¹ Bafaliseo na bamo bakakuthoneka majwi amashiko baje batundile ku Yelusalema ba kungulukile kuli ikeye. ² Bamwene bamo haba ndongethi bendi banakulya makende namaboko amathzilo, aje, akujeneka kujwela. ³ (Mwafwa ba Faliseo naba Yunda boshe kubethi kulya ngwe kubajwelele kuma boko abo, mwafya banyungila ku chithemwa chaba kulunu. ⁴ Omo ba faliseo batundile ku maliketi, kubethi kulya nge kuba lijwelethele, bakanyungu byuma byabingi bije baka tambula, byakufwa ngwe kukusha binganja, bindeho, malonga abikungo, na bimetha habakalila.) ⁵ Ba Faliseo na bakakuthoneka majwi amashiko behwile yesu, "Mwafwa bika ba ndogethi bobe kubethi kwenda muchithemwa cha bakulunu, oloni bakali makende na maboko amathzilo?" ⁶ Cho wendekele kuli bakebo ngwendi, "Isaya wapolofetele mwamubwa hali yeni bakakulikwitha. Ngwe muje ba bithoneka, 'Aba banu bakanjithingamika na milungu abo, oloni bimbunge byabo bili kulako nange. ⁷ Chinapu chamupolongwa kunjithingimika mungila eyi, yakulongetha mashiko a banu.' ⁸ Munathzethze mashiko a Njambi na kukwatelela ku chithemwachabanu." ⁹ Cho wendekela nawa kulibakebo ngwendi, "Chabwahela muli yenu kubyana mashiko a Njambi linga mukakateye kuchithzemwa cheni! ¹⁰ Mwafwa Mosesa Wendekele ngwendi, 'Lemetha baisho na banyoko,' cho, 'Owo endeka byabibi hali baishe nambe baina athza.' ¹¹ Yeni mukendeka ngweni, 'Ngwe munu endeka kuli baishe nambe baina, " Choshe chiunatambula kutunda kili yange cha Ngolebani" (kulumbununa ngwabo, 'Chakukwana kuli Njambi'), ¹² cho lalo mumubyanetha kulinga bili byoshe kuli baishe nambe baina. ¹³ Munakulingitha majwi a Njambi kupwa a ngocho mwafwa munakwatelela ku chithemwa cheni. Na byakulifwa bimukalingi." ¹⁴ Wathanene mbunga lalo nakwendeka ngwendi, "Tolilileni kuli yange, eniboshe, nakuthzibithzitha. ¹⁵ Kukwethi bitunda haja bikobela muli munu byatha kumubihitha.Oloni bije bituhuka muli munu bikebyo bimubihitha." ¹⁶ Woshe ali namatwi akuthziba, athzibe. ¹⁷ Cho omo Yesu wathzethzele mbunga nakukobela munjubo, bandongethi bendi bamwihyile ha chithimo. ¹⁸ Yesu wendekele ngwendi, " Neni kumwethi nakuthzibithzitha ndi? Kumwethi nakumona ngweni byoshe bikobela muli munu kutunda haja kubyethi kumubibihitha, ¹⁹ mwafwa ku bye kukobela kumbunge yendi, oloni bikakobela mwimo nakutundila hanja?" Amajwi ano Yesu watabethele byakulya byoshe kupwa byakujela. ²⁰ Wendekele ngwendi, " Bikatundu muli munu bikebyo bikamubihitha. ²¹ Muli munu, mumbunge yendi, mukatundu bithinganyeka byabibi, buthunda, bwithi, kuthsiya banu, ²² bupangala, kushungwiya, bukenya, kungumuna, mashungu amabi, chipululu, makuli, kulithiba, bulema. ²³ Ebi byoshe byabibi bikatundu mukati, bikebyo bikabihitha munu." ²⁴ Watundile kuje akele na kuya ku Tile naku Sidone. Kuje akobelele munjubo, oloni kashyakele nambe umo athibuke kwa nakele, choni kathele kubanda. ²⁵ Hathimbu yaidondo munakathi umo wamunendi wakele namuthzinthzime wa ubi athibile ali ikeye wethzile na kuwa hathi kumendi endi. ²⁶ Oloni munakathzi wakele Ngiliki, mu Fonisiya muku themuka. Cho walembelele Yesu mangana atundithe lyamba mumunendi. ²⁷ Wendekele kuli ikeye ngwendi, "Echeleni bana babange kulya. mwafwa kethi chakuthungama kwana makende abana kututali." ²⁸ Olojo wakumbulwile na kwendeka ngwabo, " eyo, Shukulu, natutali bakali bungululu bukau mwithi ya metha ya banike." ²⁹ Wendekele kumunakathzi ngwabo, "mwafwa unendeka ngocho, ita uye. Lyamba natundu laja muli munobe." ³⁰ Welukile kunjubo kwaka wanene mwanike nalala a bulili, na lyamba natundu. ³¹ Cho watundilemo mulifuti lya Tile, nakweta mu Sidone kuha ku Lishali lya Ngalileya na kweta kulifuti lya Ndekapolise. ³² Cho bamunenelele munu wakathinda matwi na kalaka, na kumulambelela mangana akambeke liboko lyendi hali ikeye. ³³ Cho ba mutwalele kwalikalyendi kutunda ha mbunga yakama, akele minye mumatwitwi endi, na kujekwile mate na kukwata ndaka yendi. ³⁴ Cho wakengele mwilu, walithithumwine nakumuleka ngwendi, "Efifata," kulumbununa ngwabo, " Shokoloka!" ³⁵ Matwitwi endi ashokolokele, lilimi lyendi lyathzitukile, na kuputuka kwendeka mwamubwa. ³⁶ Yesu wabalekele ngwendi kethi baleke banu hali echi. Oloni nambe wabalekele kulinga ngocho, babengi bambulwile echi. ³⁷ Balikomokelele manene, nakwendeka ngwabo, "Nalingi byuma byoshe mwamubwa. Wechi kulinga naba tuthinda matwi kuthiba na tubebebe bendeka."