¹ Ino Jesu nalikwinda, wakabona mwalumi mofu kuzwa kukuzyalwa kwakwe. ² Basikwiya bakwe bakamubuzya kuti omwiyi , ngwani wakabisya , oyu mwalumi na bazyali bakwe , kutiazyalwe mofu. ³ Jesu wakataba, tainsi bulubizi bwakwe mwalumi , nabwabazyali bakwe , kono kuti milimo ya Leza iyubununwe mulinguwe. ⁴ Twelede kubelek milimo yakwe oyo wakandituma nilicili sikati. Masiku alasika kwatanolikwe unga wabeleka . ⁵ Necili munyika, ndime mumuni wenyika. ⁶ Jesu nakanana kwamba ezyi zintu, wakaswida ansi, wakakanda bulongo amate akwe, okumunanika bulongo kumenso akwe. ⁷ Wakamwambila kuti , koya, ukasambe mukaziba ka Siloam ipandulula kutumwa. Mponya mwalumi wakainka , wakasamba, okupiluka kabona. ⁸ Mponya abo bokulimbabo balikumubona kakumbila ,oyu tainsi nguwe mwalumi wali kukumbila , ⁹ Bamwi bakakaka, tainsi, kono ulaswana anguwe . Mponya wakamba, ndendime. ¹⁰ Bakamba kulinguwe , mponya wakabona buti, ¹¹ Wakataba mwanalumi witwa kuti Jesu wakakanda bulongo okundinanika mbubo kumenso okundambila kuti koya ku Siloam uka samba. mponya ndakazoinka okuyosamba, ape ndakabona. ¹² Bakabuzya kuti, ngulikuli wakataba, tandizi. ¹³ Bakamweta mwalumi oyu walimofu kuma Falisi . ¹⁴ Mwalimubuzuba bwe nsabata Jesu nakakanda bulongo oku jula menso akwe. ¹⁵ Mponya ape ma Falisi bakamubuzya mbwakatalika kubona. Wakamba kulimbabo ,wakabika bulonga kumenso angu, ndaka samba , mponya ino ndilabona. ¹⁶ Bamwi bama Falisi bakamba kuti, oyu muntu tazwi kuli Leza kambo tabambi buzuba bwa Sabata . Bamwi bakaati , ino muntu sicinyonyono ninga wacita buti zitondezya zilinamu, ¹⁷ Mponya bakamubuzya ape mwalumi mofu, mwambola nzi alinguwe , mukukujula menso ako, mwalumi mofu watati, musinsimi. ¹⁸ Pele bama Juda takwe nibakasyoma kutti oyu muntu wali mofu nibakazoita bazyali bakwe bakazobona. ¹⁹ "Bakabuzya bazyali bakwe,"Oyu ngomwana enu ngumwamba kuti wakazyalwa kali mofu? Ino mponya ubona buti?" ²⁰ Mponya bazyali bakwe bakabataba,"Tuzi kuti oyu mwana esu okuti wakazyalwa kali mofu. ²¹ Mbwa bona ino, tatuzi, ape wakamujulamenso akwe, tatuzi. Amumubuzye, muntu mupati, ulakonzya kulyambilila. ²² "Bazyali bakwe bakamba ezi zintu, kambo bakayowa ma Juda. Bama Juda bali mvwenene kale kuti kufumbwa utamwambe kuti ngu kilisitu, ula sowelwa anze e sinagogu. ²³ Kambo keci, bazyali bakwe bakamba."muntu mupati, amumubuzye. ²⁴ Mponya mucindi cabili bakamwita muntu oyu walimofu, okwamba kulinguwe,"pa bulemu kuli leza. Talizi kuti oyo muntu ngusizibi." ²⁵ Mponya oyo muntu wakataba,"tandizi kuti na ngusizibi, Cintu comwi ncezi ndalimofu, mponya ino ndila bona, ²⁶ "Mponya wakamba kulinguwe,"wakacita nzi kuliyebo? wakajula buti menso ako? ²⁷ Wakataba, "ndakamyambila kale, kono takwe nimwakamvwa! kambo nzi ncimuyanda kuti mumvwisisye ape? Yamuyandi kuti mube basikwiya bakwe anwibo, mulayanda na ²⁸ Bakamutuka okwamba kuti,"ndiwe sikwiya wakwe, swebo tuli basikwiya ba Mozesi. ²⁹ Tulizi kuti leza wakambola o Mozesi, kono tatuzi oyu nkwakazwida, ³⁰ Mwalumi wakata okwamba kuli mbabo,"Eci cilakomosya, kuti tamuzi nkwazwida, kakuli wakajula menso angu. ³¹ Tulizi kuti leza taswilili basizibi, kono kuti umwi kalipede okucita zyayanda, ulaswilizya kulinguwe. ³² Kuzwa noyakalengwa nyika takuna bunsi kwamvwika kuti umwi wakajula menso amuntu wakazyalwa kali mofu. ³³ Kambe oyo muntu tazwi kuli leza, natakakonzya. ³⁴ Bakataba okwamba kulinguwe,"wakazyalilwa muzinyonyono, mponya ulikutuisya?"Mponya bakazomusowela anze. ³⁵ Jesu wakamvwa kuti bakamutandila anze a sinagogu. Wakamujana okwamba kuti, kokuti ulashoma mu mwana o muntu?" ³⁶ Wakataba okwamba kuti, Ino ngwani, mwami, nkkokuti nkokuti ndishome mulinguwe?" ³⁷ Jesu wakamwambila kuti,Ülimubwene, ape ngonuwe ulikwambola aib>" ³⁸ Mwalumi wakati,"mwami, ndashoma,"mponya wakamukomba. ³⁹ Jesu wakamba kuti,"ndakazida kubeteka munyika muno kuti abo babona babe bofu." ⁴⁰ Bamwi ma Falisi balanguwe bakazimvwa ezi zintu okumubuzya kuti,Äswebo tulibofu?" ⁴¹ Jesu wakamba kulimbabo,"kambe muli bofu, nimutakwe cibi, kono zwa mwamba kuti,'mulabona;'mponya cinyonyono cenu cisyala kuli nwebo.