¹ Judi, mubelesi wa Jesu kilisito ape mwananyina wa Jemusi. Kuli abo bamwakaitwa, nomuyandwa muli Leza tata, a babambidwe a Jesu kilisito. ² Amuvuzizigwe luzyalo alumuno oluyando. ³ Nomuyandwa , ndayandisisya kumulembela kuti ndimupandulwide zyalufutuko lwesu luzibikide, ndakamulembela Akumukumbila kuti mulwanine lusyomo olo Leza ndwakapa bantu bakwe lyomwi buyo. Kambo bantu bamwi tabayndi zya Leza bakanjila cokusisikizya akati kenu. ⁴ Aba bantu balapilingana lwangunuko ndyotujesi kuti lube cecitulo cazisesemyo. Mbasikasampu sampu baasandula luzyalo lwa Leza wesu kuba zisusi zibi, ape abo bakaka simalelo wesu alike Jesu kilisito mwami wesu. ⁵ Ino ndiyanda kumuyubulusya zimwi nikuba kuti mulizi kale kuti Leza wakavuna bantu kuzwa munyika ya ijipiti, pele nakamana wakanyonyona bense batakamusyoma. ⁶ Ambabo, bangelo batakabamba bulelo bwabo, pele bakasiya busena Leza wakabanga ezyazyo zitamani, ape ulibabikide mumudima usiya mbii, kusikila buzuba bupati obo nayobabeteka. ⁷ Mbonyina namuya Sodomu o Gomola e minzi libambene anjiyo bakalipa lwabo kubumambe emilimo yobumambe iyosya. Wakabacita kuti cibe citondezyo cabo bakasubulwa mumulilo utamani . ⁸ Pele muzila iswana , abo basikutola balasofwazya mibili yabo, bakakaka bulelo, mponya balasapaula bazwide bulemu. ⁹ Pele naba mikayele mungelo mupati, nakali kukazyanya o satani kabakazyanya zyamutumba wa Mozesi, wakayowa kumubeteka cokumusampaula. Nekuba wakamba kuti, mwami akusubule, ¹⁰ Pele bantu aba balasampola kufumbwa ncibatezi, zintu zyabacita bazicita mukucilila mbuli banyama batayeyeyi, ezi nzezintu zibanyonyona. ¹¹ Mawe kuli mbabo, aba balenda munzila ya kaini balibisijanya kumulandu wa bbalamu cokuyandola mpindu. Bakamana mukukazyanya kwa kole. ¹² Aba bantu babisya, mapobwe enu oluyando, balalya anywibo kabatakwe soni bembezi ubalikutya buyo. Balimbuli mayoba atakwenvula, atolwa oluwo. Balimbuli misamu, ikunkumukide itakwe zizyalo zyalo, inywikwide miyanda. ¹³ Mayuwe alobukali mulwizi alikofola bweme bwawo soni, zyabo, nyenyezi twedenda buyo tyakayobweda mudima usiya mbi utamani. ¹⁴ Enoki, womusela wo tusanu otubili kuzwa kuli Adamu, wakasinsima zyabo, kuti, Amulange, mwami uyobuza e myanda ya myanda yabasalali bakwe. Ulaza okuzozekisya bense. ¹⁵ Ulaza okubasubula banyansya kambo kemilimo yabo yense italuleme njobacita cokuta muyowa, ¹⁶ Aba bantu balasyoloka , okutongoka , bacilila zisusi zabo beni. Milimo yabo yambola cokulisampula, okutakwe bantu mpindu, kena bamwi. ¹⁷ Pele nywebo, nomuyandwa, amuyeye majwi akambwa kale abatumwa bo mwami Jesu kilisito. ¹⁸ Bakamba kuli yebo, kucindi camamanino kuyoba bantu basampaula, bacilila zisusi zyabo. ¹⁹ Mbambabo aba mbabeta mipampomipampo, mbasinyama ape tabakwe muya. ²⁰ Pele nywebo, nomuyandwa, amuliyake mulusyomo lwenu lusalala, ape amukombe mumuya usalala. ²¹ Amukale muluyando lwa Leza, ape mulindile luse lo mwami Jesu kilisito mane lweta bumi butamani. ²² Amube oluzyalo kuli abo bazumbozya. ²³ Amugwasye bamwi mukubagwisya mumulilo. Kuli bamwi amube oluse cokuyowa. Sula niciba cizwato cabo cabisigwa ezisusi zyabo zyobuntunsi. ²⁴ Ino kuli abo bakonzya kubamba kuti mutalebwi okwima kunembo lya kwe kakutakwe kulisenda okukondwa kupati, ²⁵ Kuli Leza muli alike ngo mufutuli wesu muli Jesu kilisito mwami wesu, akube bulemu, enguzu obwami kuzwa kumatalikilo, esunu, alyonse mane kutabe kutamani. Akube namuya.