¹ Nkhuchiska balala pakati pinumine,mwene uyo ndine yumoza wa balala na kaboni wa visuzgo vya khristu,kweniso ndine,yumoza uyo wazamkutolako phande mu uchindami uyo uvumbukwenge; ² Bani,baliska ba muskambo wa Chiuta uyo uli pasi pa imwe,kutebeta nga ni balabilili balala-mwa kuchiweka,nga ni umo Chiuta wakakhumbila kuti mutebele-chifukwa cha malipilo chara kwene chifukwa cha kukhumba kutebeta. ³ Muleke kuchita nga ndimwe mafumu kwa abo bapiwa kwa imwe.kwene,bani chiyelezgelo ku muskambo. ⁴ Ntheula pala muliska mulala wavumbukwa,muzamkupokela mphumphu yambula kumala ya uchindami. ⁵ Munthowa yimoza pala,imwe banaluma bachoko-bachoko,yilambikani ku banalume balal-bala.Imwe mose,yivwalikani na kujiyuyula na kutebetelana yumoza na munyake.Pakati Chiuta wakukana bakujikuzga,kwene wakupereka wezi ku bakuji yuyula. ⁶ Mwantheula jiyuyulani imwe mwenkha pasi pa woko ya Chiuta ya nkhangono mwakuti wamukwezgani imwe mu nyengo yakwenelela. ⁷ Perekani kuyenjelwa kwinu kose kwa iye pakuti iye wakumupwelelelani. ⁸ Mube bakuzika,mube maso.Mulwani winu satana wakuyinga-yinga ndi nkhalamu yakubangula,wakuyinga-yinga kupenja uyo wangamulya. ⁹ Yimikanani naye iye.Bani bakukhola muchipulikano chinu,Mukumanya kuti babali binu muchalo nabo bakuzizipizga visuzgo vimoza pela. ¹⁰ Pala mwasuzgika pakayengo kadoko,Chiuta wa wezi wose,uyo walikukumuchemelani ku uchindami wamuyira-yiramwa mwa Khristu wakumuphotolani,wamkumzgomelazgani,wamukhozganinge, na kumukhazikiskani. ¹¹ Kwa iye kube mazaza yakulamulila kwamuyira-yira.Ameni. ¹² Nkumutola Silivana kuba mubale wakugomezgaka,kweniso namulembelani mwakufupikizga kupitila mwa iye.Nkumuchiskani imwe kupanikizgila kwa iye,kuti ivyo namulembelani ni uchizgi wa uneneskoi wa Chiuta. Imililanimo. ¹³ Mwanakazi uyo wali kubabiloni,uyo wasankhika pamoza na imwe,wakukutauzgani.Na maliko,mwana wane,wakumutauzgani. ¹⁴ Tauzgani yumoza na munyake na chasa cha chitemwe.Lekani mutende ube na imwe mose imwe muli mwa Khristu.