Ndima 7

1 Ngesure kweizvi ndakaona ngirosi murongomuna dzakaema kumarutii

marongomuna enyika dzakabata madutu marongomuna enyika kuti risaapo dutu rinofuridza panyika

nokuti muruandhle nokuti padera pomuti weshe.

2 Zvino ndakaona ngirosi imweni yechikwira kubva

kumabvazuva, ine chinamiro chaMwari unopona, nayo yakadaidzira ngeizwi guru kungirosi

murongomuna dzakapuwa simba rokushaishira nyika noruandhle,

3 yechiti, “Musashaishira nyika nokuti

ruandhle nokuti muti naumwe, metsa taisa chinamiro pahuma dzevaranda vaMwari wedu.”

4 Ndakazwa uwandu hwaavo vakanamirwa, vaiya zana namakumi marongomuna namarongomuna

emakumi emazana, vakaisirwa chinamiro kubva kudzinza rimwe ngarimwe revana vaIsuraeri:

5 Kudzinza

raJudha vakaisirwa chinamiro makumi emazana ari gumi namairi, (12,000) kudzinza raRubheni makumi

emazana ari gumi namairi, (12,000) kudzinza raGadhi makumi emazana ari gumi namairi, (12,000),

6 kudzinza raAsha makumi emazana ari gumi namairi, (12,000) kudzinza raNafitari makumi emazana ari

gumi namairi, (12,000) kudzinza raManase makumi emazana ari gumi namairi, (12,000),

7 kudzinza

raSimeoni makumi emazana ari gumi namairi, (12,000) kudzinza raRevhi makumi emazana ari gumi

namairi, (12,000) kudzinza raIsakha makumi emazana ari gumi namairi, (12,000),

8 kudzinza raZebhuruni

makumi emazana ari gumi namairi, (12,000) kudzinza raJosefa makumi emazana ari gumi namairi,

(12,000) kudzinza raBhenjamini vakaisirwa chinamiro makumi emazana ari gumi namairi (12,000).

9 Ngesure kweizvi ndakaringira, ndikaona mbungano huru isina munhu ungakona kuierenga, inobva

kumadzinza eshe nemarusinga eshe nevevanhu veshe nevendimi dzeshe, vakaema pamberi pechigaro

choumambo nepamberi peGwai, vakapfeka zvakachena, vane matai emijindwi munyara dzavo.

10 Vakadaidzira ngeizwi guru vechiti, “Ruponeso runobva kunaMwari wedu uwo unogara pachigaro

choumambo, nokuneGwai!”

11 Nengirosi dzeshe dzakaema dzechitendenedza chigaro choumambo, nokutendenedza vakuru

nezvisikwa zvinopona zvirongomuna; dzakawa pashi ngehope dzadzo pamberi pechigaro choumambo,

dzakadira Mwari,

12 dzechiti, “Ameni! Kukudzwa, uthende, ungwaru, kubonga, kuremeredzwa, simba

nokugwinya ngazvigare kunaMwari wedu mhera nariini nariini! Ameni.”

13 Noumwe wevakuru

wakabvunza echiti kwendiri, “Ndiani ava, vakapfeka zvokufuka zvakachena, vanobva kuri?”

14 Ndikati kwaari, “Mambo wangu, ndimwi munozia.” Naye wakati kwendiri, “Ava ndivo vanobuda

kubva mudambudziko gurutu; navo vakasuka zvokufuka zvavo, vakazvichenesa mungazi yeGwai.

15 “Ndizvo vari pamberi pechigaro choumambo chaMwari, vanomushandira masikati nousiku mutemperi

rake, nouwo unogara pachigaro choumambo unozovangwarira ngokuapo kwake.,

16 Avachazozwi nzara

nokuti nyota; zve, zuva arichazovapishi nokuti kupisha kumweni;

17 ngokuti Gwai riri pakati pechigaro

choumambo rinozovausha nokuvatungamirira kuenda navo kuzvinyuka zvemvura yokupona, naMwari

unozopukuta masodzi eshe kubva pamadziso avo.”