¹ Athinoni Yesu wa shangumukile kuba longetha mu bithimo. Ngwendi, "Kwakele munalume wakunine chitungu cha mikolobothi ya bushuka bwa binyu, cho wathitikileko chipatanga, na kwindamo bwina bwa ku kamwinamo binyu. Wa tengele kaposhi athinoni wa thethza chije chitungu kubaka-kupanga. Cho waile ha bungenthzi. ² Omo thimbu ya kuteja bushuka yetele, watumine ndungo yendi kuli baka-kupanga muku tambulako mutambela wendi bije bana teje. ³ Cho baje baka-kupanga bakwatele uje ndungo, ba mupupile, na kumwilwitha maboko-boko. ⁴ Athinoni uje babenya chitungu watumineko lalo ndugno mukwabo, cho baje baka-kupanga bamu bulumwine ku mutwe na ku mulinga mwa shwamwa. ⁵ Cho babenya chitungu watumineko lalo mukwabo, cho baka muthsihile. Cho balingile ba kwabo babengi muchifwa chije bene, bamo baba pupangele cho bakwabo babathsihile. ⁶ Kwathalele munu umo wakutuma, munendi wa munalume uje yashakele manene. Wakele wama manethelo kutuma kuli bakebo. Wendekele ngwendi, ''Baka thingimika munange.' ⁷ "Oloni baje baka-bipangi balyendekethele mukati kabo ngwabo, 'Ou ikeye swana wa chitungu chino. Ijeni, mangana tumuthsiye, cho tufungulula bufuko bwendi.' ⁸ Ngechibene ba mukwatele, cho bathsiyile, na kumbila mubila wendi hanja ya chitungu. ⁹ Choni, uje babenya chitungu alinga bika? Akaija na kuthsiya baje baka-bipangi na kwana chije chitungu ku baka-kupanga beka. ¹⁰ Kumwatandele majwi awa mubi soneka ndi? 'Limanya lije ba byanene baka kutunga likelyo linapu nguthzi ya mu mbango. ¹¹ Echi chafumine kuli Shukulu, cho chinapu cha kukomoketha kumesho etu.'" ¹² Cho ba ntwama baba Yunda ba shakele kumukwata Yesu mwafwa ba thzibukile ngwabo Yesu na batela chithimo echi mukubalwitha. Oloni ba thzibile lyoba lay mbunga ya banu. Ngechi bene bamu thethele cho baile. ¹³ Cho batumine bamo baba Faliseo naba Helonde kuli ikeye linga baka mwetheke na majwi. ¹⁴ Omu bethzile, bendekele kuli ikeye ngwabo, "Mulongethi, twathzibuka ngwetu kuwakele mana ku bithinganyeka bya banu, kuwethi kupangununa banu. Buthunga bene ukalongetha ngila ya Njambi. Lyapwa lishiko kufweta lithimu kuli Sezale tahi indi embwe? Tufwete indi embwe?" ¹⁵ Oloni Yesu Wathzibukile kuli tangetha kwabo cho waba kumbulwile ngwendi, "Bikajo muli naku njethekela? Neneni oyo mbongo ya siliva kuli yange linga nji imone." ¹⁶ Banenele imo kuli Yesu. Wa behwile ngwendi, "Chihanga cheya na lithzina lyeya ebi biliho?" Cho bamukumbulwile ngwabo, "Sizale." ¹⁷ Yesu wendekele ngwendi, "Aneni Sezela bije bina kundama kuli Sezela, cho aneni Njambi bije bina kundama kuli Njambi." Cho bali komokelele manene hali ikeye. ¹⁸ Athinoni ba Sanduki, baje baka kwendeka ngwabo ku kwakele ku thanguka, bethile kuli ikeye. Ba mwihwile, ngwabo, ¹⁹ "Mulongethi, Mosesa watusonekelele ngwendi, 'Nga ndolome ya munalume athsa kuthethza munakathzi wendi, kwakujeneka mwana, cho ndolome yendi ambata uje tuliwe linga aka kulithilemo mbuto ya ndolome yendi.'" ²⁰ Kwakele bandolome batatu na ba bali, wa kulibanga wambatele muna kathzi cho nomu athsa, kujeneka kuthethza mbuto. ²¹ Athinoni uje wamu chibali wa mbatele uje munakathzi nayikeye lalo wa thsile, kathethzele mbuto, chapwile chuma chimo na kuli ndolome wendi wa chitatu. ²² Baje bandolome boshe batan na babali kuba thethzele mbuto. Cho hakukotoka kwa byoshe ebi, uje munakathzi na ikeye wa thsile. ²³ Mukuthanguka, omwo baa thanguka lalo, uje munakathzi akapwa weya? Mwafwa boshe ba ndolome batanu na babali bamu shombwele." ²⁴ Yesu wendekele ngwendi, "Ngocho keti mukemo muli naku thebuka, mwafwa kumuthzibuka bisona na nthzili ya Njambi? ²⁵ Mwafwa omo bathsi baka thanguka, kuba kambata nambe kushomboka, bakebo ba kapwa nge tungelo ba mwilu. ²⁶ Cho ngwe hakuthanguka kwa bathsi, kumwa tandele muli bulu lya Mosesa, hali chije chiputa chakele na kwenya, omwo Njambi wendekele nendi ngwendi, 'Yange Njambi ya Abilahama Njambi ya Isake na Njambi ya Yakobo'? ²⁷ Kethi Njambi wa baka kuthsa embwe, ikeye Njambi wa baka kuyoya. Mwa buthunga yeni mwathebuka bene." ²⁸ Umo waka kuthoneka majwi amashiko wethzile cho wa thzibile bije bakele na kwendeka; Cho wa mwene ngwendi Yesu na kumbulula mungila ya ibwa. Cho wa mwihwile ngwendi, "Lishiko muka lyakama kuma shiko oshe?" ²⁹ Yesu wamu kumbulwile ngwendi, "Lishiko lyakama kutubakana mashiko oshe linapu eli, 'Tolilila, Isalela, Shukulu Njambi yetu, Ikeye lika Shukulu umo.' ³⁰ Mupande kushaka Shukulu Njambi yeni nambunge yeni yoshe, na mwonyo weni woshe, na mana eni oshe, cho na nthzili yeni yoshe." ³¹ Lishiko likwabo lya muchibali eli, 'Unapande kushaka ngwe muwalishaka yobe babenya.' Kukwethi mashiko eka lalo ana tubakana awa." ³² Cho muka kuthoneka majwi amashiko wendekela ngwendi, "Mulongethi wamumbwa, mwabuthunga omu mu unendeka ngwobe Njambi umo, cho kukwethi weka lalo wahi kubanga ikeye lika. ³³ Cho kumushaka na mbunge yobe yoshe na mana obe oshe, na nthzili yobe yoshe na kushaka mukweni ngwe mu walishaka yobe babenya echi china jomboka na kunena tu thitu ba ñombelo na mulambu wa kulyana." ³⁴ Cho Yesu mu amwene ngwendi, alina ku kumbuluala cha mana, wa wamu lekele ngwendi, "Yobe kuwethi kulyala na bu mwene bwa Njambi." Munima yebi, munu naumo wahi wehwile lalo Yesu bihula bikwabo. ³⁵ Cho omo Yesu mwakele na kulongetha hanja ya tembele, wendekele ngwendi, "Mwafwa bika Balongethi ba majwi a lishiko bendeka ngwabo Kilisitu ikeye muna Ndabiti? ³⁶ Ibenya Ndabiti, mu muthzithzime wakujela wendekele ngwendi, 'Shukulu wendekele na Shukulu yange, "Tumama kuli boko lyange lya chilyo noho njikaka bitothzi bobe mwithi ya myanja yobe."' ³⁷ Ndabiti ibenya akamuthana ngwendi 'Shukulu,' Cho Kilisitu apwa bati muna Ndabiti?" Cho ije mbunga yakama ya tolililile kuli ikeye na ku bwahelela. ³⁸ Cho Yesu omo wakele na kulongetha wendekele ngwendi, "Nyanyameni na bakakuthoneka majwi a mashiko, baje bashaka kwenda na bikobelo byabo bya bilaja na kuba kandelela muje mumi tambela yaku landethela, ³⁹ bali na bitwamo bya bibwa muma Sinangonga na myela yabulemu ku bilika. ⁴⁰ Bakebo baka kukwitha batuliwe na kubebila bi njubo byabo, ba lomba malombelo a malaja linga babamone kuli banu. Banu ba chifwa echi baka bathzangametha mwakama manene." ⁴¹ Cho Yesu wa tumamene ku yehi na kuje kwaku tambwila mulambu mu Tembele; wakele naku talelela banu omo bakele na kulambula bimbongo byabo mu mbango. Baka kufuka babengi bakele na kulambula bimbongo bya bingi. ⁴² Athinoni uje tuliwe wa kuhutwa wethzile na kulambula tumbongo tubali, twa tundondo twa kufwika ha pene. ⁴³ Wa thanene ba ndongethi bendi na kubaleka ngwendi, "Mwa bushunga njimileka ngwange, ou tuliwe wa kuhutwa na lambula bya bingi kutubakana boshe bana lambula mu mbongo. ⁴⁴ Mwafwa boshe bana lambula byakuthala ku bufuko bwabo. Olojo ou tuliwe, na mu buhutu bwendi, na lambula byoshe bimbongo bya nakala nabyo bya kuli kwatha nabyo mukuyoya kwendi."