¹ Atata, i ẹ wuẹ, o̧li kho̧i re o̧vbukhuẹdẹ ovbi ugba si agbo, ama lẹ wun wun okhumi hẹn vbi ukpodẹ o̧vbe oyi kho̧lo̧ mohe an. ² O̧lo̧ shan vbukhuẹdẹ o re yin kho̧ ragbo shan. ³ O̧khẹ ukhuẹdẹ khuyukhuẹdẹ a nai. O̧lagbo hun ukpurun so̧i, o̧gbo echie enyin sẹlagbo o̧gbo wun yain doo̧-e. ⁴ Eghẹ lo̧ ke rẹ wun so̧i eremẹn dianre, o̧ kpa o khẹ yain o̧lagbo gbo rekhain, erimidi yain ẹẹn ukpurun soi. ⁵ Yain kha rekhan o̧re ama etini yain reheẹ nai, erimidi yain ẹẹn ukpurun si irẹ." ⁶ Ijesu te li tan na kha yain, ama oi wun yain ẹo kuere emi le chian lo̧ ta yi yain. ⁷ Ijesu gbo chie ta kha yain. "Atata, itakha, mẹmẹ kho̧lukhuẹdẹ si o̧lagbo. ⁸ Yain eremẹn le kpao vbare khẹ mẹ oyi bi arakhua yẹn chian, ama o̧lagbo ida yain eho̧n. ⁹ Mẹmẹm khukhuẹdẹ. O̧lo̧ ghe shan vbi me o re, o̧lẹ mo̧ amiefan, o̧lo̧ ovbẹ gbo dianre gbo mi ilo̧wua. ¹⁰ Oyi kha vbare sokpa lo̧i re duoyi loi re gbe bi aria-a. I vbare liyain re mo̧ agbo̧n gbo mo̧i bun. ¹¹ Mẹmẹ kho ragbo shan lo̧ humo̧ lo̧ ragbo̧n o̧vbotoi li agbo so̧i. ¹² O̧vien la miẹn ovbi o̧ragbo shan o̧igbo mo̧ agbo. O̧kha mie amako̧n vbade o̧la fia gbo biesu gbelagbo o̧lamakon duiyain wua gbo khwia yain a. ¹³ O̧lafia o̧hio̧ si o̧vien la miẹn yo̧nchian, o̧i mi emo̧ fi o̧vba gbo. ¹⁴ MẹMẹ Kho̧ ragbo shan lo̧humo̧, igbo ẹẹn isimẹ, isimẹ gbo ẹẹn mẹ. ¹⁵ O̧lerah ẹẹn mẹ, igbo een o̧lerah, igbo ragbo̧n me o̧vboto̧i li o̧lagbo. ¹⁶ I mo̧ agbo evbe li khie ye vbo̧lugba na. ilẹ gbo gbayin egbe wun yain vbare, yain le hun ukpurun mẹ lai rẹ mi agbo o̧kpa bi o̧ragbo shan o̧kpa. ¹⁷ O̧na o̧zẹ li o̧lerah rẹ humẹkẹn mẹ. I ragbo̧n me o̧vbo̧to̧i, li gbo chie metin wun o̧i . ¹⁸ O̧rio̧so kha miẹmẹ wun ralẹ, ama mẹmẹ legbe mẹ ragbo̧n mẹ o̧vboto̧i. I mo̧ asẹ li rẹ o̧vbotoi, igbo chie mo̧ asẹ li lẹ wun oi yokhumi. I mien vbobo̧ serah mẹ" ¹⁹ O̧gha ye gbo chie bẹ vbusie si ekhẹn ijuwisi o̧hio̧ so̧lẹmo̧i na. ²⁰ Elo̧ bun vbi yain rẹ, "O̧ mo etin sebi bi uhumi so̧i igha. Emi uwa dai eho̧n ni? ²¹ Enio̧ rẹ "Ena vbẹmo̧ si o̧lo̧ mo̧ etin lo̧be, o̧lo̧ mo̧ etin lo̧be le metin tinyin ẹ-o so̧ria-ah?" ²² O̧ ke sẹ vbẹghẹ si ukpe si awun oi vbo̧bo̧ vbi ijerusalem. ²³ Eghe si uin, ijesu o̧ shan vbẹkẹn o̧sẹ lo̧ rivbi ukhuẹdẹd oeẹ si solomon. ²⁴ Yin ekeẹn ijuwisi ze lagai yain ro̧i "Ebulẹ ke wun mai oivbo khẹna tẹ se? sa gaze kristi yoin u chian, ti kha mai mayẹna." ²⁵ Ijesu reayẹn niyain "I ta kha, ama u miẹn ho̧n. obia li ya bia vbenyin serah me, ena ki ivbo̧sẹi lo̧ yi ẹẹn mẹ. ²⁶ U sẹ kpẹ miẹn ho̧n erimidi u vbi agbo si mẹ. ²⁷ Agbo mẹ o̧ hun uro mẹ i ẹẹn yain, yain agbo rẹ khain mẹ. ²⁸ I ragbo̧n si rẹlẹ-rẹlẹ niyain. Ekha degbe u ghe, aigbo mi o̧rioso lo̧ le miẹn yain vbobo̧ mẹ. ²⁹ Erah mẹ lo̧ wun yain ime gba lẹ yain nio̧. ³⁰ Mẹmẹ bi o̧lerah o̧kpa o̧." ³¹ Yin ekhẹn ijuwisi gbo se wun udo niyain fio. ³² Ijesu ayin yain "I robia le bun kha lo̧ ze vbi serah vnare. Erimidi selobia na yin uwa ze filudo gbe mẹ? ³³ Ekhẹn ijuwisi ayẹn o̧i, "Mai kha filido gbẹ ẹ vbobia lesẹn o̧so-o̧so, ama vba ria-a erimidi wẹ-wẹ o̧mo̧he okpa, u regbe sẹ chaẹn oisẹlẹbua. ³⁴ Ijesu ayin yain "Ai vin ovbẹkẹn uhi, 'I tai, "Are o̧ yo̧n u chian." ³⁵ O̧kha echie yain are-o̧ rẹ yi o̧riah lemo̧i soisẹlẹbua ze vbare. (Akha metin gbobo̧ ra o̧lebe). ³⁶ U tai khai oriah li o̧lerah wun ushoadan gbo ye vbekẹn agbo̧n, uwa riai-a, erimidi itai, "Mẹmẹ khovbioosẹlẹbua. ³⁷ Abiobia lo̧ humo̧ serah me, emiẹn mẹ ho̧n. ³⁸ Ama ikha vbiyain, si u rẹ miẹn mẹ ho̧n, mien o̧lobia ho̧n lu rẹ ẹẹn, lo̧i gbo rẹ wun wẹ ẹokuere khi erah rivbekẹn mẹ bi mẹmẹ rivbekẹn olera. ³⁹ Yain gbo riakha liyain khuoi wun, ama o̧ sho̧ vbobo̧ siyain re.kha khi kha ⁴⁰ O̧gbo lodẹ vbebi no̧i si jordan vbebi ijonni ya ze kpao samẹ, oze ri vbẹ vbo̧. ⁴¹ Agbo̧n le bun vbare yo̧i yain roi "Ijonni izi maghe, ama emi eremẹn lo̧ tai vbemo̧ olo̧mohe na ata o̧. ⁴² Agbo̧n le bun miẹn oi ho̧n vbain.