¹ Ino mwalumi umwi uitwa kuti Kazalo walikuciswa. Walikuzwa ku Betani mumunzi wa Maliya a Mata. ² Ngu Maliya wakasansa mafuta kumwami okwacumba kumaulu amasusu, ulamucizi Lazalo walikuciswa. ³ Bacizi bakwe bakaita Jesu, kabati mwami bona, oyu ngoyanda waciswa. ⁴ Jesu nakamvwa , wakati, oku kuciswa takwinsi kolufu, kono cobulemu bwa leza kutegwa mwana a leza atembaulwe ambubo ⁵ Ino Jesu wakalikumuyanda Mata o mucizi Lazalo. ⁶ Mponya nakamvwa kuti Lazalo ulicisidwe, Jesu wakakala kwamazuba obile kucibaka oko nkwabede. ⁷ Nicakainda eci wakati kuli basikwiya, atupiluke ku Judiya ⁸ Basikwiya bakati kulinguwe, Rabbi, inawa ba Juda bayanda kukupotola, ape uyanda kupiluka ape?' ⁹ Jesu wakataba,'takwe mawola alikumi abili mumuni mubuzuba kuti na wenda musikati, tako liguba, nkaambo ulibwene mumuni wenyika. ¹⁰ Kuti na, wenda masiku ulaliguba nkaambo mumuni tawinsi anguwe, ¹¹ 'wakamba zintu ezi, nikwakamana ezi zintu wakati kulimbabo, nobenzuma Lazalo ulona, kono ndiyobuya kutegwa ndikamubusye kugonzi. ¹² Basikwiya bakati kulinguwe, o mwami naulona, ulabuka'' ¹³ Ino Jesu wakambola zyalufu lwakwe, pele balikuyeya kuti walikwamba kona kwakupumuna. ¹⁴ Mponya Jesu wakabapandulwida kuti Lazalo ulifwide. ¹⁵ Ndabotelwa kambo kenu, tekwalinsi kuti mponya muzumine. Atwinke kulinguwe, ¹⁶ Tomasi walikwitwa kuti Didimasi, wakati ku benzinyina basikwiya, atwiinke tonse kutefwa tukafwide antomwi o Jesu. ¹⁷ Jesu nakasika wakajana Lazalo ulimubita kwamazuba one. ¹⁸ Ino Betani ulibambene o Jelusalemu, mamaile obile. ¹⁹ Bunji bwaba Juda bakaza kuli Mata a Maliy, kuti bazoba yumye nkambo ka mucizi wabo. ²⁰ Mponya Mata, nakamvwa kuti Jesu wabuza, kuzo mubona, kono Maliya wali kedede munganda yakwe. ²¹ Mata wakati kuli Jesu,"mwami, niwaliwo, mucizi wesu nata fwa. ²² Nikuba obo, ndilizi kuti kufumbwa ncoyo kumbila kuli leza, uyo kupa." ²³ Jesu wakati kulinguwe, mucizi wako ulabuka ape. ²⁴ "Mata wakati ndilizi kuti uyo busigwa kububuke bwamamanino. ²⁵ Jesu wakati kulinguwe,"ndime bubuke abumi, oyo ushoma mulindime, nikuba kuti wafwa uno pona. ²⁶ Ape kufumbwa oyo upona akushoma muli ndime takoyofwa, ino ulashoma na? ²⁷ Wakati kulinguwe, iiyi mwami, ndilashoma kuti ndiwe kilisitu, mwana a leza, uzobubola munyika." ²⁸ Nakamba namu, wakainka oku yoita Maliya cakulisisa, wakati, mwiiyi ngoyu ape uliku mwiita. ²⁹ "Nakamvwa obu, wakanyamuka akwiinka kulinguwe ³⁰ Awa Jesu katana kwinka ku munzi kono wacili mucibaka cibakaswanana o Mata. ³¹ Ino ma Juda, bakali anguwe munganda ape bali kumu disya, bakabona Maliya kajila ikuzwa cokufwambana, bakamutobela, kabayeya kuti kwanda uyanda kwiinka ku biita kuyolila. ³² Ino Maliya nakasika kucibaka oko Jesu nkwakabede oku mubona, wakawida a maulu akwe okwamba kulinguwe,"mwami, nowakali ko mucizi wesu natakafwa. ³⁴ Jesu nakamubona kalila, aba Juda bakasika anguwe ambabo kabalila, cakamuyasa mumuya oku pengana, wakati,mumu lazikide yi? ³³ wakati kuli nguwe,@ mwami koza ubone? ³⁵ Jesu wakalila. ³⁶ Ino ba Juda bakati, amubone mbwali kumuyanda Lazalo! ³⁷ Kono bamwi bakati, tainsi oyu mwalumi, wakajula menso o mwalumi mofu, ape okumupa kuti mwalumi oyu atafwi' ³⁸ Mponya Jesu ape , katyomidwe lwakwe, wakamba ku bbita, ino lyli dindi ebwe lyalazikidwe. ³⁹ Jesu wakati, amugwisye bwe,' Mata mucizi wa Lazalo, oyo wakafwa, wakati kuli Jesu, 'mwami, ali cino cindi mubili ono nunka, nkambo wakalifwide kwo mazuba one. ⁴⁰ Jesu wakati kuli nguwe, takwe nindambide kuli yebo na kuti, na washoma, uyobona bulemu nwa leza?' ⁴¹ Mponya bakali gwisya bbwe. Jesu wakajula menso okwamba ati, 'Tata' ndamulumba kuti mwandinvwa. ⁴² Ndilizi kuti mulandinvwa cindi conse. Pesi akambo kembuga indizekide cindambila namu, kutegwa kwanoyanda balashoma kuti wakandituma? ⁴³ Nakamana kwamba ezi, wa kongolola kulila wjwi litantide, Lazalo, buka! ⁴⁴ Mwalumi wakafwide wakabuka, maulu a manza akwe alangidwe muzibya, ku menso akwe wakalangidwe zibya, Jesu wakati kulimbabo, amumwangunune mumuleke ende. ⁴⁵ Mponya bunji bwaba Juda bakaza kuli Maliya okubona eco Jesu ncakacita, baka shoma mulinguwe. ⁴⁶ Kono bamwi babo bakainka ku ma Falisi okubambila Jesu ncakacita ⁴⁷ Mponya bapaizi bapati abaFalisi bakabungana abendelezi okuti tulacita buti! mwalumi oyu wacita zitondezyo zinji. ⁴⁸ Kuti na twamuleka alike mbuli namu bonse bayosyoma mulinguwe, ba Roma bazoza kuzotola zyonse ecibaka cesu eci'. ⁴⁹ Mpowo mwalumi umwi akati kabo, Kaipiasi, walimupapizi mupati kuliciya coko wakati kulimbabo. Takwe ncimuzi. ⁵⁰ Tamubali kuti cibotu kunywebo kuti umwi mwalumi wafwida bantu kwinda kuti cisi conse cisinyeke. ⁵¹ Ino takwe nakalyambilila lwakwe. Kwinda kuti, kalimupaizi mupati ciya caka, wakasinsima kuti Jesu welede kufwida cisi. ⁵² Ape kutamba buyo zyecisi kono kuti bana baleza basalene bakabungane mubunji antomwi. ⁵³ Kuzwa obo buzuba kuyakunembo bakapangana bokumujaya Jesu. ⁵⁴ Nikuba abo Jesu takwe nakeenda cakuliba mukati ka ba Juda, kono wa kainka kuzwa kuya kunjila mu nyika afwifwi o munkanda mukuti ke taindi lya Efulehemu, okuya nkwakala abasikwiya. ⁵⁵ Ino paseka yaba Juda yaswena, banji bainka ku Jelusalemu kuzwa ku nyika kaitanasika paseka mukuti boonse basalazigwe. ⁵⁶ Baliko mulangola Jesu, okwambola imwi oumwi ape bakala mutempele, uyeya nzi? kuti tayozi ku pobwe? ⁵⁷ Ino bapaizi bapati aba Falisi bakapa mulao kuti na kuli uzi oko Jesu nkwabede, ulelede kutwambila kutegwa bamujate.