¹ Ngokudalo, Jesu wakanguena musinagoge mainga nomurume ainga nonhala yakaita shigono. ² Vandu vanweni vaitomusota kuti vaone kuti ena shua unomuponesa here ngosabatha, kuti vamupomere mhoswa. ³ Jesu wakati kumurume ainga nonhala yakashata: Mukai uzekuno pamberi povandu vese hava. ⁴ Ena wakazovhunja kunovandu: Swinotenderwa here kuita swakanaka ngosabath kana kuita swakashata; kuponesa upenhu kana kuulaia? Vese vakasala vakanhaala. ⁵ Ena, wakasota kumutivi akaborekana, akashamwa maningui ngokuvanga ko mweio wake, wakati kunomurume: Tanbanudja nhala yako, Ena wakatambanuja Jesu wakadjinasirira. ⁶ Vafarisi vakabuda, vakatanga kuvereketa nomaherodi, maitire avangaita kuti vamuulaie. ⁷ Ngokudalo, Jesu wakaenda novadjidji vake kugungwa. ngokudalo nbungano yovandu yakamuteverera, vaivha kugalileia, ku judia, ⁸ ku jerusalema, nopakati po dalenlo jordao, novanweni vo tiro no sidon. puvakazwa swiro swaita , nbungano yakavia kaari ena. ⁹ Wakakumbira kuvadjidji vake kuti vasie shimukhumbi shidoko shingue shakanaka para ena, ngondava yo mbungano, kuti vasaulaia. ¹⁰ ngokudalo ena wakaponesa vakawanda, swakazoti kuti vese vaiwadja mutungu, vaizokwedera kake kuti vazomubata. ¹¹ Nguva djese jaiti madimoni paaimowona aiwira pasi pamberi pake, esivereketa esiti: ewe uri mwana wamwari. ¹² ena, ngokudalo waidamaningui kuti areue kuzihwa.