¹ Pakubva kubarwa kwa Jesu muBeterehema reJudhia ngemazuva aHerodhi mambo, kwakauya vazii vaidzidza ngezvenyeredzi vechibva kumabvazuva vakaguma Jerusarema, Vechiti: ² “Uri pari uwo wakabarwa Mambo wavaJudha? Nokuti takaona nyeredzi yake kumabvazuva, nesu tauya kuti timudire.” ³ Herodhi mambo pakazwa izvo, wakatambudzika neveJerusarema veshe naye. ⁴ Herodhi wakaunganidza pamwepo vapristi vakuru veshe nevanyori vevanhu, akavabvunza kuti, “Unozobarwa pari Kristu? ” ⁵ Avo vakati kwaari, “MuBetherehema reJudhia; nokuti kwakanyorwa nemuprofetita etchiti: ⁶ ‘Iwewe Betherehema, nyika yaJudha, ausi mudoko pakati pemadhorobha avaJudha; nokuti kwouri kunozobuda mutungamiriri uwo unozoita muushi wevanhu vangu vaIsuraeri.’ ⁷ Apo Herodhi wakadhaidza vazii vaidzidza ngezvenyeredzi ngokufishika, akanasa kubvunzisisa kwavari nguva weyakaoneka nyeredzi. ⁸ Naye wakavatuma muBetherehema, akati, “Endai munase kutsvakisisa uwo mwana mudoko; kuti mukamuona mundivunze, kuti neniwo ndiende ndimudire”. ⁹ Apo pavakapedza kuzwa mambo, vakaenda, nyeredzi iyo yevakaona kumabvazuva yakavatungamirira metsa yakaguma pandau apo painga nemwana mudoko. ¹⁰ Apo pavakaona nyeredzi vakadakara nokudakara kukuru. ¹¹ Vakangena mumhatso, vakaona mwana mudoko naMaria mai ake; navo vakakotama pashi, vakamudira.Vakabeura pfuma yavo vakamupa zvipo, mukore, makha nemhura. ¹² Mwari akavapangwa mukurota kuti vasatchahwirira kunaHerodhi, vakaenda ngenjira imweni kunyika yavo. ¹³ Pavakaenda, ngirosi yaMambo yakaoneka kunaJosefa mukurota yechiti, “Muruka, utore mwana mudoko namai ake, utizire Egipite, ugare apo metsa ndikuronzere, nekuti Herodhi unozotsvaka mwana mudoko kuti amuuraye”. ¹⁴ Ena wakamiruka, akatora mwana mudoko namai ake usiku, wakaenda Egipite. ¹⁵ Naye wakagareyo metsa kufa kwaHerodhi. Kuti zvidzadzisike izvo zvakareketwa ndiMambo kubudikidza nemuprofeti echiti: “Ndakadaidza mwana komana wangu kuti abude Egipite”. ¹⁶ Apo Herodhi paakaona kuti wakaitirwa jee ngevazii vaidzidza ngezvenyeredzi, wakanhangadzwa kukuru. Akaauraisa vadoko veshe vevakomana vainga vari muBetherehema nenharaunda yaro yeshe, avo vainga vaane makore mairi nevainga pashi paawo, kudai nenguwa iyo yaainga akanasa kubvunzisisa vazii. ¹⁷ Asi Zvakazadzisika izvo zvakareketwa kubudikidza ndiJeremia muprofeti echiti: ¹⁸ “Izkwi rakazwika muRama, kuchema nokutsumba kukuru, Racheri echichemera vana vake, asikatendi kuembedzerwa, nokuti vainga vasisipo”. ¹⁹ Asi apo Herodhi afa, ngirosi yaMambo yakaoneka mukurota kunaJosefa ari muEgipite yechiti: ²⁰ “Muruka, utore mwana mudoko namai ake, uende munyika yeIsuraeri; ngokuti avo vaitsvaka kuuraya mwana mudoko vakafa.” ²¹ Josefa wakamuruka, akatora mwana mudoko namai ake, akauya munyika yeIsuraeri. ²² Asi paakazwa kuti Akirausi wainga mambo weJudhia pandau yababa ake Herodhi, wakatkya kuendeyo; echinyowedzwa mukurota, wakapaukira kunyika yeGarire, ²³ wakauya akagara muguta rinozwi Nazaretha; kuti rizadzisike izwi rakaereketwa ngevaprofeti kuti, “Unozozwi muNazaretha”.