¹ Yunda,ngamba wa Yesu Kilisitu na ndolome ya Yakomba,kuli baje banathana,bakachithzemo muli Njambi Tate,na ku baje bananyungila Yesu Kilisitu. ² Echeleni ng'eke na kwoloka na chithzemo bikale bya kulibwethzelela muli yeni. ³ Bakachithzemo,hathimbu njakele na kuthsila na ndthzili mangana njimithonekele ha bwoboke bwetu tuboshe,njathonekele kuli yeni na kumitakametha na kukilikita na mbunge yoshe ha likulahelo ili banene kamo lika kuli banu ba Njambi bakuthzila. ⁴ Mwafwa banu bamo muli yeni banaija mukubanda. Aba bakebo banu baje bangwile laja mangana bakabahithe. Banapu banlume bakjeneka Njambi aba bantengulula ngothzi ya Njambi kukala bipangi bya mubila bipangi bya mubila, cho baje baka byana mukulunu wetu na Mwene, Yesu Kilisitu. ⁵ Cho njitonda kumyanukitha - nambe thimbu imo mwatanekeyele echi mukushula - ngwe Shukulu mayobwele banu kutunda mu lifuti lya Ingito,oloni hanima wanyongethele baje kubakulahelele. ⁶ Lalo tungelo, aba kubanyungile byela byabo bya mooko,oloni aba bathethzele byela bya bukale bwabo bwakutamo - cho Njambi nabanyungila mu malenge a myaka yoshe,mu lithuthulungu lya kwithi, hamulonga wa kuthompethewa kwaha litangwa lyakama. ⁷ Mukemwo kwakele lalo mu Sondoma na Ngomola na bimbaka bya thzengulukileko bya lyanene bibenya ku bilinga bya bupangala na bipangi bya kujeneka kufwila. Banapu ngwe cha kutulelako kuli baje bakayanda kashitiko ka tuya twa myaka yoshe. ⁸ Olojo mungila imolika.na bake aba bakakulota bakabihithilamo mubila yabo lalo. Baka byana mooko,na kulingila likamba baje baka bumpahu. ⁹ Oloni nambe Maikulu uje kangelo wakama,omu wakele na kulibyanangana na lyabolo na kulinga bimata ha mubila wa Mosesa,kathinganyekele kunena kuthompa kwa kutuuka hali ikeye. Olojo wendekele ngwendi, "Echela Shukulu akukande yobe!" ¹⁰ Oloni banu aba bakashaula byuma byoshe ebi kubathzibithithile;nabije bakathzibithitha kuchithemwa,ngwe tuthitu aba kubethi kuthinganyeka,cho ebi bikebyo bene nikabanyongetha. ¹¹ Lubinda kuli bakebo! Mwafwa benendela mungila ije wendele Kaine na kulyaka mukukwitha kwa muli Mbalamu mangana bakale na nganyo. Bnanyongela mu kulitengulukila kwa kulifwa nachijecha muli Kola. ¹² Aba banu banupu bitanukitho mubiwano bya chithzemo,kubwahelela neni kwakujeneka shwamwa - tunyungi aba bakalihitha babenya lika. ¹³ Banapu mashelwa akujeneka nyondthzi awa banakupekumuna ku lihunthzi; miti y ntondwe,ya kujeneka bushuka - inathsi lubali banaitukulako. Banapu mang'imba abukenya amu Kalunga ndonga,kutulumuna hamo,aba banatulikila mweela wamu lithuthulungu lije kulyethi kuhwa. ¹⁴ Inoke,ou wakele wamujitanu na babali kutunda hali Andama,wapolofwetele hali bakebo,ngwendi, "Kenga! Shukulu ali nakwija na makulukathzi abaka kuthzila bendi. ¹⁵ Anakwija na kwana kubatula kuli boshe . Anakiwja na kulwitha boshe baka kulinga bubi mubilinga byoshe balingile mubingila bya kwilika bu Njambi,na majwi oshe akutenuka bendekele baka bubi bakakubyana Njambi hali ikeye." ¹⁶ Aba banapu baka kung'ung'uta,baka kuyayabala na kukabangeya kushaka kwabo kwa bubi. Cho unwa twabo tunendeka na kutambekela kulishasha,hamulonga wa nganyo yabo babenya,kulenya bakwabo. ¹⁷ Oloni yeni,bakachithemo,anukeni majwi aje bendekele miluwa kunima ya Shukulu Yesu Kilisitu. ¹⁸ Bendekele kuli yeni ngwabo, "Muthimbu yakumanethelako kukakala bakaku yeluwitha aba bakakabangeya kusha kwabo kwa kujeneka bunjambi." ¹⁹ Aba bakebo bakanenetha kulyandununa;banapu bakumubila manene cho kubethi na mundthzindthzime. ²⁰ Oloni yeni,bandolome,litungeni yeni babenya mu likulahelo lyeni lya kuthzila,nakulomba mu muthzinthzime wakuthzila. ²¹ Linyungeni mu chithemo kwa Njambi, na kubandamena ng'eke ya Mwene yetu Yesu Kilisitu uje a minenela mwonyo wa myka yoshe. ²² Kaleni na ng'eke kuli baje bakakuhuhwathana. ²³ Lijeletheni bakweni kwitila mukubobola mutuya. Kaleni na ng'eke na lyoba kubakweni.Thzindeni na buthzalo buje banbihya hamulonga wa mubila. ²⁴ Cho kuli ou atha kuminyunga kutunda kukutanuka nakuminenetha kwimana ku mesho na kuminenetha kwimana ku mesho endi abumpahu kwa kujeneka katenga na kubwahelela kwakama, ²⁵ kuli Njambi umo lik mwobole wetu kwitila mui Yesu Kilsitu Mwene wetu,kukale bumaphu,na bukama, na ndthzili na mooko,kutunda kuthimbu yakunima,cho lelo na myaka kuyethi kukwa. Ameni.