¹ Qu sa kwaya rewa na vikwa kwe i va vatikem mo ba kua ni lutu dei. ² E re qei dei niko dei mai na were ni masumasu. Ia na auwa ei laka mai kwe o kora yalia e re vivamatei o ba numia mere tara no ei lia nai soro vua na Kalou. ³ E re na tara na vikwa kwe baletia e re tam kilatia na leda Vava qa o au. ⁴ Qu sa kwaya rewa i va vatikem na vikwa so kwe ni na qei laka mai na ledra auwa, oba qei numia ni qu sa vecei iko na kwa baletia kora. Qusi tam kwaya iva vatikem mai na kea i tautaula, baletia qusi tam no vata vali qai vatikem. ⁵ Ia ko kwe qisa laka i vua o koya a vatala ti au mai , Ia ei lala lia iva vatikem me cacani au mai " E laka no i vei?. ⁶ So kwe baletia na vikwa qu sa kwaya rewa i va vatikem, na mosi i na vakilatia na vatimem uto. ⁷ Ia na du qi kwaya i va vatikem, ei vina cake iva vatikem mequ laka dei, maga qi tam laka dei, na dau ni vivacegui i na tam laka mai i va vatikem. Maga qi sa laka, qina vatala ti koya mai i va vatikem. ⁸ I sa laka mai, na daunivivacegui i na vadudu takinia i vuravura na kwa cala me baletia na vikwa dodonu qa na lewa. ⁹ I nai valavala cakaca, baletia a re tam vabauti au. ¹⁰ I na vikwa dodonu, baletia qi laka no i va Vava, qa oba na tam dani au. ¹¹ Ia i na vuku ni lewa, baleti kora na vadoki lewa i na vuravura kwe e re na lewai. ¹² E i levu sara na kwa i tam tu i va au, mequ kwaya i va vatikem, ia i na dredre i va vatikem mo ba kilatia coko. ¹³ Ia na gauna i na laka mai k o koya na Yalo ni du, i na maroroitia me vatilem cola i na vikwa du, i na tam tata vakataki ni koya. Ia i na kwaya na kwa i rogo, ka na qei kwaya i va vatikem na vikwa i na qei laka mai. ¹⁴ Ei na va tetelagitaki ni au, baletia i na kau coko o koya na vikwa ei leqi au qa na qei vatakea i va vatikem ¹⁵ Na vikwa taucoko ei taukenitia o Vava ei leqi au, so kwe, na yaloni Kalou ei qulu na vikwa ei leqi au, Ia i na vatakea coko i va vatikem. I na lia na gauna lekeleke mai kwe i na tam dani au leqwa ka , ¹⁶ Ia i na lia leqwa na gauna lekeleke ei laka mai i na dani au leqwa. ¹⁷ A ra sewa na lea Tisaiveli a re vikwayaki nia vaikoru," Na yava i mata kwaya no o koya i va vatikem" I na lia na gauna lekeleke o ba na dani Au leqwa, Ia baletia qi na laka i va Vava?. ¹⁸ So kwe e re kwaya, Na yava re na kea i balebale na lea kwaya, I na lia na gauna lekeleke te va tam kilatia re na yava e i mata kwaya vali. ¹⁹ Jisu a danira qa re vinatia me re cacani koya, qa qei kwaya i vuara o koya na kwa oba vicacanitaki vataki ni vatikem nai balebale ni tata qi kwaya, I na lia na gauna lekeleke o ba na tam dani Au, I lia leqwa na gauna lekeleke o ba na dani au. ²⁰ E i du, e i du, qi kwaya i va vatikem i na turuvaki vatimem wai ni mata qa o ba rarawa , ia na vuravura i na gadre, I na sinai i va vatikem na Yalo ni rarawa, Ia na vatilem rarawa i na vuki me gadre. I na gauna ni vakasucu ka ei lia na vibulou. Ei sotavia na mosi baletia na lea gauna se laka mai. ²¹ Ia na gauna ei vakasucu taki nia oti na dridria sa tam numia leqwa na lea mosi, baletia na lea gadretakinia na dridria sa sucu mai vuravura. ²² So kwe o ba rarawa no kwe, Ia qi na qei dani vatikem leqwa, Ia vatimem uto ei na gadre ,Ia ei na lalalia na kau dei mai na vatilem gadre i va vatikem. Na siga so kwe o ba na tam tarogia leqwa i va au ei lia na kwa . ²³ E i du qi kwaya i va vatikem , maga e cacania Vava ei lia na kwa i qu Yaca ei na vaga ni vatikem o koya. ²⁴ Ia ko kwe e na tam tarogi ei lia leqwa na kwa i qu Yaca e cacani qo na sovia so kwe na vatilem gadre me sivia. ²⁵ Qu sa kwaya rewa na vikwa kwe i va vatikem i na tata vakatautauvata,Ia na auwa ei laka mai qi na tam tata i va vatikem na tata vatautauvata. Ia qi na kwaya i va vatikem na kwa bibita me baleti Vava. ²⁶ I na gauna so kwe e cacania qu yacaqa qu na tam kwaya i va vatikem qi na masuti Vava me baleti vatikem. ²⁷ O Vava vataki ni koya ei lomani iko baletia o vatikem o ba lomani au qa baletia o ba vadunia ni qu laka mai i va Vava. ²⁸ Qu laka mai i va vava , qa qulaka mai vuravura qa qu sa laka i va Vava. ²⁹ O koya na lea tisaiveli e re kwaya "Tolavia isa tutuvaki na tata bitabita qa sa tam vayagatakinia na tata vatautauvata. ³⁰ Ko kwe meru kilatia ni e kilatia coko na kwa ei tam yaga e i lia me vacaca niko ei lia na taro, baletia kwe mam vabautia nio laka mai vua na Kalou. ³¹ Jisu a saumia i vuara o ba vabautia ni kua. ³² Tolavia na auwa ei laka mai e, ei na laka mai o ba na qei mataku o vatikem yalia o ba na qei laka i na vatilem were yalia qo ba na dei ni au talia tu. E du , qi tam no talia no baletia na lequ Vava i no qai au. ³³ Qu sa kwaya rewa i va vatikem na vikwa kwe me vatilem na lequ vakacegu, I vuravura e no leqaleqa, Io mo ba yalo qwaqwano qu sa vamalumalumtaki ni vuravura rewa.