¹ E qai tukunia voki lia vei iratou nona tisaipeli ena dredre me yali yaco eso na ka ni veivakatarabetaki. ² Ena vinaka voki lia me vakaliligia e domona e dua na vatuqaqi me qai kolotaki voki i wasawasa, me kua voki lia ni vakatarabetakia e dua vei ira na lalai koya. ³ Mo qaraunia voki lia ke valavala ca voki lia na tacimu vunaucia, ke veivutuni voki lia vosotia. ⁴ Ke valavala- ca voki lia vakavitu vei konu ena dua voki lia na siga qai lesuvia mia vakavitu, e dodonu mo vosotia. ⁵ E ratou mani tukunia voki lia na Turaga na apositolo: ni vakalevutakia mada na neitou vakabautia. ⁶ E qai tukunia voki lia na Turaga kevaka voki lia na levu ni sore ni mosita na nomunu vakabauta, dou rawa ni tukunia voki lia ina vunikau levu koya, mo cavutia me lai tei voki lia i wasawasa ena talairawarawa vei konu. ⁷ O cei vei konu ena tukunia voki lia vei ira nona tamata cakacaka e dau siviyara se vakatawa manumanu ni lesu voki lia mai na teitei, "qai voki mai na teveli mo mai kana." ⁸ Yali, ena tukunia lia, vakaraitakia mai na kequ vakaraiyavi, daramakia mai na nomunu isulu ni vakarau kakana mo qaravi voki lia, oti voki lia noqu kana voki lia o iko, mo somi voki lia, ⁹ Ena yali vakavinavinaka voki lia vua na tamata cakacaka ya ni cakavia na ka ga e lesi me cakavia, se vakacava? ¹⁰ O konu talega, ni dou sa cakavia na ka kece e lesi voki vei kemunu, mo dou qai tukunia: kimamu dau veiqaravi tawa yaga voki lia, na ka keitou cakavia eda dodonu voki lia me keitou cakavia. ¹¹ Ena gaunisala ki Jeruisalemi ena qai via na kedrau maliwa o Samaria kei Kalili. ¹² A qai curumia mai edua lia na koro, ka qai sotavia kina e tini na tauvi vukavuka. ¹³ A ratou a tiko mia vakayawa, ka ratou qai kailavaki mai ena domo i levu "Jisu, noqu Turaga ni lomani kimamu mai." ¹⁴ Ni sa raici iratou ka tukunia vei iratou, "qai ka vakaraitaki kemudou vua." Ena nodratou qai ratou sa savasava, ¹⁵ ka dua vei iratou, ni sa raicia ni sa vakabulai, e vakanadaku, vakavinavinakatakia na Kalou ena domo ilevu. ¹⁶ Ka lutu sobu ena yavai Jisu ena matana, ka vakavinavinaka tu lia. ¹⁷ Ka saumia ko Jisu, "E yali beka ni dou lewe tini sa yali mai na lewe ciwa na vukavuka." ¹⁸ Sa yali niu raicia e dua me lesu voki mai me mai vakarokorokotakia na Kalou, ko koya voki lia na kai tani koya. ¹⁹ Sa qai kaya voki lia vua ko Jisu "mo tucake ka qai ga, sa vakabulai iko voki lia na nomunu vakabauta." ²⁰ Ia ni ra tarogia na Farisi na gauna ena yaco mai kinia na matanitu, e saumia voki lia vei ira. "Ena yali voki lia ni laurai levu sara na yaco voki mai ni matanitu ni Kalou. ²¹ E ra na yali ni tukunia voki lia, "raicia ike! se raicia ikea! Ni sa tiko maliwai kemudou voki lia na matanitu ni Kalou. ²² Era qai tukunia vei iratou na tisaipeli ena yaco viki lia na gauna dou na via raicia kina e dua voki na siga ni luveni tamata, ia dou na yali ni raicia. ²³ Era na tukunia, raicia ikea se raicia ike dou kua ni qai se cici muri ira voki. ²⁴ NI na vaka voki lia ga na tibi ni liva e laurai era dua na yasai lomalagi na dua tale, ena vaka voki lia na luveni tamata ena nona siga. ²⁵ Eda na sotavia mada iliu e levu voki lia na ka rarawa ena cati koya talega na taba tamata koya. ²⁶ Kenai kuri voki lia, na nona siga na luve ni tamata na vaka voki lia na siga kei Noa. ²⁷ Era na kana voki lia, era somi, era vakawati voki lia na tagane kei na yalewa me yacovia na siga e vodo kina na waqa o Noa e yaco voki lia mai na waluvu e qai vakarusai ira kece. ²⁸ E vaka voki lia na ka e yaco ena siga i Loti, era na kana voki lia, era somi voki lia, era na volivoli, era na volivolitaki voki lia, eran a teitei voki lia, era na tara vale voki lia. ²⁹ Ia na siga ka qai tani kinia ko Loti ki Sotoma sa qai tau mai lomalagi na bukawaqa kei na sulufure ka qai vakamatei ira kece. ³⁰ Ena vaka voki lia kinia ena siga na rairai kinia na luve ni tamata. ³¹ Ena siga voki lia koya sa tiko ena delani vale ka sa tu voki lia ena lomanivale na nonai yau me kakua ni qai sobu mai me yadia voki tani ko koya sa tiko mai na were me kakua ni lesu voki. ³² Dou nanumia na wati Loti. ³³ Koya ya dua sa yali ni maroroya na nona bula ena vakayalia, ia ko koya yadua e vayalia ena maroroya. ³⁴ Au sa tukunia vei kodou ena bogi koya erau na lewerua voki lia ena dua nai mocemoce, ena kau tani voki lia e dua, ka dai tu e dua. ³⁵ Ena lewe rua voki lia na yalewa erau na veivuke me qaqi sila, ena yadi tani e dua ka dai tu e dua. ³⁶ Ena lewe rua voki lia na tagane me rau na tiko ena were ena yadi tani e dua ka dai tu e dua. ³⁷ A ra sa vosa ka tukunia na turaga a sa tukunia vei ira ko koya ena yasana kece sa tukunia voki lia na yago ena soqoni vata voki lia kinia nai keli.