¹ No Paulusi, mukwa kamenga kwa Jesu Kilesite, kalo no muenjenji Timotea, no Philimoni, mbushetu kalo oyu tukwama twage, ² kalo ne ku Apphia ndumbu thzetu, kalo no Archippas listhwalale lyetu, no ku chechi thzili mu liumbo lyoe. ³ Shihemo shikale kukwenu no kuliyala kutunda kwa Nyambi Tata wetu kalo no Fumu Jesu Kilesite. ⁴ Shikati shoshihe nakandelelanga kwa nyambi apa ina ktuyanga mu malombelo ange, ⁵ mukonda nayuva ku tawa oko oli nako kwa Fumu Jesu kalo no shihemo oli nasho kwanu enji wahe awa ali no mupepo wenji. ⁶ Nalombela eci kutawa koe ku kolope, ne waku kaleno kuyuvishisha shemwa ku inu yoihe yo yiwa eyi tuli nayo kwa Kilesite. ⁷ Mukonda nani kala no munyanyu osho kulu kalo no ku liyala mukonda ko shihemo shoe, mukonda micima thza aka kutawa thzinz hemuniwa mukaci koe, mwapange. ⁸ Nehoni, shinga eci nili no okolo ouhe kwa Kileste ku katumina ku kwama eshi muloela ku kwama, ⁹ ne mukonda ko shihemo, na kulombela ame, Paulusi, no mukulu omunu, kalo pano no muka kamenga kwa Kilesite Jesu. ¹⁰ Nalombela kukoe mwapange Onesimus, o yu ineleke ku nili mu tongongolo. ¹¹ Mukonda mushikati shimweya nakala o tumbako kukoe, ambene pano tuna mu kulupela nowe name. ¹² Nina muhusha kukoe, oyu oli mucima wange. ¹³ Nanihimi eci nga nani mutuleka nange eci ani kwamene mu shivaka shoe pano nili mukamenga mu livaka lyo liywi. ¹⁴ Ambene kananihimi kutenda, shimweya ko kupila mayalo oe. Kana ni himi eci okwame ko kukuotela ambene kutunda ku kuhima koe, ¹⁵ Nahimangwa koshi na lihanda noe mu shikati shimweya, eci omuhushe ku koe kuthza ko kukana kupwa. ¹⁶ Akukala mupika, ambene kupita mupika, mwapetu omuka kuhima. yo liyomuka kuhima shinako ku kwange, kalo nene no kukoe, kokuhe munyama kalo no kwa Fumu. ¹⁷ Ne kumonanga wakala nange eci no muenjoe, o mutambule eci ame. ¹⁸ Nga kumona na kwipishela nji na kulyela shimweya, okulishe ame. ¹⁹ Ame, Paulusi, na thsoneka eyi ko lyoko lyange. Ame no shinaka na ku shikula -kali kutoya eci no ni kolotela owe shemwa. ²⁰ Ee, mwapange, oshiye niwane shipiwa kutunda ku koe kwa Fumu; ohemune mucima wange kwa Kilesite. ²¹ Kulikulupela no kulipa kushi koe, nakun'olela. Nina limuka eci kenge wa kukwama nene kupita eli ina lombo. ²² Mushikati shofoci, oni loishele njiyo, mukonda na limuka eci ko malombelo oe kenge na ku mihukela. ²³ Epafrasi oyu oli mukamenga kwa Kilesite Jesu, aku vumenena. ²⁴ Mofoci no Mareka, Apestarko, no Demasi, no Luka, awo akwama nange. ²⁵ Shihemo sha Fumu wetu Jesu Kilesite shikale no mupepo woe. Ameni.