¹ Apo banthu bose bakamara kwambuka Yolodani, Yawe wakati kwa Yoshuwa.

² "Mujisankhire mwekha banalume khumi na babili kufuma mu banthu, mwanalume yumoza kufumira mu Mtund uli ose.

³ Ubape langulo ili: Torani malibwe khumi na ghabili kufuma pakati - kati pa Yolodani apo bayimirira basofi pa malo ghakomira, ndipo mwizenagho na kukaghabika ku malo uko mwamukugona usiku wa lino."" ⁴ Ntheula Yoshuwa wakabachema banalume bala khumi na babili abo wakasankha kufuma mu mitundu ya Izirayeli, yumoza kufuma mu mtundu uli yose.

⁵ Yoshuwa wakati kwa ibo, "Dangirani panthazi pa bokosi la malango gha phangano la Yawe Chiuta winu mukafike pakati - kati pa Yolodani. Waliyose wa imwe wakwenera kuyegha libwe pa phewa lake, kwakuyana na nambara ya mutundu ya banthu ba Izirayeli ⁶ Ichi chibenge chimanyikwilo mukati mwinu kwa imwe pala bana binu bakufumba mu mazuba ghakwiza, " Kasi malibwe agha ghakung'anamurachi kwa imwe?

⁷ Ntheula muzamukuti kwa iwo, ' Maji gha mu Yolodani ghakadumukana panthazi pa bokosi la maralango gha phangano la Yawe. Pala likambukanga Yolodani, maji gha mu Yolodani ghakadumukana. Sono malibwe agha ghabenge chikumbusko ku banthu ba Izirayeli kwamuyira-yira." ⁸ Banthu ba Izirayeli bakachita nga ni umo Yoshuwa wakabalangulila nakuti bakafora malibwe khumi na ghabili kufuma pakati-kati pa Yolodani, nga ni umo Yawe wakayowoyera kwa Yoshuwa. Bakaghamika malibwe kwakuyana na nambala ya mitundu ya banthu ba Izirayeli. Bakayegha malibwe ghara bakaluta nagho ku malo uko bakayakapanga misasa ndipo bakaghamika pasi kwenekula.

⁹ Ntheula Yoshuwa wakamika malibwe khumi na ghabili pakati-kati pa dambo la Yolodani, pa malo apo malundi gha Basofi abo bakanyamula bokosi la malango gha phangano ba kayimilira. Chikumbusko chichaliko mphaka na kuno kulero. ¹⁰ Basofi abo bakayegha bokosi bakamilila pakati-kati pa Yolodani vikasuka vyose ivyo Yawe wakalangula kwa Yoshuwa kuti waphalire banthu vikafiskika, kwakuyana na vyose ivyo Mozesi wakalangula kwa Yoshuwa. Mwalubiro banthu bakambuka.

¹¹ Para banthu bose bakati bamara kumbula, bokosi la malango gha Yawe na Basofi bakadangililila banthu. ¹² Mtundu wa Rubeni , Mtundu wa Gadi, ndiposo na hafu wa mtundu wa Manase bakadangira panthazi pa banthu ba Izirayeli uku bapanga nga mba nkhondo, nga ni umo Mozesi wakabaphalilira.

¹³ Pafupi banalume vikwi makhumi ghanayi (40,000) bakanozgeka na vya nkhondo bakadangila panthazi pa Yawe, ku nkhondo ku dambo la Yeriko.

¹⁴ Pa zuba lira Yawe wakamukwezga Yoshuwa uku bose ba Izirayeli bakulabiska. Bakamuchindika - nga ni umo bakamuchindikira Mozesi - mazuba ghake ghose. ¹⁵ Ntheula Yawe wakayowoya kwa Yoshuwa,

¹⁶ "langula Basofi abo bakuyegha bokkosi la malango la umboni ubo ukwiza kufuma mu Yolodani." ¹⁷ Ntheula , Yoshuwa wakabalangulira Basofi, " Fumanimo muYolodani."

¹⁸ Apo Basofi abo bakayeghanga bokosi la malango gha phangano la Yawe bakati bafumapo pakati-kati pa Yolodani, nakuti apo bakanyamura malundi ghabo kudyaka pa chalo chakomira, ntheura maji ghamu Yolodani wakaweleraso mu malo ghake nakusefukoila mu vibumira vyake, nga ni umo ghakabira mazuba ghanayi agho ghakumasinda. ¹⁹ Banthu bakafumamo mu Yolodani pa zuba la khumi mu mwezi wakudankha.Bakazenga misasa mu Giligala, kumafumilo gha dazi kwa Yeriko.

²⁰ Ghara malibwe khumi na ghabili agho bakatola kufuma mu Yolodani, Yoshuwa wakaghamika mu Giligala.

²¹ Wakayowoya na banthu ba Izirayeli wakati, " Para fuko linu lamufumbanga adada babo mu nyengo iyo yikwiza,' ka malibwe agha nchivichi?' ²² mubaphalire bana binu, ' Apa ndipo Izirayeli wakambukila Yolodani pa chalo chakomila.

²³ Yawe Chiuta winu wakakamuska maji ghamu Yolodani chifukwa cha imwe, mukusuka mose mukambuka, nga ni umo Yawe Chiuta winu wakachitira pa nyanja ya Matete, iyo wakakamuska chifukwa cha ise tikasuka tose tikambuka,

²⁴ mwakuti banthu bose pa charo cha pasi bamanye kuti boko la Yawe nda nkhongono nakutiso bamuchindike Yawe Chiuta winu kwa muyira-yira."