¹ Eli ndibbuku lya buzyale bwa jesu kilisitu,mwana wa Davida, mwana wa Abulahamu. ² Abulahamu wali iisi wa Izaka mponya Izaka wali iisi wa Jakobo, ape Jakobo wali iisi Juda ape aba zyalwanyina. ³ Juda wali iisi wa Pelezi a Zola kuli Tama, Pelesi iisi wa Hezironi, mponya Hezironi wali iisi wa Lamu. ⁴ Lamu wali iisi wa Aminadabu, Aminadabu wali iisi wa Nashoni, mponya Nashoni wali iisi wa Salimoni. ⁵ Salimoni wali iisi wa Boazi kuli, Boazi wali iisi wa Obedi kuli Lute,, Obedi wali iisi wa jese. ⁶ Jese wali iisi wa Davida wali mwami, Davida wali iisi wa Solomoni kumwanakazi wali wa Uliya. ⁷ Solomoni wali iisi wa Lehobowamu, Lehobowamu wali iisi wa Abija, Abija iisi wa Asa. ⁸ Asa wali iisi wa Jehosyafati, Jehosyafati iiisi wa Jolamu, mponya Jolamu wesiku ya Uziya. ⁹ Uziya wali iisi wa Jolamu, Johamu iisi wa Ahazi, Ahazi iisi wa Hezekiya. ¹⁰ Hezekiya wali iisi wa Manase, Manse iisi wa Amoni, mponya Amoni iisi wa Josiya. ¹¹ Josiya wali sikale waku Jekoniya ape aba zyalwanyina a ciindi eco cakutolwa kwa baisilaeli ku Babuloni. ¹² Ino musule okutolwa ku Babuloni, Jekoniya wakali iisi wa Siyalutiyeli, Siyalutiyeli wali sikale wa Zelubabeli. ¹³ Zelubabeli wali iiisi wa Abiyudi, Abiyudi wali iisi wa Eliyakimu, mponya Eliyakimu iisi wa Azo. ¹⁴ Azo wali iisi wa Zadoki, Zadoki iisi wa Akimu mponya Akimu iisi wa Eliyudi. ¹⁵ Eliyudi wali iisi wa Eliyaza iisi wa Mathani, mponya Mathani iisi wa Jakobo. ¹⁶ Jakobo wali iisi wa Josefa mulimi wa maliya banyina jesu utegwa kilisitu. ¹⁷ Ense mazyalani kuzwa kuli Abulahamu kusikila kuli Davida akali kumi ane, mponya kuli Davedi kusikila kuciindi cakutolwa ku Babuloni kwakali mazyalani ali kumi aane mponya kuzoosika kukuzyalwa kwa kilisitu kwakali mazyalwani ali kumi aane. ¹⁸ Kuzyalwa kwa Jesu kilisitu kwaka citika namu mukutobelezya, banyina bakalibulikidwe akwatwe kuli Josefa, mponya kabatana swangana atomwi, kwakajanika kuti Maliya wakalimitide kwindila munguzu zya muuya usalala. ¹⁹ Pele Josefa, mulumi wakwe nikuba kuti wali muntu ululeme, takwe nakayanda kuti amuusye soni, mponya wanda kumuleka mucumwinizi. ²⁰ Mponya mbwakacili kuyeeya zintu eezi, mungelo wa leza wazoza kulinguwe muciloto akwamba kuti,"Josefa mwana wa Davida, uta yowi kubweza Maliya kuba mwanakazi wako, kaambo eco ca mitide ncomuya uusalala. ²¹ Uyozyala mwana mwalumi, mponya uyo mwita zina lya Jesu, nkaambo uyofutula bantu bakwe kuzinyonyono zyabo, ²² Ëzi zyeense zyakacitika kuti zibe masimpe ezyo mwami nzyakamba kwindila mumusinsimi, kwamba kuti, ²³ Ämubone, musimbi utazi mwalumi uyo mita akuzyala mwana mwalumi, mponya zina lyakwe liyotegwa Imamuweli" eci camba kuti "Leza ulaswibo". ²⁴ Josefa nakasinsimuka wakati mbubonya mbuli mungelo wa mwami mbwaka mulailila. Mponya wakakwata mwanakazi wakwe. ²⁵ Pele takwe nibakaswanana kusikila na katumbukwa mwana mwalumi. Mponya wakanuzika zina lya jesu.