¹ Uku ndikutanga kweEvangeri raJesu Kristu, Mwana waMwari. ² sezvezvakanyorwa mu bhuku remuprofita Isaya: "ndinozotuma Mutumwa wangu pamberi pako, uyo uchagadzirira njira yako. ³ Izwi remundhu anodaidzira murenje richiti: "Gadzirirai njira yaMambo, ruramisai njira dzake". ⁴ Johani wakauya achibhabhatidza murenje akaparidza rubhabhatidzo rwekutendeuka kuitira kurekererwa zvishaishi. ⁵ Hino pajudhiya yeshe nevagari veshe veJerusarema vaiuya kwaari. vaibhabhatidzwa kumufuya weJoridhani, vachipupura zvishaishi zvavo. ⁶ Johani waisimira mamvere ekamera ,nebhande rechikumba muchihunu chake,achidya makwiza neUchi wemushango. ⁷ wakaparidza echiti: "Uripo Unozouya sure kwangu, Unesimba kundidarika, wandisina kufanira kukotama kuti ndisunungure Magwada ake. ⁸ Inini ndakakubhabhatidzai ngemvura, asi ena uchakubhabhatidzai ngeMweya Mutsvene". ⁹ Hino ngemazuzwawo kuti Jesu wakabva Nazareta yeGariri,wakaBhabhatidzwa ndiJohani kuJoridhani. ¹⁰ Jesu paakabuda mumvura, wakaona matenga avhurika ,neMweya wakaita senjiya uchidzaka pamusoro pake. ¹¹ Pakauya izwi richibva kumatenga rechiti: "Iwewe uriMwana rumbwana wangu wandinodisisa.ndinodakadzwa ndiwe". ¹² ngekudaro Mweya mutsvene wakamuendesa kurenje. ¹³ Ena wakagara murenje Makumi mana Emazuwa echiedzwa ndiSatani. Ena wainga anezvipuka zvemushango, nevatumwa vechimushumira. ¹⁴ Mukupinda mutirongo kwaJohani,Jesu wakaguma Gariri, achiparidza evhangeri yeumambo hwaMwari ¹⁵ echiti: "Nguwa yadzadziswa, uye umambo waMwari wakwedera padhuze; tendeukai ,mutende evhangeri". ¹⁶ wakati achifamba ngepagungwa reGariri,wakaona Simoni naAndiriya munukuna wake vachikandira mambure mugungwa; ngekuti vainga vaedzi vehove . ¹⁷ Jesu wakati kwaari: "Uyai, nditeerei, Inini ndinomuita vaedzi vevandhu ". ¹⁸ ngekudaro vakasiya mambure avo, vakamuteera . ¹⁹ Asi Jesu, wakati hambei padoko , wakaona Jakobe, mwana weZebhedhi, naJohani, munukuna wake vari muchikepe vachigadzirira mambure. ²⁰ wakavadaidzira ,vakasiya baba vavo Zebhedhi nevashandi muchikepe, vakamuteera . ²¹ Vakapinda muKapenaume; inga ririzuwa reSabata wakapinda musinagoge,akadzidzisa . ²² vakashamiswa ngedzidziso yake; ngekuti wakavadzidzisa semundhu unesimba,asingaiti sevanyori. ²³ Hino muSinagoge ravo inga muneMundhu aneMweya wemadhimoni, wakadaidzira uchiti: ²⁴ "Tiregerei, tinei nemwi, Jesu wenazareta? Mauya kotiparadza kani? Ndinomuziya kuti ndimwi anani: Mutsvene waMwari. ". ²⁵ Jesu wakatsiura achiti: Nyarara ubude kwaari!". ²⁶ Mweya wakashata wakamurigira pashi ndookubuda kwaari wechidaidzira ngezwi guru ²⁷ Vandhu veshe vakashamiswa kakuru vakabvunzana pakati pavo: "Chinyi ichi? iyi idzidziso itsva inesimba? unoti akareketa madhimoni anomuzwa ". ²⁸ Chiripocho choko rakazwika pandharaunda yeshe yeGhalili. ²⁹ Pavakabuda muSinagoge,vakaenda kumuzi kwaSimoni naAndireya, naJakobe naJohani. ³⁰ Mai vanobereka mukadzi waSimoni inga vakaata, vechirwara .Ngekudaro vakabhuira Jesu ngezvaMai vaya. ³¹ Ena wakaenda, akavabata ngemuhoko akavamurudza; urwere ukavasiya,mai vaya vakatanga kuvashandira. ³² Kwabira,zuwa rapota,Vakamuunzira vandhu vairwara nevainga vakabatwa ngemadhimoni. ³³ dhorobha reshe rainga rakaungana pamusuwo. ³⁴ wakarapa vakawanda vairwara ngezvirwere zvakasiyana siyana nekubvisa madhimoni akawanda.Asi aazi kutendera kuti madhimoni arekete,ngekuti amuziya. ³⁵ Wafumira mangwanani kuchakasvipa,wakabuda ,akaenda kurenje akanyengeterereyo. ³⁶ Simoni nevaya nevaaiga navo vakamutsvaka. ³⁷ Vakamuona vakati:'' Veshe varikumutsvaka imwi ''. ³⁸ Iyena vakati: "Ngatipinde kumaguta amweni, kuti ndimboparidja iyoyo, ngekuti ngezandakauyira". ³⁹ Iyena vakapinda mugalileya mwese, wechiparidza musinagoga vaibhudisa madhimoni. ⁴⁰ Wakauya kwaari murume wainga nemapere wakamugwadhamira echimupotera. Iyena wakati kuna Jesu: " kudai wechidha, uchandichenesa " . ⁴¹ Naye wakamuzwira urombo, waka tambanudza nyara yake vakamubhata, wechiti kwaari: Inini ndinodha. garai wakachena". ⁴² Paripo mapere akabhuda kwaari, iyena vakachena. ⁴³ Jesu wakamupangirisa akamuendesa paripo, ⁴⁴ akavavunja : " onai, uchavereketi chiro kune munhu, asi enda udzipangigidzire kunemupristi uhinengendaa yokumhodyos wa kwako izvo zvaakaemesa Mosi, kuita chapupu kwavari". ⁴⁵ Naapo iyena wakabuda, vakatanga kuvavunja vese nokuvereketa ngeizvi, ngokudaro Jesu waiya asikachakoni kupoter mudhoroba pamhene. Iyena waiya kubanze pandau iri yega, asi wanhu vakauya kwaari kubva kumarutii ese.