¹ Tupã rehe jurujar ym ame'ē ta remeriã wa ma'e ixo katu ym wã ukwaha? Amõ amõ ywy pehar ta ame'ē ja ma'e ma'e ty jumujy ar te'e wã ixo rī ² Upa papaihu ywy pehar tama'e kapitã namõ jumujy ar te'e ngã ixo rī, Tupã rehe ma'e jaxer ha ke ngã ma'e ma'e ta jesu rehe ame'ē ja tī. Ma'e ma'e tī. ³ "Jahe a'eta ma'e ma'eha ngi jande rehe pyratã hake ngã mōi mōi ixo ame'ē ke". ⁴ Ywa pe Tupã ixo henda katu te ame'ē pe wapyk u'ī ngã rehe matē ukwaha puka puka uwī ⁵ Pe Tupã ngã rehe parahy te parahy te hū ngã ke mukahē pe pandu: ⁶ "Ihē atu amahē aja me'e ke amu'ã Ihē papaihu ke Siã ywy pe". ⁷ Papaihu pandu:"Tupã Ihē pe pandu ame'ē ke ama'e ta" Tupã Ihē pe pandu:" Ihē ra'y nde! apo ngi har nde pai ihē'y. ⁸ Epandu upa ywy keruhū nde ma'e wata upa nde ma'e wã ta ⁹ Ita pire ke, nde remupē ta. kamuxī ywy matã ame'ē ke mupē mukui ame'ē ja saka. ¹⁰ Apo papaihu ta, apandu pehē pe, pekwa katu pexo'y kapitã ywy pehar ta. ¹¹ Japy'a Tupã rehe A'e jõ je'eha te ewapyk nde pynarãi pe kyje ha namõ. ¹² Ta'yr rehe pe pyhu katu Aja rahã Tupã pehē rehe parahy ym ta, aja rahã pehē pe manõ ym ta. Hury katu ame'ē ta, ame'ē mupytaha ma'eha namõ Tupã namõ wa pyta.