¹ Paulo wakiza ku Derebe ndipo ku Lisitira, ndipo wonani, musambili munyake zina lake Timoteyo wakaba kula, mwana wa muyuda mwanakazi uyo wakaba wogomezya, kwene awiske bakaba ba Giliki. ² Wakayowoyeka makola nabakulu bake awo bakaba ku Lisitira naku Ikonia. ³ Paulo wakakhumbanga iye kuti walute naye, sono wakamtola nakumkotola chifukwa cha bayuda awo bakaba mu malo yala, oakuti wose bakamanya kuti awisye bakaba Giliki. ⁴ Apo wakayendanga kupitamo mu misumba. Bakajumphanga nawo mumizinda kuzomelezyana na wakulumika ndipo nabala awo bakakhalanga mu Yelusalemu kwa awo bakalondezga. ⁵ Sono mupingo yikakhozyekanga muchigomezyo nakuluta mu unandi mazuba wose. ⁶ Paulo na banyake wakapitamo mu vigaba va Filigia ndipo ku Galatiya, mwakuti bakakanizyika na mzimu mutuba kuphalazya mazyo ku dela laku Asiya. ⁷ Apo bakiza pafupi na Misiya, bakapenjanga kuluta mu Bitania, kwene mzumu wa Yesu ukabalekesya. Sono ⁸ pakujumpha Masiya, bakiza mu musumba wa Tirosi. ⁹ Masomphenya yakawonekela kwa Paulo mu usiku: Dada la mumasodoniya likamililanga pala, kumupempha na kuti , "zani muno mu Masodoniya ndipo muzativwile ise." ¹⁰ Apo Paulo wakaona masomphenya, penepapo tikakhumba kuti tilute ku masodoniya, kuzamelezga kuti Chiuta watichema kuphalazya uthenga kwa iwo ¹¹ Kuyambapo kuvundula bwato kufuma ku Tirosi, tikayenda kwambula kukhweta mpaka ku Samaterace, ndipo Namachelo yake tikiza ku Neapolisi. ¹² Kufuma kula tikaluta ku Filipi, uwo nimusumba wa Masodoniya, musumba uwemi chomene muchigaba nayakulamulilika na Roma, ndipo tikakhala mula mu musumba kwa masiku banandi. ¹³ Pa siku la sabata tikafuma kuwalo pa chijalo pafupi na dambo, uko tikaganiza kuti kungaba malo yopemphelelako. Tikakhala pasi na kuyowoya na mwanakazi uyo tikizanaye pamoza. ¹⁴ Mwanakazi munyake zina lake Ludiya, wavyamalonda ku pepo kufuma mu musumba wa Tiyatira. Uyo wakalambila Chiuta, wakapulika kwa ise. Fumu yikajula mtima wake kuti wapulike ku ivo wakayowoya Paulo. ¹⁵ Apo iye na banja lake likabatizika, wakatinyengelela ise, nakuti, "pala mwaniweluzya kuti ndine wakugomezyeka kwa Fumu, zani ndipo mukhale munyumba yane." Ndipo wakatinyengelela. ¹⁶ Chikiza nga ni chila, apo tikalutanga kumalo ya mapemphelo, kapolo munyake musungwana uyo wakaba na mzimu wa kuwombezya wakakumana nase. Wakiza naphindu linandi kwa abwana bake pakuwombeza. ¹⁷ Uyu mwanakazi wakalondola, mumasinda mwa Paulo na ise ndipo nakukuwa, kuyowoya kuti, "aba banthu ni bazya ba Chiuta wa pachanya chomene, bakayowoya kwa imwe nthowa ya chiponosyo." ¹⁸ Wakachita ichi kwa masiku yanandi kwene Paulo, kuba wakukalipa, chomene na iye wakazyoka ndipo wakati ku mzimu, "ine nkhulamula iwe muzina na Yesu Kristu kuti ufume mwa iye." Ndipo chikafuma pa nyengo yeneyila. ¹⁹ Apo abwana bake bakachiwona kuti chilindizyo cha phindu lawo chaluta sono bakatola Paulo na Sila nakubaguzila kumalo ya vyamalonda panthazi pa baulamulilo. ²⁰ Apo bakiza nawo kwa woweluzya, bakati, "aba banthu bakusuzya mumsumba withu. Niba Yuda. ²¹ Bakusambizya miyambo iyo njambula kuyenelela ku ba Roma kuzomelezya olo kuchita." ²² Ndipo mzinda wose ukaimilila pamoza kususyana na Paulo na Sila; woweluzya bakakelula vovwala bawo nakulamulila kuti bachaike na vikoti. ²³ Apo bakabachaya makofi banandi, bakabaponya iwo mundende na kulamula malonda kuti wachinjilisye mwakufikapo. ²⁴ Pamanyuma popoka lamulo ili, mulonda wakabaponya iwo mundende ya mukati na kumanga malundi yawo muvyakumangililamo. ²⁵ Pakati pa usiku Paulo na Sila bakapemphelanga nakuyimba nyimbo kwa Chiuta, ndipo bakaidi banyawo bakapulikizyanga kwa iwo. ²⁶ Mwazizizi kukaba chindindindi chikulu, sono mwakuti malufula wose ba ndende bakagwedezyeka; ndipo penepapo mikhomo yose ikajulika, ndipo vingwe va waliyose vikamasuka. ²⁷ Malonda wakausyika kufuma kutulo nakuwona vijalo vakujulika kundende; wakatola chibemba chake ndipo wakaba pafupi kujikoma yekha chifukwa wakaganiza kuti bamundende bathaba. ²⁸ Kwene Paulo wakakuwa na lizyo lapachanya kuyowoya, "ungajinanganga wekha, chifukwa tose tili muno." ²⁹ Malonda wakachemesya nyali na kuthabilila mukati nakunjenjema na mantha, wakawa pasi oa nthazi za Paulo na Sila, ³⁰ nakubafunya kuwalo nakuti, "madoda, ka ningachitachi kuti kuti niponosyeke?" ³¹ Bakati, "Gomezya mwa Fumu Yesu, ndipo uponosyekenge, iwe ndipo nabamunyumba yako." ³² Bakayowoya mazyo ya fumu kwa iye, pamoza na waliyose munyumba yake. ³³ Ndipo mulonda wakabatola iwo panyengo yeneyila ya usiku, nakusuka vilonda vawo ndipo iye na wose bamunyumba yake bakabatizika penepapo. ³⁴ Ndipo apo wakizanga na Paulo na Sila mu nyumba mwake nakuyika chakulya pa nthazi zao, wakasekelela chomene na wose bamunyumba yake. Mwakuti iye wagomezya mwa Chiuta. ³⁵ Sono apo kukacha, woweluzya bakatuma mazyo ku malonda, kuyowoya, "lekani banthu awo balute." ³⁶ Mulonda wakafisya mazyo awo kwa Paulo na Sila, nakuti, "woweluzya batuma mazyo kwa ine kuti nimuzomelezyani kuluta: Sono ntheula zani kuwalo, ndipo lutani mwamutendele." ³⁷ Kwene Paulo wakati kwa iwo, "batichaya ise pakwelu kwambula chifukwa, nangauli ndise zika za ku Roma- ndipo bakatiponya mundende. Openja sono kutilutisya kuubendi? Yayi! Zomelezyani iwo kwiza bekha na kuzatifunya." ³⁸ Bamalonda bakafikisya mazyo awo kubakuweluzya, ndipo apo bakapulika kuti Paulo na sila ni zika za ku Roma, bakaba na mantha. ³⁹ Woweluzya bakiza na kuphepisya kwa iwo na kubafunyila kuwalo. Kubapempha kuluta kufuma mu musumba ⁴⁰ Sono Paulo na Sila bakafuma kuwalo kwa ndende na kwiza ku nyumba ya Ludiya. Apo Paulo na Sila bakawona babale, bakabakwimisya ndipo na kufuma mumusumba.