¹ Ntheula pala siku la Pentecoste likiza, wose bakana pamoza mu malo yamoza. ² Mwazizi kukiza kufuma kuchanya congo ngandi mphepo yikulu, ndipo yikazula nyumba yose umo bakaba. ³ Kukaonekela kwa iwo malulime nga nimoto awo bakagabuka, nakukhala pa waliyose wa iwo. ⁴ Wose wakazuzyika na muzimu mutuba ndipo, bakayamba kuyowoya mu viyowoyelo vinyake, umo muzimu ukabakwanisyila. ⁵ Panyengo yila pakaba ba Yuda awo bakakhalanga mu Yelusalemu, banthu basopi-sopi kufumila kuvyalo vyose pano pasi. ⁶ Ntheula pala chongo ichi chikapulikikwa, muzinda ukiza pamoza ndipo bakaba wodabwa chifukwa waliyose wakapulika bauyowoya mu chitundu waliyose cha yekha. ⁷ Bakaba bakuzizwa na kuzukuma: Bakati, "unenesyo, ka niwose yayi awo bakuyowoya cha kugalileya? ⁸ Nchifukwa uli tikubapulika iwo, waliyose mu chiyowoyelo chithu icho tikabadwilamo? ⁹ Bapalitu ndipo ba Medi, na ba Elamu, ndipo wose awo bakukhala mu mesopotamiya, mu Yudeya na chigaba cha Kapadokiya, mu pontu namu Asiliya, ¹⁰ Filiya na pamufiliya, mu Egiputo ndopi chigaba cha Libiya kufupi na Kirene, na balendo kufumila ku Roma, ¹¹ ba Yuda ndiposo ba Kelete naba Aribiya, tose tangubapulika bakuyowoya mu vitundu vithu zazinchito zikulu za Chiuta." ¹² Chifukwa cha kuzukuma na kuzizwa; bakati kwa yumoza na mnyake, "ka ichi chikung'anamulachi?" ¹³ Kwene wanyake bakabahoya nakuti, "Bazizyika na vinyo vasono." ¹⁴ Kwene Petulo wakamilila nabala khumi na yumoza, wakakweza mazyo yake, ndipo wakati kwa iwo, "banthu baku Yudeya na mose imwe mukhala mu Yelusalemu, lekani ichi chimanyikwe mwa imwe: Pulikisyani ku mazyo yane. ¹⁵ Kuti banthu aba bandalobele vinyo nga ndiumo mukuganizila, pakuti ni ola lachitatu waka musiku. ¹⁶ Kwene icho ndicho chikayowoyeka mwakupitila mu nchimi Yoweli: ¹⁷ 'Chizamukuba mumasiku yaumalilo,' Chiuta wakati, 'ine nipungulenge muzimu wane pa miyoyo yose. Bana binu banalume na banakazi bazamukuchima, madoda binu bazamukuwona masomphenya, ndipo bachekulu binu bazamukulota maloto. ¹⁸ Mwaunenesyo pa bazya bane ndipo bazya bane banakazi mumaziku awo ine nizamukupungula mzimu wane, ndipo bazamukuchima. ¹⁹ Ine nizamulongola minthondwe mu mitambo muchanya ndipo vimanyikwilo pasi pa chalo, ndipo, moto ndipo na josi lakupya. ²⁰ Zuba lizamukuzyoka ku mudima ndipo mwezi ku ndopa pambele siku likulu ndipo lakukumbukila la Fumu lindize. ²¹ Pazamukuba pala apo waliyose uyo wakachema pa zina la Fumu wazamukuponosyeka.' ²² Banthu bamu Isilayeli, pulikani mazyo aba: Yesu waku Nazaleti wakaba munthu wopiwa kwa imwe na Chiuta na mulimo ya nkhongono ndipo minthondwe na vimanyikwilo ivo Chiuta wakachita kupitila mwa iye pakati pinu, na nthe mukumanyila mwekha. ²³ Uyu munthu wakapelekeka na Chiuta mundondomeko yake ndipo na vinjelu: Ndipo imwe, na mawoko yambula malamulo ya banthu, mukamukoma mwakumukhoma pa mphinjika. ²⁴ Kwene Chiuta wakamuusya, kumufunyako iye kufuma ku kubaba kwa nyifwa, chifukwa chikaba chambula machitiko kwa iye kuti wakoleke na icho ²⁵ Pakuti Davide wakati zaiye, 'ine nkhaiwona fumu mwanyengo zose pa maso pane, pakuti wali pafupi na woko lane la malyelo mwakuti nileke kusezyeka. ²⁶ Ntheula mutima wane ukaba wakukondwa ndipo lilime lane likasekelela. Nathupi lane likhalenge na chilindizyo ^{27 28} Mwakuti mwamukulekelela mzimu wane ku malalo, nanga mwamuzyomelezya mutuba winu kuwona kuvunda. Mwakuti mulikunimanyisyo zinthowa za umoyo: munipengenge wakuzula na chimwemwe pamaso Yinu.' ²⁹ Babale, nchiweme kwa ine kuti niyowoye kwa imwe na mazaza za gogo Davide kuti wakafwa na kuikika, ndipo dindi lake linaise mpaka siku la lino. ³⁰ Ntheula, wakaba nchimi ndipo wakamanya kuti Chiuta wakamupanda na chipaso pa iye kuti wamukuika chipaso chake pa chizumbe chake. ³¹ Wakachiona icho chizamuchitika kunthazi ndipo wakayowoya za chiuka cha Yesu, mwakuti wakalekeleleka yai kunanga thupi lake kuona kuvunda. ³² Uyu Yesu- Chiuta wakamuusya mwakuti ise tose tichitile ukaboni. ³³ Ntheula, wakati wakwezyekeka ku woko la malyelo la Chiuta ndipo wakati waponosyeka mphangano la muzimu mutuba kutuma kwa Badada, walikupungula wa mukuona na kupulika. ³⁴ Mwakuti Davide wakakwelela kuchanya yayi, kwene wakati, 'Fumu ikati kwa fumu yane, ³⁵ "khala kuwoko lane lamalyelo mpaka ine nipange balwani bako bakudyakapo malundi yako."' ³⁶ Mwakuti, nyumba zose za mu Islayeli zimanye kuti Chiuta walikumupanga iye Fumu na Kristu, Uyu Yesu uyo mukamkoma." ³⁷ Sono apo bakapulika ichi, bakaba bakugwazika mu mitima yao, ndipo bakati kwa petulo na wose bakutumikila, "babale, pasi tichite vichi?" ³⁸ Ntheula Petulo wakati kwa iwo, "imwe, muzina la Yesu Kristu. Mwakugowokeleka kwa zakwanangwa zinu, ndipo mupokelenge chawanangwa cha mzimu mutuba. ³⁹ Pakuti phangano ndipu na bana binu ndipo kwa wose bakutula, nga nibanandi awo Fumu Chiuta withu wazamuchema." ⁴⁰ Na mazyo banandi banyake wakapelekela ukaboni na kubakwezya iwo, nakuti, "jiponosyaniko mwekha ku chilango icho chikwiza pa mibadwe iheni iyi." ⁴¹ Ndipo bakapokela mazyo yake nakubatizika, ndipo bakasangilapo pa siku lila kwa vikwi vitatu moyoyo. ⁴² Bakajipeleka bekha kuvisambizyo va wakutumika na mwene nawene pakulya chingwa na mumapemphelo. ⁴³ Mantha yakiza pa waliyose, ndipo minthondwe na vimanyikwilo vikachitika kupitila mu bakutumika. ⁴⁴ Wose awo bakagomezya bakaba pamoza ndipo bakaba na vinthu vose vakulingana, ⁴⁵ ndipo bakagulisanga katundu wao na vose ivo bakaba navo nakagabana wose, kulingana na ivo waliyose wakasobelwanga ⁴⁶ Siku na siku bakajipeleka mu tempile pa chiloto chimoza. Bakalyaso chingwa mu manyumba, ndipo kabagabana vakulya pamoza na chimwemwe na mitima zakutemwana, ⁴⁷ kukwezya Chiuta na chitemwano ku banthu wose, ndipo siku na siku fumu yikasazyilako kwa iwo bene awo bakaponosyeka