¹ Nizyakamana ezi zintu Jesu wakali bonya ape kulibasikwiya kulwizi lwa Tibeliyasi. mbombubo bwakalitondezya. ² Sayimoni Pita wali antomwi o Tomasi walikwitwa kuti Denimasi, Natani woku kanamu Galileya,mwana wa Zebbadi, abamwi bobile basikwiya ba Jesu. ³ Sayimono Pita wakateti kuli mbabo, ndiyobwika kuyusyuta nswi. Bakateti kulinguwe, aswibo,tulainka ayibo. Bakainka okuyo njila mumugolo, pele takwe cibaka ca busiku bonse. ⁴ Ino, nikwacili kuseniseni,Jesu wakaima kumbali omulonga kono basikwiya takwe mibaka ziba kuti ngu Jesu. ⁵ Mponya Jesu wakamba kuli mbabo, balumi mulijesi, zyokulwa na, bakamutaba ne. ⁶ Wamba kulimbabo, amu fuse tunyandi twenu kululyo lomugolo,mponya mulajana zimwi , mponyina bakafusa tunyandi pele bakacilwa kukwela kambo kokuvula kwe nswi. ⁷ Mponya sikwiya jwali kuyanda Jesu wakamba kuli Pita, ngu mwami, Sayimoni Pita nakamvwa kuti mwami, wakanga cijampa cakwe catala kambo takwe nazwete, nkulifusila mulwizi. ⁸ Umwi sikwiya wakanjila mumugolo nekuba kuti tibulinsi kule anyika, entanlo zili myanda yobile. Mponya bali kukwela kazamba kavwide iswi. ⁹ Ino nibakalyata ansi kuzwa mumanzi bakabona malasya omulilo alya enswi zyabikidwe alingawo, ecikwa. ¹⁰ Jesu wakabambila, amwete zimwi inswi zimwa jata. ¹¹ Syimoni Pita mponya wakainka kuyokwela kanyandi, kazwide inswi zipati, zili mwanda amakumi osanwe otutatu , nekuba kuti zyali zinji , kanyandi takwe nikakawauka. ¹² Jesu wakamba kulimbabo, amuze muzolye cisusulo, takwe omwi wa basikwiya wacili kumubuzya, ndiwe ni yebo, balizi kuti wali mwami. ¹³ Jesu wakazoza,wakabweza cikwa, wakacipa kuli mbabo, enswi, azizyo. ¹⁴ Eci cali cindi cobutatu Jesu cakalibonya kuli basikwiya nakabuka kuzwa kubafu. ¹⁵ Nibakamana kulya cisusulo Jesu wakateti kuli Sayimoni Pita, Sayimoni Pita omwana wa Joni,ulandiyanda na kwinda ezi. ¹⁶ Pita wakateti kulinguwe, iyi mwami, ulizi kuti ndila kuyanda. Jesu wakati kulinguwe, embela mbelele zyangu. ¹⁷ Cindi catatu wakateti kulinguwe, Sayimoni,mwana Joni, ulandiyanda na mebo . Pita wakavwa nsoni kambo Jesu waka mwambila cindi catatu , ulandiyanda na mebo, wakateti kulinguwe, mwami ulizi zintu zyonse, ulizi kuti ndila kuyanda. Jesu wakateti kulinguwe, lisya mbelele zyangu. ¹⁸ Ncozyo ncozyo, ndamba kuli yebo, niwacili munini walikuli zyatiki okwenda mboyanda, pele wakomena, uyodolola manza ako, mponyina umwi uyo kuzwatika oku kutola konse koyo yanda. ¹⁹ Ino Jesu wakamba namu mukuti atondezya kuti ino ndufu nzi Pita mwakozya kutembaula Leza. Nakamana kwamba eci, wakateti kuli Pita ndicilile. ²⁰ Pita wakazo senduluka okubona sikwiya oyo Jesu ngwali kuyandisisya koyoba bacilila, oyo apewayeme kusule kutainsi kumbali o Jesu a cindi comulalilo ape oyu wakamba ati, mwami nguni oyo uyokukaka. ²¹ Pita wakamu bana pele mponya wakateti kuli Jesu mwami, ino oyu mwalumi uyocita buti. ^{22 23} Jesu wakamba kulinguwe, kuti ndayanda ati akale mane ndikaze, ninzi eco kuli yebo, ndicilile. Kokuti aka kambo kaka ambwa kumuntu omuntu, kutegwa ulya sikwiya takozya kufwa. Kakuli Jesu takwe nambinde kuli Pita kuti umwi sikwiya tayofwi,pele, kuti ndayanda kuti akale kusikila mane ndikabole, ino ninzi eci kuli yebo. ²⁴ Oyu ngusikwiya wakapa bumboni kuti ezi zintu oku lemba ezi zintu ape tulizi kuti bukamboni bwakwe mbwaka simpe. ²⁵ Kuli ape zintu zinji Jesu zyakacita. Kambo zyonse zyali lembidwe ndila syoma olo nyika lwayo niyadalikwe mabbuku aka lembwa.