¹ Paulusi, Mujpika wa Nyambi no mwa apositola wo Jesu Kilesite kolikulopelo lyo anu anakete Nyambi no kulimuka ko shemwa eyo yokulitawa, ² ci akale no likulupelo lyo moyo okulelela Nyambi, okukana kuangela, ona kulupelisha kaye kale kokashime kukwamiwa. ³ Mushikati shoshiwa ona anukisha liywi muku fundisha oyo inakana kukulujpela kokuthza muku loela kwa Nyambi muyoishi wetu. ⁴ Kwa Tite, mwana oshemwa mukulitawa. tunaliwanena shihemo no kuliyala kutundelela kwa Tata Nyambi no Jesu Kilesite muyoishi wetu. ⁵ Komayalo ao nakushielile Mukrieta, ci omanene enu inakana kupwa kumanenena nokupaka akulu mu maambo oahe eci elina kumonishile. ⁶ Mukulu oswanela kunyathzahala, mukakuyeka mbuyama yofoci, na anaa akakulitawa kali okutosha mukana yuva. ⁷ Kwafotahala ci mufundishi akale okukana kunyathziwa, mukonda shikombwa sho njiyo thza Nyambi, akala munu okulihima. Kali muka ku anjipa wangu, kali muka kunwa wala, kali muka kuteka walwa, kali no munu okufota kufuma mukuangela. ⁸ Ko kenge yo, akale oku tambula enda no ikwama ei yoiwa. Akale okunyanyama, omuwa, okukena, no kulinyunga. ⁹ Okukwatisha nene thziya thza fundishiwile, ci akale okunonoka citweshe kuotelela aenjenji mu ufundishi ouwa no kualula waya mulwisha. ¹⁰ Ne kwa kala anu owang, kwa kamunela omukanayuva, aka kwamba yokupila okwathsi naka kwangela, eci nene aka kuthza ku mukanda. ¹¹ Kuli swanelo thzo kuwa tutwalisha. anu okushaula maumbo oahe mukufundisha yokupila tuso ciawaneko ofumu olingana. ¹² Yumweya wo mapolofita wambile, Makrieta aka n'anda shikati shoshihe, eyama yo umango, akamala ouva." ¹³ Muambelo uwa shemwa. Nehoni, owa nyathze nene ci kale no ku litawa koku yoisha, ¹⁴ mwa paka mano ku matangu o shijuda nji ku milao thzo anu awo ana tundelela kushewa. ¹⁵ Kwawo wowakenu, enu yoihe ikenu. Unone kwawo okukana kukena no kukana kulitawa, kwithsa shoshikenu, unone mayalo oahe no mano omango. ¹⁶ Ahamba ci Nyambi amulimuka unone amukana ko ikwama yo. Akamathzilo, okukana kuyuva, ekwama yoiwa yoihe aikwanga.