¹ Sono mumasiku yala, apo unandi wabasambili ukayamba kukula, Madando kufumila ku ba Giliki yakayamba kususyana naba Hebeli, chfukwa vyokolo vyawo vikanolekanga muvakugabana ovwili wamasiku wose. ² Bakhumi na babili bakachema basambili banandi kwiza kwa iwo nakuyowoya, "nchakwenelela yayi kwaise kuleka mazyo ya Chiuta, nakujitangwanisya nakugaba vakulya pa mathebulo. ³ Mukwenela sonopano kusankha, babale, Madoda bankhondi nababili kufumila paimwe mwekha, madoda yambili iwemi, bakuzuzyika namzimu mutuba navinjelu, abo tingasola pa nchito iyo. ⁴ Kwa ise, tipitizyenge namapemphelo namuuphalazyi wa mazyo." ⁵ Mayowoyelo yawo yakakondwesya muzinda wose. Ntheula bakasola Stefano, dada lakuzula nachigomezyo nalamzimu mutuba, Nafilipu, Porokolo, nikanolo, Timoni, Palamena na Nikola wakufuma kumalo ya Antiyoki. ⁶ Bakugomezya bakaleta madoda ayo panthazi pabakutumika, abo bakalomba nakubika mawoko yawo pa iwo. ⁷ Ntheula Mazyo ya chiuta yakapitilizyika kutandazyika, ndipo unandi wabasambili mu Yelusalemu ukakula chomene, ndipo unandi wabaphalazyi ukapulikila kuchigomezyo ⁸ Sono Stefano, wakuzula na wezi nankhongono, wakachitanga vakuzizwisya vikulu na vimanyikwilo pa banthu. ⁹ Kwene kukauka banthu banyake awo bakafumila ku Sinagoge. Banthu bakamasulika banalume, baku Sireni, Alekizandiliya, banyake kufuma ku silisica na Asiya awo banthu bakasusyananga na Stefano ¹⁰ Kwene bakatondeka kumilila na vinjelu na mzimu uwo Stefano wakayowoya. ¹¹ Ndipo bakagula banthu kuti bayowoye, "tamupulika Stephano kususyana nakuyowoya uheni pa Mosesi na uheni pa Chiuta." ¹² Ntheula bakakhukizya banthu, balala, balembi ndipo bakiza kwa Stefano na kumukola nakumupeleka panthazi pa bamphala. ¹³ Bakapeleka ukaboni wautesi, awo bakati, "uyo munthu wakuleka yayi kuyowoya mazyo yaheni pamalo ya kutubisyika na pa lamulo. ¹⁴ Pakuti tilikumupulika iye kuyowoya kuti uyu Yesu waku Nazaleti wazamubwangandula Malo ayo nakuchinja malango ayo Mosesi wakapeleka kwa ise." ¹⁵ Wose awo bakaba mumphala maso yawo yakaba pa iye ndipo bakaona kuti chisyo chake chili nga ni mungelo.