¹ Muli alya mazuba kwakasika Johani mubapatizi ulakamboka munkanda yoku Judeya, wakati, ² Amwempwe, kambo bwami bwakujulu bulafwifwi.' ³ Ngonguwe wakambwa kuli Isaya musinsimi, kuti, 'Ijwi lyoumwi sikongolola munkanda, amubambile zila yamwami, mululamike zila yakwe.' ⁴ Ino Johani wazwete cizwato coboya bwankamele, omukanda wecikumba mucikungu. Cilyo cakwe cali paso obuci bomusaka. ⁵ Ino Jelusalemu, monse omu Judeya omuzisi zizungulukide mulonga wa Jodani bakaika kulinguwe. ⁶ Bakabizigwa kuli nguwe mumulonga wa Jodani, okwamba zibi. ⁷ Ino nakabona ba Falisi aba Saduki banji bayobuza kukubizigwa kulinguwe wakabambila kuti,' nywebo bana bacipile, nguni wakamutondezya kuti mucije kubukali buza? ⁸ Amuzyale micelo yo kwempwa kwenikweni. ⁹ Mutayeyi kwamba mumoyo yenu kuti, tulijisi Abulahamu mbuli tataesu. Kambo ndamwambila kuti leza ulakonzya kunyampula bana ba Abulahamu kuzwa mumabwe. ¹⁰ Ino sabule lilibikidwe kale kumiyanda yecisamu. Kufumbwa misamu yonse itazyali micelo mbotu ilatemigwa okusowegwa mumulilo. ¹¹ Mebo ndamubizya amanzi kuti mwempwe. Mponyina oyo uza musule lyangu uli enguzu kwiinda mebo sizumizidwe kunyamuna indyato. Uyomubizya omuya usalala omulilo. ¹² Cipupuluzyo cakwe cili mujanza lyakwe kambo uzosalazya mulamba wakwe ape uzobunganya maila akwe okuatobika mukatobo. ¹³ Ino Jesu wakazwida ku Galilaya okusika kumulonga wa Jodani kuti abizigwe kuli Johani. ¹⁴ Johani wakazumanana kumukasya, wakateti,' ndelede kubizigwa kuli yebo, anukuti yebo waza kulimebo? ¹⁵ Jesu wakataba okwamba luinguwe kuti, ' kuzumuzugwa kuli inawa, kambo cibotu kuliswebo kuzuzikuzya kusalala. Mponyina Johani wazumizigwa. ¹⁶ Nakamana kubila, Jesu wakafwambana kuzwa mumanzi, mponyina julu lya kajuka kuli nguwe. ¹⁷ Wakambona muuya wa leza ulaseluka mbuli gwilimba a leza alinguwe.