¹ Nkhupeleka langulo pantazi la Chiuta na Kristu Yesu, uyo wazamuku weluzga wamoyo na ba kufwa, na chifukwa cha kuonekela kwake na ufumu wake: ² Parazga mazgu; ube wakunozgekela mu zinyengo namu zinyengo zake chala. Ubakhorweske, kuchenya, kuchiska, na kuzizipizga na ku sambizga. ³ Pakuti nyengo ikwiza apo bantu bamukukana kupulika visambizgo viweme. Mumalo mwake, bamu kujiwunjikila kwaibo bene basambizgi bakuyana na makumbilo ghawo, abo bakuyowoya ivyo makutu yabo yakukhumba kupulika. ⁴ Bamukufumako kukupulika unenesko, na kupulikila vidokoni. ⁵ Kwene iwe, ube na maghanoghano yaweme muvintu vyose. Suzikilanga; chita mulimo wamupalazgi; kwaniska utebeti wako. ⁶ Pakuti ine nkupungikila kale. Nyengo yakuluta kwane yakwana. ⁷ Narwa nkhondo iwemi; ndafiska chiphalizgano; nasungilila chipulikano. ⁸ Mpupu yaurunji yasungikila ine, iyo Fumu, muweruzgi murunji, wamukundipa pa zuba lila, kwaine pela chara, kweniso kubose abo batemwa kwizaso kwake. ⁹ Yezga chomene kuti wize kwa ine mwalubilo. ¹⁰ Pakuti Demas wandileka ine. Watemwa vya chalo ichi ndipo waruta ku Tesalonika. Keresene wali kuluta ku Galatiya, na Tito walikuluta ku Dalamatiya. ¹¹ Luka yeka ndiye wali nane. Umutole Maliko na kwiza naye iwe kuno kwa ine chifukwa ngwa nchito chomene kwa ine ku milimo. ¹² Nili kutuma Titiko ku Efeso. ¹³ Unditolele chakuvwala icho nkaleka pa Tirosi na Kapasi, wizenacho pala ukwiza, ndiponso nama buku, chomene chomene vikumba. ¹⁴ Alekizandara mufuzi wakachita vintu viheni kwimikana nane. Fumu yamukumuwezgela iye kulingana na milimo yake. ¹⁵ Iwe naweso ujivikilile iwe weka kwa iye, chifukwa wakasuska chomene mazgo yitu. ¹⁶ Pakujivikilila kwane pakudanga, pakabevye uyo waka imilila nane. Padela pake, waliyose wakanileka nekha. Lekani Chiuta wabagowokere. ¹⁷ Kwene Fumu yika imilila nane na kunikhozga ine mwakuti, kupitila mwa ine, kapalazgiro ka mazgu kakwaniliskike mwakufikapo, mwakuti bamitundu bose bayapulike. Ndipo nkataskikika kufuma kumilomo ya nkalamu. ¹⁸ Fumu yinditaskenge kufuma kuma chitilo yaheni ndipo na kuniponoska ine chifukwa cha ufumu wake wakuchanya. Kwa iye kube uchindani wamuyilayila swii. Ameni. ¹⁹ Umutauzge Prisila, Akwila, na nyumba ya Onesifolo. ²⁰ Elasito wakakhara ku Korinte, kwene Tirofimo ndiyo nkamuleka murwari ku Mileto. ²¹ Wendeske lubiro kwiza kuno pambere nyengo ya mpepo yindize. Yubulo wakupeleka moni, pamoza na Pudensi, Lino, Kilaudiya ndiponso naba bali bose. ²² Nthe Fumu yibe na muzimu wako. Wezi ube nawe.