¹ Chikiza nthaula kwa apo Apolo wakaba muba Korinte, Paulo wakapitila kuchanya kwa chalo ndipo nakwiza kumsumba wa Efeso, ndipo waka sanga banyake ba sambiri kula. ² Paulo wakatikwa iwo, "muka pokelela mzimu mutuba apo muka gomezga?" Bakati kwa iye, "yayi,tikapulikako yayi za mzimu Mutuba." ³ Paulo wakati, "nimwa vichi nthaula umo muka babatikizilamo?" Bakati,"nimwa Yohane mubabatizi." ⁴ Paulo wakabazyola, "Yohane waka batiza na ubabatizo wa kulapa. Wakaphalila banthu kuti babe baku gomezga mwa yumoza uyo wamukwiza panthazi pake kwa kuti, mwa Yesu." ⁵ Apo banthu bakapulika ichi, baka babatizika mu zina yaba fumu Yesu. ⁶ Mbwenu apo Paulosi waka ika mawoko yake pa iwo, mzimu mutuba wakiza pa ibo ndipo bakayoboya mu viyowoyelo vinyake na kuchima. ⁷ Mu vose bakaba nga khumi na babiri banalume. ⁸ Paulo wakaluta mu sinagogo na kuyowoya nachikanga mwa mwezi itatu, kuganizilapo na kunyengelela ibo pa ufumu wa Chiuta. ⁹ Kwene apo banyake ba Yuda bakaba bakunonoskeka na bakukana malango, bakayamba kuyowoya viheni mu nthowa panthazi pagulu, Mbwenu Paulo wakabaleka nakutola basambiri pamo naye, kuganiza nawo nyengo zose muchinyumba chaku Tirano. ¹⁰ Ichi chikapitilila kwa vyaka vibiri, mwakuti bose awo bakakhalanga mu Asiya bakapulika mazyo ya kwa fumu, bose ba Yuda naba Giriki. ¹¹ Chiuta waka chitanga vaminthondwe vakudabwiskika namaboko ya Paulo, ¹² mwakuti nangauli nthumathaulo na tumasalu uto para twakwasa iwo baka tolelekanga kubaku lyala na ulyali wawo ukaba chimbilanga ndipo na mizimu iheni yika fumanga mwaiwo. ¹³ Kwene kukaba ba Yuda abo bakafunyanga mizimu iheni baka pitilamo mumalo. Bakachema pa zina ya fumu Yesu mwakuti bangaba na nkhongono pa mizimu iheni para bayowoya, "mwa Yesu uyo Paulo waka phalazga,nkhuku lamulila kuti fuma." ¹⁴ Ba Yuda baphalazgi balala, uyo zina lake likaba Sikeva, wakaba nabana bankhondi na babiri abo baka chitanga ivi. ¹⁵ Mzimu uheni ukabazyola, "Yesu namumanya, na Paulo namumanya; kwene ndiwe njani?" ¹⁶ Mzimu uheni mwa mwanalume waka zunthila kwa uyo waka funyanga vimizimu viheni na kubaluska munkhongono na kubatimba. ¹⁷ Mbwenu baka chimbirila kuwalo kwa nyumba ila bengende ndiposo bakupwetekeka. Ichi chikamanyika kwa wose, wose ba Yuda naba Giriki, awo baka khalanga mu Efeso. Bakazaba na mantha chomene, na zina la fumu Yesu ikachindikika. ¹⁸ Ndiposo, banandi baku gomezga bakiza nakuyowoya na kupeleka mundandanda wa viheni vinthu ivo baka chita. ¹⁹ Banandi awo bakachitanga mayele bakaleta mabuku yawo pamoza na kuyawocha pamaso ya waliyese. ²⁰ Apo baka penda mtengo wavose, ukaba 50,000 (vikwi makhumi yankhondi) vibanthu va siliva. Nthaula mazyo ya fumu yakapalanyika chomene munthowa zankhongono. ²¹ Sono pamanyuma para Paulo waka malizga nchito yake mu Efeso, waka panga fundo mu muzimu kuti wapitile mu Makedoniyo na Akaya apo wali munthowa kuluta ku Yerusalemu; wakati, "para nkhakhalako kula, nkhupenjekaso kukawona Roma wuwo." ²² Paulo wakatuma ku Makedoniya babiri ba awo bakamusebezela, Timote na Erasite. Kwene iye yekha waka khala mu Asiya mwaka nyengo. ²³ Panyengo ila kukabevye nthangwanika nanga uli yidoko mu Efeso ku kwaskana pa nthowa. ²⁴ Munyake mufuzi wa siliva wakuchemeka Demiteriyo, uyo waka panganga vikozgo va siliva va Aratemisi, wakaleta zinchito zinandi kwa banthu bakubajabaja. ²⁵ Ndipo wakaba unjika pamoza banthu bakusebeza banchito zila na kuti, "mwabanthu, imwe mukumanya kuti munchito iyi tikupanga ndalama chomene." ²⁶ Mukuwona na kupulika kuti yayi waka mu Efeso kwene pafupi fupi na Mose mu Asiya, uyu Paulo waka nyengelela naku zyola banthu banandi. Wakuyowoya kuti tuchita kupanga namawoko ithu chiuta yayi. ²⁷ Yayi pela kuti kuli chiofyo chakuti malonda yithu yati ya yuyukenge kweneso kuti chalichi ya mulala chiuta mwanakazi Aratemisi wangaoneka kuba wambula phindu ndipo nkhongono zake zinga leka kuba zawaka, iye umo wose Asiya na chalo chose chukulomba." ²⁸ Apo waka pulika ichi,baka zuliskika na ukali ndipo bakalila chomene, kuyowoya, "wankhongono ni Aratemisi waba Efeso." ²⁹ Wose musumba waka zuzgika na nthangwanika,ndipo banthu bakachimbilila na magani yamoza kunjila mumalo ya masewela. Bakamukolela Paulo banyake abo wakendanga nabo. Gaya na Aristaraka, uyo waka fumila ku Makedoniya. ³⁰ Paulo waka penjanga kunjila pamo na mzinda wa banthu, kwene ba sambiri bakamu tondeska. ³¹ Kweneso banji ba mazaza muchigaba cha Asiya awo bakaba banyake bakamutumila uthenga kumu pempha kuti waleke kunjila mu malo ya masewela. ³² Banji banthu baka pundanga chinthu chimoza ndipo banji chinyake,pakuti chigulu chikaba mu nthangwanika. Banandi baiwo baka manya yai naivo bakizila pamoza. ³³ Banji ba chigulu baka muchiskako Alekisandara, uyo ba Yuda bakamu ng'anuzyila kunthazi. Nthaula Alekisandira waka dangila na woko lake, kupenja kupeleka chichinjilizyo ku baku ungana. ³⁴ Kwene apo baka manya kuti wakaba mu Yuda, wose baka hoyela kwa maola yabiri na mazyo yamoza,kuyowoya, "wankhongono ni Aratemisi wakuba Efeso". ³⁵ Apo mulembi wa mumusumba waka chetamiska chigulu wakati, "imwe banthu ba Efeso, ndi mwanalume uli walipala uyo wakumanya yayi kuti musumba wa ba Efeso ndiye waku sungilila wankhongono Aratemisi ndipo na chisko icho chikuwa pasi kufumila ku chanya?" ³⁶ Kuwona nthaula kuti vinthu ivi nivakukanikika chala, mu kwenela kukhala chete na kuchita chinthu chala mwa chimbirira. ³⁷ Pakuti waleta banthu ku mphala ya milandu awo mbakawalala ba muchalichi yayi kapena ba bakutuka chiuta withu mwanakazi. ³⁸ Mbwenu, pala Demetriyo na banthu baku bajabaja awo balinaiye bali na vakuchitika kupambana na waliyose,nyumba zaku gamulilako milandu nzaku jula ndipo kuli ba porocoso. Balekeni bapusikane yumoza na munyake. ³⁹ Kwene pala mukupenja chilichose pa vithu vinyake, chiti chikhazikikenge muku ungana kwa masiku yose. ⁴⁰ Pakuti nadi tilimuchiofyo chaku pusikiliwa kulingana na chiwawa icho chachitika pasiku ya lino. Kulije chaku pangiska kwambula kuika mumundondomeko uyu, ndipo titi tibenge baku kwaniska yayi kuchidongosola. ⁴¹ Apo wakati wayowoya ichi, waka maliska ungano yula.