¹ Kuma kwa kalile kengeyo mu mayuwa aya aatuli kwa futa litunga akwopo kukala njala mulitunga, ne mukwelume yumweya o mubetelehema wa Juda ayepo thza kukatunga lingana mulitunga lya Moabi pofochi na munu wenji na anenji owakwelume eli. ² Lithzina lyoyu mukwelume kuma lyakalile Elimeleki, ne lithzina lya munu wenji kuma lyakalile Naomi. Mathzina a anenji owa kwelume kuma akalile Mahiloni na Kilione, kuma akalile Aefraraimi omu Betelehema wa Juda. Awopo aka kuma mulitunga lya Moabi ne awopo aka tungamo. ³ Nehoni Elimeleki, munu wa Naomi, ayepo ofa ne ayepo shiala yofochi no anenji eli owa kwelume. ⁴ Awa ana owa kwelume awopo ayeka ambuyama omu moabi; lithzina lyoyu yumweya kuma lyakalile Oripa, ne lithzina lyoyu yumweya kuma lyakalile Ruti. Ne awopo akala mo myaka likumi. ⁵ Ne wahe mo muwili wo Maholoni na Kilioni awopo afa, ne mbuyama ayepo shiala kokupila anenji eli owa kwelume noku kokupila munu wenji. ⁶ Nehonine ayepo katuka pofochi na angumwenyenji kutunda mu litunga lya Moabi kuhuka mukonda kuma ayuvile kuli mu litunga lya Moabi echi Shinda sha moyo po onapa anu enji eyi ifotahala ko kuwapa elya. ⁷ Honine ayepo katuka mushivaka eshi akalile na angumwenyenji eli , ne awopo aenda mu likuñwa kuhuka ku litunga lya Juda. ⁸ Naomi ayepo ambela angumwenyenji eli eci, ''Muthze, muhuke, munu no munu , ku njiyo thza mama wenji. Ne Shinda sha moyo amonishe shihemo shenji kukwenu, eci eli munamonisha shihemo shenu kowaya anafu no kukwange. ⁹ Shinda sha moyo amikwathse eci muwane kutulumwisha, munu no munu kwa munu wenji yumweya.'' Ne ayepo wa cuveta, honine awopo ayelula ku maywi oo ne awopo atuyuka kulila. ¹⁰ Awopo amutawa echi , ''Lyombo! Kuma tuhukela pofochi noe kwa apoe. '' ¹¹ Ambene Naomi ayepo waambela echi, ''Muhuke , anange! Yiñe eyi muthzela nange? Nishili kalo noana mulila lyange mukonda wenu, echi aku miyeke akale anuwenu? ¹² Muhuke , anange , mulihukele, mukonda nina kulu nene kaitawa kalo echi niyeke nikale no mukwelume. Kemonga echi niambe echi , 'Nahakulupela kuma niyekiwa kwa mukwelume ushiku,'ne nokweleka ana owa kwelume , ¹³ kumanga mutwesha kuwa tateela echi akule? Kwithsa, anange! Naha yuva nene omango kukwange mukonda wenu lyoko lya Shinda sha moyo lina nilwisha.'' ¹⁴ Ne angumwenyenji awopo ayundula ku maywi oo ne awopo alila kalo. Olipa ayepo chuveta ngumwenyenji kuli shiyalisha, ambene Ruti ayepo mukakatela. ¹⁵ Naomi ayepo muambela echi, ''Oteelele, mungenjoe ona huka kwapenji ne noku kwa thzimu enji. Ohuke na mungenjoe.'' ¹⁶ Ambene Ruti ayepo mutawa echi, ''Lelo waniootela echi nikushiye, echi nishiye kukushupwela, mukonda okwo othza, name kuma nithzako; okwo okakala, name kwoliyo nikakala; apoe kuma akakala apange, ne no Nyambi woe kuma akakala Nyambi wange. ¹⁷ Okwo okafela, name kwoliyo nakukafela, ne kwoliyo akuka nivumbeka. Shinda sha moyo ani humbishe , ne manene shemwa , mona wonili hande noe mukonda hime lifu lyoliyo lyakutuhanda.'' ¹⁸ Naomi owu amonine echi Naomi po ona tanalisha echi athze nenji, ayepo shiya kumuootela echi ahuke . ¹⁹ Nehonine mwo muwili woo awopo aaenda kupitela mane owu akakumine ku Mbongi thza Betelehema. Akwopo kukala kenge owu aka kumine mu Betelehema, mbongi thzothzihe athzopo thzili shatumuka mukonda woo. Ambuyama awopo aamba echi, ''Yashemwa mwene oyune yoliyo Naomi?'' ²⁰ Ambene ayepo watawa echi , '' Lelo mwanisha echi Naomi. Munishe echi Mumango , mukonda o mukolo yomuhe onani pelemeka lyoli mango. ²¹ Kuma nathzile kunina kwana , ambene Shinda sha moyo ona kanihusha kalo koku pila shimweya. Honine yiñe munishela echi Naomi, kumona echi Shinda sha moyo po ona nianga yaamba kalo Shokolo onani enisha?'' ²² Nehonine Naomi ne na Ruti mbuyama wo Mumoabi , ngumwenyenji , awopo aka huka kutunda mulitunga lya Moabi. Awopo akeya ku Betelehema kuma tatekele oku yanga mavu.