^{1 2 3} Zwakaitika zekuti, vanhu pevakatanga kuwanda padera penyika, nevasikana vakabarwa kwavari, ² vanakomana vaMwari vakaona kuti vanasikana vevanhu vainga vakanaka vakadzitorera kuita vakadzi avo vavakada. Apo Mambo Mwari wakati: “Mweya wangu auzogari wechitongana nevanhu kuenda nekuenda, ngokuti inyama, nemazuva ake anozoita makore zana nemakumi mair (120). ⁴ Ngemazuva awo paiwepo magakanyara munyika, pamazuwa awo ne akazotera. Izwi zwakaitika ngekuti vanakomana vaMwari vakarorana nevasikana vevanhu, navo vakavabarira vana, avo vainga vanhu vane simba, vanhu vane mbiri. ⁵ Mambo Mwari wakaona kuti kushata kwevanhu kwainga kwakura munyika, nokuti kukarakadza kweshe kwepfungua yemwoyo yavo kwainga kwakashata nguva dzeshe. ⁶ NaMambo Mwari wakadzishoora ngekuti wainga akasika munhu panyika, izwo zvakarwadza mwoyo wake. ⁷ Saka Mambo Mwari wakati: “Ndinozoparadza vanhu vendakasika padera penyika, zveshe, vanhu, zvikara, zvinogwezva neshiri dzemumweya, ngekuti zvinondirwadza mwoyo ngekuti ndakawasika”. ⁸ Asi Noa wakaona nyasha mukuona kwaMambo Mwari. ⁹ Iyi ndiyo mibarirwana yaNoa. Ena wainga mundhu wakanaka, wakaperera pakati pevandhu venguvayo nekuto waihamba naMwari. ¹⁰ NaNoa wakava baba wevakomana vatatu: Shemu, Hamu naJafethi. ¹¹ Nenyika yainga yashata pamberi paMwari, nyika yainga yadzara ngekugebenga. ¹² Mwari wakaningira nyika nekuti yainga yashata; vanhu veshe vainga vashaishira njira yavo padera penyika. ¹³ Mwari wakati kunaNoa: “Kupera kwenyama yeshe kwaguma pamberi pangu, ngekuti nyika yadzara ngekugebenga kubudikidza ndivo. Zwemene, ndinozovauraya pamwepo nenyika. ¹⁴ Zwiitire ngarava ngemumbuti unozwi gofa. Unozonasira makamera mungarava, unozoinama mukati nokubanze ngenamo. ¹⁵ Iyi ndiyo njira yaushafanira: kureba kwengarava kunozoita mamitha zana nemakumi matatu namatatu, kupambhama kwayo kunozoita mamitha makumi mairi namairi noudzamu hwayo hunozoita mamitha gumi namatatu. ¹⁶ Unozoita fasitera rengarava, rinozoita masendimitha makumi marongomuna nemarongomuna kureba. Unozoita musiwo ngeparutii rwayo, unozoinasira inemakamera epashi, neomuturika wechipiri, ne rimwe rwechitatu. ¹⁷ Izkwa: Inini ndishazounza ndambi yemvura padera penyika, kuti iuraye nyama yeshe, iyo mukati mwayo ino mweya unopona kubva pashi pe denga. Zveshe zviri munyika zvinozofa. ¹⁸ Asi ndinozogwinyisa chitenderano changu newe. Newe unozongena mungarava, iwewe nevana vako nemukadzi wako nevakadzi vevana vako pamwepo newe. ¹⁹ Pazwipuka zweshe unozounza mungarava zviiri ngezviiri zvembeu dzeshe dzezviro zvinopona zvenyama yeshe, zviri mwamuna nemukadzi, kuti uzvingwarire zvipone newe: ²⁰ Kushiri kudai ngekuteererana kwembeu yadzo, nekumombe kudai ngokuteererana kwembeu yadzo, nekuzviro zveshe zvinokambaira zvenyika kudai ngokuteererana kwembeu yazvo, zviiri ngezviiri zvembeu dzeshe zvinozouya kwouri, kuti uzvingwarire zvipone. ²¹ Utorewo mbeu dzeshe dzokudya kunodyiwa, ukuunganidze kwouri, nakwo kunozoita kudya kwako nekwazvo. ²² Noa wakaita kudaro, wakaita kudai ngeizvo zveshe zvaakapangirwa ndiMwari.