¹ Ndakaona chioniso chimweni mudenga, chikuru chinoshamisa: ngirosi nomwe dzine madambudziko manomwe, awo okugumisira, ngokuti ndiwo okugumisira kuonisa ushungu hwaMwari. ² Ndakaona chairingirika chakadai ngoruandhle rwegirazi, rwakabvengedzwa nomuriro; naavo vakanyisa chikara nomuedzaniso wacho nenamba yezina racho, vaiema pasinde poruandhle rwegirazi, vane zvimadangari zvaMwari munyara dzavo. ³ Vanoemba ruyo rwaMosi, muranda waMwari, noruyo rweGwai vechiti, “A Mambo Mwari,

Unesimbareshe, mishando yenyu mikuru neinoshamisa! Nenjira dzenyu dziri dzakarurama, dzine

gwinyiso, imwimwi Mambo wemadzinza!

⁴ Ndiani usikazomutyi nokukudza zina renyu, A Mambo?

Ngokuti imwimwi mwega mwakachena. Madzinza eshe anozouya nokudira pamberi penyu ngokuti zviito

zvenyu zvakarurama zvakaoniswa.”

⁵ Ngesure kweizvi ndakaona, temperi retende rouchapupu rakabeurwa mudenga, ⁶ nengirosi nomwe

dzakabuda kubva mutemperi, idzo dzaiya nemadambudziko manomwe, dzakapfeka machira akachena,

anojeka, dzakasunga pamaditi adzo ngamabande omukore.

⁷ Nechimwe chezvisikwa zvinopona zvirongomuna chakapa ngirosi nomwe mikheyo minomwe

yomukore yakazara ngoushungu hwaMwari, unopona mhera nariini nariini;

⁸ netemperi rakazara

ngechiushi chaibva muuthende hwaMwari nomusimba rake, akuna waikona kupotera mutemperi metsa

madambudziko manomwe engirosi nomwe apera.