¹ Paulosi,wakutumika wa kristu Yesu kupitila mu khumbilo la Chiuta, kwakuya na layizgo ya umoyo wene uyo uli mwa Kristu Yesu, ² kwa Timoti, mwana wakutemweka:Wezi,lusungu,na mutende kufuma kwa Chiuta Dada na Kristu Yesu fumu yithu. ³ Nkhuwonga Chiuta,uyo nkhutebetela kufuma ku basekulu bane,na njubi ziwemi,apo nkhumukumbukilani mu malulombo yane mwakulutilizga usiku na muhanya. ⁴ Apo nkhukumbuka masozi yinu,nkhupenjeseska kumuonani,mwakuti nizuzgike na chimwemwe. ⁵ Naba wakukumbuskika za chipulikano chinu cha unenesko,icho chikaba pakudankha mwa bagogo bako a Loisi na bamama bako a Unisi,ndipo nkhufikapo kuti chikukhala mwa iweso. ⁶ Ichi ndicho chifukwa icho nkhukukumbuskila kuti ukhubilizge chawanangwa cha Chiuta icho chili mwa iwe kupitila mukubikapo mawoko yane. ⁷ Pakuti Chiuta kuti walikutipa muzimu wamantha chara,kwene wankhongono na chitemwa na kujikola. ⁸ Ntheula uleke kukhozgeka soni na chipanikizgo cha Fumu yithu,panji ine,Paulosi,mukaidi wake.Mumalo mwake,mugabane mukusuzgika chifukwa cha uthenga kwakuyana na nkhongono za Chiuta, ⁹ Uyo walikutiponoska ise na kutichema na nchemo yituba.Iye wakachita ichi,kwakuyana na zinchito zithu yayi,kwene kwakuyana na ndondomeko yake na wezi,icho wakatipa ise mwa Kristu Yesu pambere zinyengo zindayambe. ¹⁰ Kwene sono chiponosko cha Chiuta cha vumbukwa kupitila mukuonekela kwa muponoski withu Kristu Yesu,uyo wakamalizga nyifwa na kwiza umoyo wambulakuvunda pakwelu kupitila mu uthenga. ¹¹ Chifukwa cha ichi,nkhabikika kuba muphalazgi,wakutumika,na musambizgi. ¹² Pachifukwa cha ichi naneso nkhusuzgika na vinthu ivi.Kwene nkhukhozgeka soni yayi,pakuti nkhumumanya uyo ini nkhugomezga.Nkufikapo kuti wasungililenge icho chapiwa kwa iye kufikila zuba lila. ¹³ Sungilila chiyelezgelo cha mazgo ya unenesko uyo ulikupulika kwa ine,na chipulikano na chitemwa ivyo vili mwa Kristu Yesu. ¹⁴ Chinthu chiwemi cheneicho Chiuta wakapeleka kwa iwe,uchisungilile kupitila mu Muzimu Mutuba,uyo wakukhala mwa ise. ¹⁵ Ukuchimanya ichi,kuti bose abo bakukhala ku Asiya bakanizgokela ine.Mugulu iyi muli bena Fugelo na Helemogene. ¹⁶ Lekani Fumu yipeleke lusungu munyumba ya Onesfolo,pakuti mwakalusikalusi wakawezgelangamo mutima wane ndipo wakaba na soni chara nakukakika kwane. ¹⁷ Mumalo mwake,apo wakaba ku Roma,wakanipenjeseska mwakufikapo,ndipo wakanisanga ine. ¹⁸ Lekani Fumu imupe iye kuti wasange lusungu pa zuba lila.Munthowa zose izo wakatebetela ine ku Efeso,ukumanya makola.