¹ Paulu mwange wa kilisito Jesu, omuzyalwanyina Timoti, kuli Filimoni, wesu uyandwa mwenzuma aba betesi benzuma. ² Okuli Apphia a mucizu wesu okuli Arkipusi wesu mwezuma silumamba, okuli becikombelo abo baswanana munganda yako. ³ Luzyalo alube kuli yebo olumuno luzwa kuli leza wesu o mwami jesu kilisito. ⁴ Ndilamulumba lyonse leza wangu nendikudoma yebo munkombyo zyangu,. ⁵ Kambo ndilamvwa kutegwa lushomo olo ndojesi kunembo luo mwami jesu o luyando ndojesi kuli bonse bantu basalali bakwe. ⁶ Ndakomba kuti kwabana ko lusyomo lwenu lubeleke, mponya muyoba kumvwisisya kunji kwe zintu zyotujesi muli kilisito. ⁷ Mbuli mbondijesi kuli kunonenwa okufukatilwa kambo koluyando lwako, kambo myoyo yabantubasalali ba leza yakabukulusyigwa abo muzyalwama. ⁸ Kambo kuti, nekuba namuya ndilijisi konse muli kilisito kulailila yebo kucita eco comwelede kucita, ⁹ pele kambo kaluyando ndalolola kuli nywebo kwinda kuli-mebo, Paulo, ndemudala, ape inawa ndemwange wa kilisito jesu. ¹⁰ Ndicilolo kuli nywebo kujatikizya mwana angu Onesimas, oyo ngundakazyala ndali munketani zyangu. ¹¹ Kambo muli cimwi cindi talikwe mpindu kuli nywebo, kono wawa mpindu kuli twense nywebo amibo. ¹² Ndamutuma ape kuli nywebo mbuli mwali mu moyo wangu. ¹³ Nikwali kukonzeka nindamubamba amibo kuti andibelekele kuli nywebo necili muketani a kambo ka mulumbe. ¹⁴ Pele tandiyandi kucita cimwi cintu kubula mizezo yako. Tandiyandi micito yako mibotu kuti izwe kukusongelelezwa pele kuzwa kumicito mibotu. ¹⁵ Mwendi cecoco caka azanizigwa kuzwa kuli nywebo kwecindi kokuteli muzokonzya kumupilusya mane kutamani. ¹⁶ Takwe uyoba muzike, pele kubote kwinda buzike ape muzyalwama uyandwa. ulyandwa kweni kweni kuli me, pele loko kwinda ape kuli nywebo, muzibe, ape kuli nywebo, muzibela zyobile zye nyama o mu mwami. ¹⁷ Mponyina na mwaba amibo mbuli mubetesi ma amumutambule mbuli mebo . ¹⁸ Nakuti nawakakubisizya olo na wakakolota cimwi cintu eco amucite kuli mebo. ¹⁹ Mebo, Paulo, kulemba eci a manza angu. Mebo lwangu ndiyocibadela- kutamba kuti uyondipa uyondikolotisya mebo yebo lwako! ²⁰ Iii, omuzwalama, ejane bulemubo buzwa kuli nywebo mumwami bukulusya moyo wangu muli kilisito. ²¹ Ndilashoma mukuswilila kwako, ndilimukulembela nywebo. mukuswilila kwako, ndilimukulembela nywebo. Ndilizi kuti muyocita mane kwinda cindi kumbila. ²² Acindi cinyina undibambile nganda yabenzu, mbuli mbondishoma kuti kwindila mu mipailo yenu ndiyopegwa kuli nywebo. ²³ Epaphrus, beenzuma bange muli kilisito jesu balamulumelisya. ²⁴ Mponyina o Mako, Aristarchus, Demus, o Luka babelesi ma. ²⁵ Luzyalo lwa mwami jesu kilisito lube mumuya wako. Akube namuya.