, baka taba wu endɘ emii yi ekokyasɘ bondo ba Esangɘ. ²² Nki ki leta ka nde berɘ osɘsɘ efan okun ba elulan yi ekun basɘso zɘkɘ mpungwa. ²³ Ada minyi kɘkana su, zɘkɘ bɘsɘ mba nɘ ebya ngi ngusa yi otɘtɘ bɘsɘ zɘkɘ ke fan okun, ke zɘn zan fɘrɘ wu basɘ, etamshi egungyu yi basɘ. ²⁴ Aba enɘmana engya ha ba tamshi nɘ bɘsɘ. ²⁵ Zɘkɘ minyindu kinwatɘ nki ki nɘ nɘmanande ki ka gwa ha kizɘ letan ki su, ki zɘnza bama ba esɘma yi saa. ²⁶ A minyi nwe otɘtɘ onɘ nakakotun ba egishi yi basɘ, Nki ki zɘ leta abɘsɘ ki ka nondu nɘ su, otɘtɘ ba ofu wu na we nondun nki bɘsɘ ba akun wa amuntu. ²⁷ Ndu anɘ don esɘma ha, a leta ka ba enɘmana yi otɘtɘ, nki enondu nɘm ofu wu mba ba ha nɘ bucicin enɘmana yi Esangɘ kasa. ²⁸ Ki leta ka nde mba ba kotufana nɘ ba Esangɘ, yi enanɘ binwatɘ bi sɘsɘ nki echin, bɘrɘ wahama wu ba tongu nɘ ba ekotu yi na, binwatɘ bi sɘsɘ bi dum jemba bi chin. ²⁹ Berɘ mba a leta katɘnɘ foru, a bombo a ha nɘ eburasa nwana, nki aka dum nwano ngusa ante wu bondo ba man ba amutu. ³⁰ Mba ba a leta nɘ a tongu nɘ bo, mba a tongu nɘ a mba a ko kyasɘ nɘ mba ba a kantɘm nɘ, a bombo akokyasɘ nɘ. ³¹ Enyi ki ka juana nɘ ba efi yi binwatɘ bingya-he? Adunde Esangɘ erɘ ba bɘsɘ anu aka katɘ bɘsɘ ekondu? ³² Wu ndu aze kya nwana su, am ha wu nki bɘsɘ basuso, enyi eka temsɘ nɘ wu eha bɘsɘ binwatɘ bi nɘ boku bu? ³³ Anu aka juana be nɘ wu Esangɘ echa ne? ESangɘ ayi kɘkana enɘ kingɘ tamshin nɘ. ³⁴ Anu ane jikɘshi nɘ? a Alimasiu wu akii nɘ nki bɘsɘ kyakɘsa mihyi, a wu ndu ba ta chunwa nɘ Esan engum boku ba Esangɘ eja yi ekokyasɘ kasa. awundu anɘ nondu nɘ nki bɘsɘ. ³⁵ Anu aka ga nɘ bɘsɘ ba endo'o yi Esangɘ? kyakyau, esɘma erɘkɘ bere efufote, bere ezo, kiboru-e, buchatɘ, bere a ofa-e? ³⁶ Abɘsɘ ba nyakɘ nɘ "nki echin yibe, be wuran bɘsɘ mbwe ongwa osɘsɘ. Ba taka bɘsɘ we a ebii yi embɘɘ." ³⁷ Zɘkɘ ba minyi ki chi ka piru berɘ wu ndu anɘ don bɘsɘ. ³⁸ Nki nhaka bucicin nde, zɘkɘ ekii zɘkɘ enyangɘ zɘkɘ bakese ba Esangɘ, zɘkɘ angum, zɘkɘ binwatɘ bi mpungwa, zɘkɘ binwatɘ mbi bika ba nɘ, zɘkɘ anka. ³⁹ Zɘkɘ edaha, zɘkɘ ezombo, zɘkɘ efi yi kinwatɘ ki ba lonɘ, bizɘ yese bika ga bɘsɘ ba endo'o yi Esangɘ yi enɘ bɘrɘ To'o basɘ Yeso Alimasiu su.