¹ Kusebeza pamoza na iye,tikumu chiskani kuti muleke kupokela wezi wa Chiuta pa waka. ² Pakuti wakuti,"Panyengo yakuyenelela nkhabika zeru kwa imwe,ndipo pa zuba yachiponosko nkhamuwovwilani imwe."Onani,sono ninyengo yakuyenelela.Onani,sono nizuba ya chiponoskho. ³ Tikubika chiphizgo kunthazi kwa waliyose yayi,pakuti tikupenja yayi kuti utebeti winthu ube wambula nchindi. ⁴ Mumalo mwake,tikujilongola ise muvichitiko vyose,kuti tili batebeti ba Chiuta.Tili batebeti bake mu kuzizipizga,muvisuzgo,muvyakubaba,mumanonono, ⁵ mukuchaika,mujele,viwawa,mu kusebeza na nkhongono mausiku yambula kugona,munjala, ⁶ mu utuba muumanyi,kuzika,muchitima,mumuzimu mutuba,muchitemwa cha nadi. ⁷ Ndise batebeti bake mu mazgo ya unenesko,mu nkhongono za Chiuta.Tili namalumwa ya ulunji ku woko yaku malyelo na ku mazale. ⁸ Tiku sebeza muzinchindi na kwambula nchindi mukususkika na mukulumbika.Bakutipusikila kuba baupusikizgi kwe tili baunenesko. ⁹ Tikusebeza nga ndise bambulakumanyika kwene ndise makumanyika makola.Tikusebeza nga tifwenge -Onani!tichali bamoyo.Tikusebeza nganchilango chifukwa cha vichitiko vinthu kwene bambula kususkika mphaka ku nyifwa. ¹⁰ Tikusebeza ba chitima,kwene tilibakukondwa nyengo zose.Tikusebeza nga mbakavu,kwene tikuwovwila banandi kulemela.Tikusebeza kwambula kanthu kwene tili na vinthu vyose. ¹¹ Tayowoya unenesko wose kwa imwe,bakorinte, na mitima yinthu njakujulika fikepo. ¹² Nchimwe bakukanizgika na ise chala,kwene ndiwe bakukanizgika mu mitima yinu. ¹³ Sono mwakusinthiskana makola - nkhuyowoya nga nkhubana - jijulani imwe mwenkhamwakufikapo. ¹⁴ Mungalikakililanga pamoza na bambula kupulikana.Kasi pali ubwezi uli pakati pa ulunji na ubendezi?Kasi pali wene na wene uli pakati pa ungwelu na mudima? ¹⁵ Nkhuzomelezgana uli kungabapo pakati pa Kristu na beliyali?Panji bakugabanachi bukupulikana ma bambulapulikana? ¹⁶ Ndipo ka palikuzomelezgana kwaichi pakati pa Tempele ya Chiuta na vikozgo?Pakuti tili matempele ya Chiuta wa moyo, nga niumo Chiuta wakayowoyela:"Nkhalenge pakati pao na kwenda pakati pao.Nibenge Chiuta wao,ndipo babenge banthu bane." ¹⁷ Pachifukwa ichi, "Fumanipo pakati pao, na kujipatuliska ," ndimo wakutili Fumu. "Lekani kukola chambula kufubiskika, ndipo nimupokelelaninge imwe. ¹⁸ Nibenge Dada kwa imwe, ndipo mubenge bana bane banalume na banakazi," wakuti Fumu wankhongono zose.