¹ Naapo Ezura paaikumbira nokutenderuka, echichema nokudzikandira pashi pamberi pemhatso yaMwari, vakaungana kwaari mbungano huru kubva kuvaIsuraeri yevamuna, vakadzi nevana; vanhu vakachemawo kakurutu. ² Shekania mukororo waJehieri, umwe wemibarirwana yaEramu, wakapingura Ezura echiti, “Takashaisha kunaMwari wedu, takadzitorera vakadzi vapara kubva kuvanhu venyika iyi; asi richiripo gonda kuIsuraeri ngeiyi ndaa. ³ Ndizvo zvino ngatiite chitenderano naMwari wedu kuti tipetudze ava vakadzi veshe nevana vavo, kudai ngokupanga kwamambo wangu, nokweavo vanohuta ngemipango yaMwari wedu; ngakuitwe kudai ngezvinodiwa ngomupango. ⁴ Miruka uite, ngokuti ibingo rako; isusu tinozoema newe; ita wakagwinya, uzviite”. ⁵ Zvino Ezura wakamiruka, akaita kuti vakuru vevapristi, vaRevhi, nevaIsuraeri veshe vapike mhiko kuti vachaita kudai ngeizwi iri. Ndizvo vakapika. ⁶ Zvino Ezura wakamiruka kubva pamberi pemhatso yaMwari, akapotera mukamera raJehohanani mukororo waEriashibhi, apo paakaata. Aazi kudya chokudya nokuti kumwa mvura, ngokuti waichema ngokusikagonda kwaavo vaiya vakatorwa kuitwa hloko. ⁷ Navo vakadaidzira chiziiso mukati mwaJudha neJerusarema kwevari veshe vakapetuka vaiya vakatorwa kuitwa hloko, kuti vaungane Jerusarema, ⁸ nokuti kudai aripo umwe usikauyi mumazuva matatu, kudai ngokupanga kwenduna nevakuru, pfuma yake yeshe inozotorwa, naye emene unozoduswa kubva pakati pembungano yeavo vakatorwa kuitwa hloko. ⁹ Zvino vamuna veshe vaJudha nevaBhenjamini vakaungana muJerusarema mumazuva matatu; waiya mwedzi wechipfumbamwe, ngezuva remakumi mairi romwedzi. Vanhu veshe vakagara paruwanze rwemhatso yaMwari, vechihuta ngeiyi ndaa nendaa yemvura yainaya kakurutu. ¹⁰ Zvino Ezura mupristi wakamiruka echiti kwevari, “Mwakapauka ngokuroora vakadzi vapara, ndizvo mwakatutsira kushaisha kwavaIsuraeri. ¹¹ Zvino, tendai kushaisha kwenyu kunaMambo Mwari, Mwari wemadzibaba enyu, muite kuda kwake; mudziparadzanise kunevanhu venyika nokubva kuvakadzi vapara.” ¹² Zvino mbungano yeshe yakapingura ngeizwi guru yechiti, “Ndizvo; tinosisira kuita kudai ngezvemwakapanga. ¹³ Asi vanhu vakawanda, neiyi inguva yokunaya kwemvura zhinji; atikoni kuema pabanze. Uyu mushando aungapedzwi ngezuva rimwe nokuti mairi, ngokuti vazhinji vedu takashaisha mundaa iyi. ¹⁴ Vakuru vedu ngavaemerere mbungano yeshe, naavo veshe mumadhorobha edu vakatora vakadzi vapara ngavauye ngenguva dzakaemeswa, vauye navo vakuru nevatongi vedhorobha rimwe ngarimwe, metsa ushungu hunotyisa hwaMwari wedu pandaa iyi hwaduswa kubva kwetiri.” . ¹⁵ Ega Jonathani mukororo waAsaheri, naJahizeia mukororo waTikivha vakaramba izvi, naMeshuramu naShabhethai muRevhi vakavadetsera. ¹⁶ Zvino vakapetuka vouhloko vakaita kudaro. Ezura mupristi wakatsanangura vanhu vakuru vemhatso dzemadzibaba, kudai ngemhatso dzemadzibaba avo, imwe ngaimwe yadzo yakaemeswa ngezina. Ngezuva rokutanga romwedzi wegumi vakagara pashi kuringisisa iyi ndaa. ¹⁷ Pazuva rokutanga romwedzi wokutanga vakaguma pamagumo evamuna veshe vaiya vakaroora vakadzi vapara. ¹⁸ Vakaonekapo mibarirwana yevapristi avo vaiya vakaroora vakadzi vapara: Vemibarirwana yaJeshua mukororo waJozadhaki nehama dzake: Maaseia, Erieza, Jaribhi naGedharia. ¹⁹ Navo vakadzipikira pachavo kuti vanozopetudza vakadzi vavo nomudiro wavo nendaa yokushaisha kwavo, umwe ngaumwe wavo wakapira gondohwe kubva kumutanga kuita mudiro wokushaisha kwavo ²⁰ Vemibarirwana yaIma: Hanani naZebhadhia. ²¹ Vemibarirwana yaHarimu: Maaseia, Erija, Shemaia, Jehieri naUzia. ²² Vemibarirwana yaPhashuri: Erioenai, Maaseia, Ishumaeri, Nethaneri, Jozabhadhi naErasa. ²³ Vemibarirwana yevaRevhi: Jozabhadhi, Shimei, Keraia, (uwo ndiKerita,) Phethahia, Judha naErieza. ²⁵ Vemibarirwana yevaembi: Eriashibhi.Vemibarirwana yevangwariri vemisiwo: Sharumu, Teremu naUri. ²⁴ Vemibarirwana yaIsuraeri: Vemibarirwana yaPharoshi: Ramia, Izia, Marikhija, Mijamini, Ereaza, Hashabhia naBhenaia ²⁶ Vemibarirwana vaEramu: Matania, Zekharia, Jehieri, Abhidhi, Jeremothi naErija. ²⁷ Vemibarirwana yaZatu: Erioenai, Eriashibhi, Matania, Jeremothi, Zabhadhi naAziza. ²⁸ Vemibarirwana yaBhebhai: Jehohanani, Hanania, Zabhai naAthirai. ²⁹ Vemibarirwana yaBhani: Meshuramu, Marukhi, Adhaia, Jashubhi, Sheari naJeremothi. ³⁰ Vemibarirwana yaPhahathimoabhi: Adhina, Kherari, Bhenaia, Maaseia, Matania, Bhezareri, Bhinui naManase. ³¹ Vemibarirwana yaHarimu: Erieza, Ishija, Marikhija, Shemaia, Shimeoni ³² Bhenjamini, Marukhi naShemaria. ³³ Vemibarirwana yaHashumu: Matenai, Matata, Zabhadhi, Erifereti, Jeremai, Manase naShimei. ³⁴ Vemibarirwana yaBhani: Maadhai, Amiramu, Ueri, ³⁵ Bhenaia, Bhedheia, Kheruhi, ³⁶ Vhania, Meremothi, Eriashibhi, ³⁷ Matania, Matenai naJaasu. ³⁸ Vemibarirwana yaBhinui: Shimei, ³⁹ Sheremia, Nathani, Adhaia. ⁴⁰ Makhinadhebhai, Shashai, Sharai, ⁴¹ Azareri, Sheremia, Shemaria, ⁴² Sharumu, Amaria naJosefa. ⁴³ Vemibarirwana yaNebho: Jeieri, Matithia, Zabhadhi, Zebhina, Jadhai, Joeri naBhenaia. ⁴⁴ Veshe ava vaiya vakaroora vakadzi vapara; vakavapetudza nevana vavo.