Ndima 17

1 Zvino imwe yengirosi nomwe dzaiya nemikheyo minomwe yakauya, ikati

kwendiri, “Uya pano, ndinozokupangidzira kutongwa kwehure guru rinogara padera pemvura zhinji,

2 iro

madzimambo enyika akaomba naro, navanogara munyika vakaradza ngevhini rokuomba kwaro.

3 Ngirosi yakanditora kuenda neni mushango ndakabatwa ndiMweya, ndakaona mukadzi akagadha

padera pechikara chakatsvuka, chakazara ngemazina okutuka, chine masoro manomwe nenyanga gumi.

4 Mukadzi wakapfeka zvakatsvukuruka nezvakatsvuka, nokunemeswa ngomukore nemapuwe

anemutengo mukuru nemapherere, munyara mwake mwaiya netsani yomukore yakazara

ngezvinonyangadza, zvine tsvina zvokuomba kwake;

5 nepahuma pake pakanyorwa zina rakafishika,

“BHABHURONI GURU, MAI WEMAHURE NEEZVINONYANGADZA ZVENYIKA.”

6 7 Neni ndakaona mukadzi araradza ngengazi yevakacheneswa nengazi yezvapupu zvaJesu. Naapo ndakamuona, ndakashamiswa kakurutu. 7 Asi ngirosi yakati kwendiri, “Washamiswa ngenyi? Ndinozokuronzera biningidzo rakafishika romukadzi nerechikara chinomutwara, chine masoro manomwe nenyanga gumi. 8 Chikara chewaona chaiyapo, apachina, chodo kukwira kubva mumugodhi usina magumo nokuenda mukuparadzwa. Naavo vanogara munyika, vane mazina avo asikazi kunyorwa mubhuku rokupona kubvira pakusikwa kwenyika, vanozoshamiswa apo vaona chikara chaiyapo, chisiripo nechichauya. 9 “Ndipo panodiwa kupinimidza kuneungwaru; masoro manomwe mitunhu minomwe, apo pagarwa

ngomukadzi; ndiwozve madzimambo manomwe,

10 vashanu vavo vakawa, noumwe uchiripo,

noumweni aasati auya; naapo auya unosisira kuti agare mukuwo mudoko.

11 Nechikara chaiyapo, zvino apana, ndicho chechisere, asi ngechimwe chezvinomwe, chinoenda mukurashwa. 12 Nenyanga gumi dzewaona ndiwo madzimambo gumi asati aashira umambo, asi

anoashira simba kudai ngemadzimambo pamwepo nechikara awa rimwe.

13 Avo vanomupinimidzo umwe, vanopira simba ravo nokutonga kwavo kuchikara; 14 vanozorwisana

neGwai, neGwai rinozovanyisa, ngokuti ndiMambo wemadzimambo noMutongi wevatongi, naavo

vanaye vanodaidzwa nokutsanangurwa nokugondeka

15 Nayo yakati kwendiri, “Mvura iyo yewakaona, apo pakagara hure, ndivo vanhu, zviunga, madzinza nendimi. 16 Nyanga gumi dzewaona, idzo nechikara zvinozonyenya hure; zvinozomuparadza mukumuita

mutitinini, nokudya nyama yake nokumupisha ngomuriro.

17 Ngokuti Mwari wakaisa izvi mumwoyo

yazvo kuti zviite kuda kwake, ngokuita zvinomupinimidzo umwe nokupa simba roumambo hwazvo kune

chikara, metsa mazwi aMwari aitika

18 Nomukadzi wowaona ndiro dhorobha guru iro rinotonga padera pemadzimambo enyika.”