¹ Igban reyo̧in khi eta,o̧leta gbo ye kpen oiselebua gbo kho leta. ² O̧na o̧kpa khi igban re ba vbi oisȩlȩbua. ³ Yo̧n O̧ mi emi eremȩn, si o̧i vbo̧i, Ai mi emi O̧kpa lamai la se ma. ⁴ Ekȩn oi yin agbo̧n ri, o̧lagbo̧n gbo khi urukpa si agbon ⁵ olurukpa o̧vbae vbȩken uduebi, oli uduebi gbo metin vo oi. ⁶ O̧mo̧he o̧kpa ri vbo̧ loiselebua ye, enyin soi yin khi ijo̧nni. ⁷ O̧ vbare iȩ fi o̧sȩi v̧bȩmo̧ ivbo̧sȩi si emo̧ urukpa, lai re mieho̧n re shan vbobo̧ so̧i ⁸ Ijonni ivbi urukpa, ama o̧ vbare lo̧i re ri ivbo̧sei o̧ vbi emo̧ uruka. ⁹ Urukpa si ata, lo̧ wun urukpa li agbo̧n eremȩn, o̧ vbade vbȩkȩn agbon na. ¹⁰ O̧ ye vbȩkȩn agbbon, agbo mi agbo̧n shan vbobo̧ so̧i, o̧lagbo̧n na igbo ȩ ȩn o̧i. ¹¹ O̧ vbare vbi so̧i, iso̧i gbo ga obo mio̧i. ¹² Ama rȩ yi elebum ie ga o̧bo̧ imiȩn oi, ie mien enyiņ so̧i ho̧n, o̧ rase niyan re chien ivbi oisȩlȩbua. ¹³ Ai vbi ena shan vbi erei, dabi si a o si ehu, dabi si a o si erah ama lsi oisȩlȩbua ¹⁴ Oleta chien ehu o̧gbo ye vbi usie mai.Mia mi o̧khia soi, o̧khai bi khi okpa gbo khi uko̧kai lo̧ ze vbi erah vbare, vo̧n vbi ȩse o̧hȩn bi ata. ¹⁵ Ijonni vbi ivbo̧sȩi o vbi emoi gbo viȩ deanre, o̧ rȩ "ona khi okpa vbi o̧ria li tai, o̧lo̧ lȩ vbare vbi uokho mȩ gba lȩ mȩ, erimidi yo̧n akpao vbia khȩ mȩ". ¹⁶ Erimidi si ivo̧n so̧i mamai eremen ga obo̧ miȩn ȩse o̧hȩn lo̧ lȩ ȩse o̧hȩn ¹⁷ Erimidi agbi uhi imal shan vbobo̧ si mosisi. Ȩse o̧hȩn bi ata shan vbi obo̧ si jesu krisiti vbare. ¹⁸ Ai mi o̧ria lo̧ se mi oisȩiȩbua ghe, oisȩlȩbua okpa, lori vbi efen si eran, o̧ zuan een oiselebua. ¹⁹ Ona khi ivbosei o̧ si ijo̧nni egho li ijuwisi bi levitesi rȩ ze vbi ijeruselem yuhumi yo̧i re mia eta, "o̧lu chian?". ²⁰ O̧ tai, oi sin o̧ ama o̧ rȩ "yo̧n vbi ijesu". ²¹ Yin yain ze maiai, "Emi u chain si yo̧?, wue wue khi Elijah?" o̧ ayin yain "o̧gho̧" ²² O̧lu ke u si yȩ, li rȩ reanyen yi ele ye mai?. emu tai vbi emo̧ si egbe sȩ. ²³ O̧ re ukpurun i chain lo̧ viȩ vbi oto̧ aesin: Ehin ukpode si Ȩb̧iaiņ dia, zenabi isaiah li ohȩn tai. ²⁴ Enia ayi eso vbi ipharisees, ²⁵ Yain gbo miai, yain ro̧i "Akha ga ze u vbi kristi dabi Elijah dabi ohȩn emi uwa samȩ ni?. ²⁶ Ijo̧nni anyin yain, o̧ re, "Amȩ irȩ samȩ Ama vbiusie si vba ie muzan vban, oria li khueen . ²⁷ yin khoria lo̧ vade vbi vokho mȩ i win vbȩ o sȩ vbi o̧lo̧ le wun ukpuisi bata soi tinyen a. ²⁸ Eken bethany yin aze vbi ebi ijonni yaze same. V 29 Ȩdȩ lo zeva ijonni mie josu buo vbade o̧ze ȩ, "kaȩoa, ewi agbosi oiselebua lo̧ abo̧kho̧ si o̧lagbo̧n na kua. ³⁰ Onakhi okpa vbi o̧li tai, o̧lo̧ vbade vbi uokho me gba iȩ mȩ, erimidi yo̧n kpao imȩ. ³¹ I een o̧i, ama iyo̧ o̧ ,olȩ regbe kha isreali li meme vbara ie ri amȩ samȩ ³² Ijonni vbi ivbo̧sȩi , ovbo̧, i mi etin dotoide bi khi kelua vbi okhimeimi, o̧tin ma vbi okhumoi. ³³ I een o̧i, ama o̧lo̧ ye me li samȩ takha mȩ uhumi si olighe mie etin ze doto̧i rȩ tin ma, yo̧n iȩ same lagbon vbeken etin lofuan. ³⁴ I mi o̧n gbo vbi ivboseikhi ovbi oiselebua o̧ ³⁵ Ȩdȩ lo zeva ebi ijonni bi ivbiodogho soi muzan. ³⁶ yain mi jesu o shan ra re, i jonni re olagbo si oisȩlebua" ³⁷ Ivbiodo̧gbo̧ soi ho̧n o̧ to̧letab yain ze rexhain ijesu. ³⁸ O̧ rekhain, o̧ re main "emi u hoo?. yain rȩ ayȩn "rabbi" himo̧ soi khi "okhaemi" "ebi uwa ye?". ³⁹ O̧ rȩ yain"vbare iȩ ewue " yain vbare iȩ mi ebi yo̧n o̧ye yain ye vban kpȩn o̧ vbi o̧lukpȩdȩ erimidi akoko lo̧ zi igbe ke si re. ⁴⁰ okpa vbusie si yain eva lo̧ ho̧n khi ijonni teta liyain ze rekain khi Andrew omion isimon isimon ipeter. V 41 O̧ kpao hoo omio̧n mie, o̧ ro̧i "mai mi "i messiah" himo so̧i khi kristi ⁴² O̧ wun o̧ bu ijesu re, o̧ gbo fe oi wue , o̧ ro̧i wue ehi simoni iovbi ijonni alȩ ya echie cephas itimo̧ soi khi peter. ⁴³ Ede lo̧ zeva ȩghȩ li jesu re hoo loi lode vbigalilee, o̧ mi philip, o̧ rȩ i, "rekhain me" ⁴⁴ Enia philip ze vbi bethsaida vbare evbo si Andrew bi peter. ⁴⁵ Philip mi nathaniel o̧ ro̧i 'yo̧n "li mosisi vin o̧ vbi uhi, bi elihȩn ma mi o̧ jesu ovbi joseffu, si Nazareth". ⁴⁶ Nathaniel ro̧i Emi lesȩn lȩ ghe metin ze vbi Nazareth dean re?" Philip ro̧i "lȩ ewe". ⁴⁷ Ijesu mi Nathaniel o̧ buo̧i de ogbo gwiyȩ mi so̧i, "Ewe israelite si ata Aimi atȩ e vbeken o̧i. ⁴⁸ Nathaniel ro̧i "Ebu ȩȩn me"? jesu ayȩn o̧i o̧re," o̧kpȩsȩ khi philip echie, ȩghȩ lu rȩ ri vbi egengen oran lo̧dagan, i miȩ ⁴⁹ Nathaniel ayȩn rabbi, ovbioisȩlȩbua yun u! O̧ba si israeli yun chain ⁵⁰ Ijesu ayen o̧i, o̧roi, "Eramidi u mie ho̧n? ulȩ mi emi le gba lo̧ lȩ ena". ⁵¹ o̧ ze o̧i atata, itakha, ule mi okhumeimi dotoi re vbi uhumi si ovbi oiselebua".