¹ Ele mina ke rare, ijesu lode vbobo lozeva si edasi galilee, la gbo echie eda si tiberias ² obotu le bun o̧ rekhain erimidi yain mi imaghe lo u vbegbe si ekho̧mi. ³ Ijesu yokhumo̧ko̧ lȩ oto̧ kpen ivbiodogho soi. ⁴ Enia isara siashan rare bi ukpe si juwisi ke sir ⁵ Ȩghȩ li jesu ke rȩka ȩoa gbo mi obotu le bun buo̧i de, o̧re iphilip "Ebi mai lȩ ze deko le na le e?". ⁶ Ama ijesu to̧ leta na rȩ dami philip we erimidi o̧ ȩȩn legbe so̧i emo̧ lȩ u. ⁷ Iphilip ayen oi egboigbe vbodeva si idenaria si eko kha s lotuokpa akha re bȩno̧i kere. ⁸ Otuo̧kpa ubȩken ivbiodogho li omion simon ipeter rȩ ijesu , "ovbikho̧mo̧he ri vbaan lo mo esueko ihiȩn bi ehȩn eva, ama emena chian vbusie so ogbere na?" ¹⁰ Ijesu re "ze lagbo̧n oto̧". Enia lumi lo lobu rivbaan yin elagbo̧n ze oto̧, esi ȩgbȩn-igboi-igbe vbodihiȩn vbiko̧ ¹¹ Yin ijesu ze win ele eusueko eghe lo̧ re khuemȩ le, o̧ro̧ li ele otoi. ogbo vbo̧ lehȩn zenabi elo̧bu lo̧ hoo. ¹² Eghe li yain ke rȩ khuȩn, o̧rȩ ivbiodogho soi, "si ele sȩsȩmi leko̧re koko li o̧so-o̧so efua" ¹³ yain ze siele sȩsȩmi koko vbi ugin igbera ubeken esueko ihien la e ko̧re. ¹⁴ Yin, egbȩ li elagbo̧n rȩ mio̧limaghe na lo̧ u yain rȩ, ' vbeken ata ona kholo̧hȩn, lo le vbare vbȩken olagbon " ¹⁵ Eghȩ li Ijesu re ere yain hoo ni yain vbare le ritoto bi toto wun o̧i rȩ chin oba ozi egbe chie lode vbokhumo̧ko legbe soi . ¹⁶ o̧ke sȩ vbewuan, ivbiodogho soi ze lode vbȩda. ¹⁷ yain o vbeken oko̧, yain chan vbede lode vbi capernaum. Ason ke re vbo̧lȩ ghȩ na, ijesu se gbo vbare bu yain re. ¹⁸ Efio lo̧ totoi o̧totobo̧ fio, o̧lȩda o̧ke gbo rugua ¹⁹ Eghȩ li yain ke re ovbi uviemi lo si uwue bi ihien redi o̧gban si, yain mi jesu o shan vbokhmeda bu yain de vboko̧, yain ogbo lofȩn . ²⁰ Ama ore yain, " meme o̧! eke lofen" ²¹ yin yain ze ama ga obo̧ mie on ovbekȩn oko̧, agalagala yon o̧loko gbo ze se vboto ebelodȩ ²² Ȩdȩ lozeva, elobotu le muzan vbobo lozeva seda mien oke oso-oso iye vbain sokpa ukpokpa, ijesu igbo ovbeken oi de ba ivbiodogho so̧i amo ivbiodogho soi okpa yen ralȩ ²³ o̧re diya̧, oko eso rivbo̧ le ze vbi tiberias vbare lo sike ebi yain ze e eko li ebiain ze vbi ekhuemi ²⁴ Ȩghȩ li legbesiyain ovbȩkȩn oko̧ lodȩ vbi capernaum lȩ hoo ijesu. ²⁵ O̧ke se yain ze mio̧n vbobo̧ lo zeva si ȩda. Yain re o̧i "okhaemi, iyai eghȩ lu rȩ vbare vbaan?" ²⁶ Ijesu re ayen niyain, o̧rȩ, "atata, u hoo me, ovbi o̧hio̧ sumi imaghe, ama ohio u eke khuen. ²⁷ E bia ovbi ebae lo riai, ama bia o̧ibebae lo̧ mo̧ oziȩn rȩ yi edagbo̧n lo̧gbo̧n lovbiomoohe le re na ohio oiselebua lerah wun uvbo soi nai" ²⁸ wghean yain ro̧i, "mai le u, li mai re biobia soiselebua?. ²⁹ Ijesu reayȩn niyain , ore yain "ona khobia siosȩlȩbua. lu rȩ mien ho̧n vbeken yon okpa lo̧ ye" ³⁰ yin yain ze o̧i "iyi maghe lu le u aghean, li mai mio̧n limai rȩ mien hon ? Emi ulȩ u? ³¹ Erah mai e ebae lo ri aesin, zenabiaivin oi, o̧reko lo ze vbokhumeimi vbare niyan e. ³² Ijesu re ayȩn niyain. Atata imosisi ko̧ ze vbokhumeimi ri eko naa , Ama erah mȩ yo̧n ri eko si ata lo ze vbokhumeimi vbare na a. ³³ Erimidi eke soisȩlȩbua yon ze vbokhumeumi vbare lo̧ gbo rabon lagbon. ³⁴ Yen ze oi o̧lo̧ lȩ mȩ, ro̧ leko na imai ȩghȩ eremȩn. ³⁵ Ijesu rȩ yain "meme khi eko sagbon, olo ghe me re .ohami kha gboi, o̧lo̧ gbo mie me ho̧n kha degbe hinkhue ohanmen. ³⁶ Ama itakha vbeken ata u mie mȩ miȩn ho̧n ³⁷ Eriah eremen ierah re ime le bu mȩ rȩ, o̧lo̧ gbo bu mȩ re ikha fio fia ³⁸ o̧hio̧ i ze vbokhumeimi vbare, a o sime ki lȩ u, ama a o si o̧lo̧ ye mȩ ³⁹ O̧na khia a o so̧lo̧ ye mȩ, khi lkha wun o̧rio̧so-o̧so fia lo̧ wun imȩ, ama ilȩ shio yain vbȩdo̧ lo̧ kpuokho. ⁴⁰ Ona khao si erah mȩ, khi eriah eremȩn lo̧ mi olovbio̧ lo̧ gbo mion ho̧n iȩ mo̧ edagbo̧n lo̧i mo̧ irȩso. ⁴¹ Yin ekhen ijuwisi o̧ ze zuyo̧n vbemo̧i erimidi khotai, "meme ki eko lo ze vbi okhumeimi vbare'' ⁴² Yain rȩ, o̧na vbi jesu lovbi joseyyu, li mai een erah bi iyo̧in? Ebo ke tai khi, "i ze vbokhumeimi vbare" ⁴³ Ijesu re ai yȩn ni yain o̧rȩ ''hȩna vuyo̧n ize vbusie vba. ⁴⁴ Amimio̧ lo̧ le bu me re sokpa olerah lo̧ ye mȩ sio̧, ilȩ gbo shio vbȩdȩ si kpuokho. ⁴⁵ A vin o vbeken ihȩn, ''oisȩlebua lȩ remi kha eriah eremen, eriah eremen le hon le gbo mamai vbobo serah le bu me re ⁴⁶ oi u khi orio̧so sȩ mi erah, sokpa yo̧in lo ze vbi serah vbare-yon mi ȩle rah. ⁴⁷ Atata olo miȩn ho̧n mo̧ ȩdagbo̧n lo̧i mo̧ ireso ⁴⁸ Meme khi eko sagbo̧n ⁴⁹ Erah vba ebae vboto̧ aesin, yan gbo ulo ⁵⁰ O̧na khi eko lo̧ ze ubokhumeime vbare , li orial re ze vbo e, o̧kha gbo u. ⁵¹ meme khi eko lo̧ ribo lo ze bohumeimi vbare uan khuan lo̧ ze uboleko na e, o̧ le yevbo si rele-rele. Oleko li lȩ rȩ re naa nyin khi ehu mȩ si edagbo̧n solagbona. ⁵² ekhen ijuwisi legbe siyain o̧bi o̧khuȩn yain gbo be vbikhae run, tai, "ebo o̧mo̧he na lei ri ehu soi imai e. ⁵³ Yin ijesu ze ȩ yain . "Atata, sokpa ue ubehu sovbio̧ mo̧he bi u wun erei soi o̧n, ukha mo edagbon vbȩkȩn egbe sivba ⁵⁴ uan khuan io̧ e ehu me bi erei me o̧n mo̧ edagbon si relerele, i le gbo shio ubede si kpuokho. ⁵⁵ O̧hio̧ si ehu mȩ khi ebae sata, bi erei me khi ata la o̧n ⁵⁶ o̧lo̧ ghe e ehu me lo gho wun erei me o̧n rivbeken me, meme gbo rivbeken yo̧in . ⁵⁷ Zenabi erah lo̧ rivbo iye me bi ebi gbo rivbo erimidi si erah, iyo̧ o̧lo̧ e me le gbo ye vbo̧ ohio si mȩ ⁵⁸ O̧nakhi eko lo ze vbokhumeimi vbare, oi vbi elabi erah e lo̧i v. O̧lo̧ ghe o̧ lebae na le yevbo rȩlȩ-rȩlȩ. ⁵⁹ Ama ijesu telemina vbi synagogue eghe lo̧ re khaemi vbi capernaum. ⁶⁰ Yin ivbiodogho le bun le hon re, " ona khomiame si eta, o̧lo̧ le hoin?" ⁶¹ Ijesu, erimidi o̧ ȩȩn legbe soi khi ivbiodogho ozuyo̧n uzuyon ubemi latakha yain, "orȩken khoe? V 62 Eghe an ukha ke mie ovbiomohe chie lode vbokhumi ebo kpao ri igheghe?. ⁶³ Etin yo̧n zei agbon rivbo̧, ehu imo̧ ee. Eta litakha nyin khetin, agbon o̧ gbo chain. ⁶⁴ Akpaȩ mieso vbivba loi muen ho̧n "ohin ijesu een vbi gban re elȩ kha miȩn ho̧n bi o̧lo̧ le gbo ro̧idȩ ⁶⁵ O̧rȩ, "o̧hio sona yo̧n zei li rȩ takha khi aimi roioso lo̧ le bu me re sokpa erah me o̧ ghe ro̧i nai. ⁶⁶ Erimidi so̧na, ivbiodogho le bu ralȩ e chie relchain shan. ⁶⁷ Yin ijesu re eligbeva, "u gbo hoo lu ralȩ, u hoo?". ⁶⁸ samom ipeter ayen oi, "ebiain o̧li ma lie bu?. U mo eta si agbo si rȩlȩ-rȩlȩ. ⁶⁹ Mai ke gbo miȩn ho̧n gbo vbare ȩȩn wȩwȩ khi olofuan sioselebua. ⁷⁰ Ijesu rȩ yain, meme ki zȩ, eli gbeva, io̧kpa vbi vba ze chien esu?" ⁷¹ Enia o̧tȩ mo̧ si judasi lovbi simon iscariot, erimidi yoin khi okpa vbeligbeva, lo ri jesu dȩ.