¹ Kamuza inawa nywebo nomuvubide amulile okwema kaambo kamapenzi andomusikila. ² Buvubi bwenu bwabola, ape zebeeya zyenu zyaligwa olumoma. ³ Ngolide ensiliva zyanu zyabisigwa ape bulala bwazyo buyuba bukamboni akati kenu, uyotenta nyama yenu mbuli mulilo. Mwalundika lubono kumanza amamanino. ⁴ Amulange, bulumbu mbomwakabika kusule bwasimilimo bakamutebwida mumyunda yako balikukulila. Kulila kwambasikutebula kwanjila mumatwi o mwami wamakamu makamu. ⁵ Mwapona mububotu bwe nyika okulibotezya nobeni. mwakutya myoyo yenu mbuli buzuba bwepobwe. ⁶ Mwabeteka ape okujaya bantu baluleme batakamukazya. ⁷ Amukazike camba, nobazyalwama kusikila mane kuza ko mwami. Amubone mulimi mbwalindila micelo miyandisyi yansi ulikazikide camba kuli zyezyo, kusikila zikatambule mvula yokutanguna eyamamanino. ⁸ Anywebo nonseneni, amube ecamba. Amuyumye myoyo yanu kaambo kuza kumwami kuli afwifwi. ⁹ Mutatongoki nobazyalwama, kuti mutabetekwi, amubone, mubetesi ulimvwi amulyango. ¹⁰ Amubweze citondezyo, nobazyalwama kumapenzi ape obusicamba bomusinsimi, abo babola muzina lyo mwami. ¹¹ Amubone, tulamba kuti mbasicolwe bajatilila. Mulivubide kale kujatililakwa jobo, ape mulizi makanze o mwami, mbwali siluse ape ngusiluzyalo. ¹² Pele kwinda zyense nobazyalwama, mutakonki, nikuba kujulu nikuba ansi, neciba cimwi cintu cili buti cokukonka, kwinda kuti, kwamba kwenu kube'iyi' kokwamba kuti iyi ape kukaka kwenu nkokukaka, kuti mutawidi mulubeta. ¹³ Ino kulimapenzi akati kenu? muleke akaombe, na kuli unonenidwe? unonenidwe aimbe kulumbaizya. ¹⁴ Na kuli ucuswa akati kenu, oyu aite bapati bacikombelo, kuti bamukombele. bamunanike mafuta muzina lyo mwami. ¹⁵ Nkombyo yolusyomo ilamuponya uciswa, mwami ulamubusya kuti na na wakacita zibi, leza oyu mulekelela. ¹⁶ Amulyambilile zibi zyanu kuli umwi aumwi, ape amukombelelane kuti mukaponisigwe, nkombyo yomuntu musalali ilenguzu mumilimo yayo. ¹⁷ Elija wali muntu mbuli swebo, wakakomba cokumaninina kuti mvula itawi, mane takwe niyakawa ansi myaka yotatwe emyezi iili musanu akomwi. ¹⁸ Mponya Elija wakakomba ape. Julu lyakapa mvula, mponya nyika yakazyala micelo yayo. ¹⁹ Nobazyalwama, kuti na umwi muntu akati kenu waleya munzila yakasimpe, mponya umwi wamubozya. ²⁰ Oyu muntu weelede kuziba kuti kufumbwa upulusya sizibi kuzwa kukuleya kwakwe uyomumvuna kuzwa kulufu ape uyovumba zibi zinji zinji.