¹ Mwami wakati kuli Mozesi,'' timbula obile apaleme mabwe mbuli aya okusanguna apaleme. Ndiyo lemba ali ngawo apaleme mabbala alyaalioku sanguna apaleme , apaleme ngiwakakomona. ² Uzolibambile kuseni mponya uzoze atala ecilundu ca Sinai, mponya ukalitondezye lyako kuli mebo alya acilundu atala. ³ Takwe nabani welede kuza atala ayibo. Toelede kulekela nabani kuti abonwe kufwumbwa awa acilundu. Takwe mbelele na ngombe zyelede kucela kunembo kwecilundu.'' ⁴ Mponya Mozesi wakatimbula obile apaleme mabwe mbuli okusanguna, ape wakabuka kufwabana kuseni mponya wakainka atala ecilundu ca Sinai mbuli Mwami mbwaka mulailila. Mozesi wakabweza zyi paleme zya mabwe mujanza. ⁵ Mwami wakaseluka ansi kuzwa mujoba mponya wakaima o Mozesi alya, mponya wakalibanda zina ''Mwami.'' ⁶ Mwami wakainda kunembo lyakwe ape wakambilizya,'' Mwami,Mwami, ngu siluse ape silubomba Leza, tafwambi kunyema, ape ulabika zyintu zyense mukudiya muluyado ape omokusyomeka, ⁷ Ulabamba kudiya koluyando kuzyulu-zyulu, kulekelela kulubizya, kutazya, ape ezibi. Pele takwe nayobaleka kubasubula basizibi. Uyoeta cisubulo kucisi camaisi abana babo ape okubana bana babo , kuyosika kuli lyatatu elyane zyalani.'' ⁸ Mozesi kokufwambana wakafukama ansi o kukomba. ⁹ Mponya wakati,'' kuti na ndajana luse ku menso ako, Mwami wangu, ndakumbila enda aswibo, kambo ababantu mbasi mutwe muyumu. Tulekelele bulubizi bwesu ape ezibi zyesu , mponya utubweze tubebako.'' ¹⁰ Mwami wakati,'' langa, ndilafwi kupanga cizuminano. Kunembo lya bantu bako bense, ndiyocita zintu zipati zyetana cita munyika yense na kufumbwa mucisi. Besne bantu akatikenu bayobona micito wangu, kambo eci cintu cilayosya celi mukucita ayibo. ¹¹ Swilizya eco cekulailila senu. Ndilafwi kwinda kunembo lyako kutanda baamoli, bakenani, bahiti, bapelezi, bahivi ape a bajebusi. ¹² Cenjela kuti utakaciti cizuminano abantu boku nyika eyo nkobuya, kambo bayoba cilebyo akati kenu. ¹³ Kambo kako , welede kupwacola zipaililo zyabo, kupwacola matakozyo amabwe, ape mukatimbweide ansi misamu abo ba Asyela. ¹⁴ Tamwelede kukomba Leza umbi, pele Mwami, ulezina lya munyono, Leza simunyono. ¹⁵ Pele cenjela kuti utakaciti cizuminano abantu benyika, kambo bakacita mwamu bwabo kubaleza babo, ape balikulipa kubaleza babo. Mponya umwi wabo uyokutaba ape uyolya zimwi zyakwe zyokupaizya ¹⁶ Mponya muyobweza bamwi bana bakwe kubona benu, ape abana bakwebayocita bwamu mukomba baleza babo, ape bayocita bana benu balumi bwamu kuli baleza babo. ¹⁷ Tamwelede kucitila baleza benu bo bulingo. ¹⁸ Mwelede kubamba pobwe lye cinkwa citakwe mumena. Mbuli mbundaka mwambila, mwelede kulya cinkwa citakwe mumene kwa mazuba osanwe otubili, a cindi cibambilidwe mumwezi wa Abbibu, kambo nguwali mwezi wa Abbibu ni mwakazwa muIjipiti. ¹⁹ Bense bokusanguna balombe mbibangu, abo balombe bokusanguna babanyama, nikuba ku nombe na kumbelele. ²⁰ Mwelede kunununa yokusanguna mbongolo aka belele, pele kuti na tamukoyu pilusya, mwelede kutyola nsingo yayo. Mwelede kubanununa bense bokusanguna banabenu . Takwe muntu welede kulitondezya kuli mebo cinkwamanza. ²¹ Muyobeleka kwamazuba ali tusanwe akomwi, pele mubuzuba bwatusanwe otubili mwelede kupumuna. Nikuba mucindi cokwima na mukutebula, mwelede kupumuna. ²² Mwelede kulangila pobwe zyensonda obutebuzi bokusanguna bwa maila, ape mwelede kulangila pobwe lyom kubungika kuma manino e caka. ²³ Zindi zyotatwe mucaka bense balumi belede kulitandezya kumenso omwami Leza, Leza wa Isilayili. ²⁴ Kambo ndiyogwisya bamasi kuzwa kuli nywebo mponya ndiyokomezya minyiza yenu. Takwe uyo nyomenena kutola nyika yenu mbuli kuti njiyabo mwakwinka kuyoli bonga ku Mwami Leza wenu zindi zyotatwe mucaka. ²⁵ Tamwelede kupa bulowa bwe cipaililo cilo mumene, na kufumbwa nyama izwa kucipaililo capobwe lya pasika kuti cisyale cibe cejunza. ²⁶ Mwelede kweta zintu zibotu zyokusanguna zyizwa mumyunda yenu kun'anda yangu. Tamwelede kujika kana kempongo kuzwa kuli banyina kalamalili.'' ²⁷ Mwami wakati kuli Mozesi,'' lemba ansi majwi aya, mukwenda lanya amajwi aya ndakabamba cizuminano ayibo ape o Isilayili. ²⁸ Mozesi wali o Mwami kwamazuba ali makumi one masiku e sikati; takwe nakalya cokulya na kunwa manzi. Wakalemba acipapalede majwi acizuminano, milawo ili kumi. ²⁹ Mponya Mozesi nakaseluka kuzwa kucilundu ca Sinai kayumwide zyobile zyipapalede zye cizuminano kajesi munja , tatwe takwe nakaziba kuti cikanda cokomenso akwe calikumweka cindi nali kwambola o Leza. ³⁰ Mponya Aloni abama Isilayili nibakabona Mozesi, cikandacomenso akwe cali kuyaka, mponya bakayowa kuswena afwifwi anguwe. ³¹ Kono Mozesi wakabaita mbabo, mponya Aloni abense bembunga baza kuli nguwe. Mponya Mozesi wakambolabo. ³² Kuzwa wo, bense bantubaku Isilayili bakaza kuli Mozesi, ponya wakabambila yense milawo yo Mwami njakamupa aci lundu ca Sinai, ³³ Mponya Mozesi nakamana kwambola abo, wakabika cisila kumenso akwe. ³⁴ Kufumbwa Mozesi ainka kunembo lya Mwami kuyoambola anguwe, walikugwisya cisila , mane kusikila wazwa. Mponya nali kuzwa anze, wali kubambila ba Isilayili cakalaililwa kuti ambe. ³⁵ Mponya ba Isilayili nibakabona Mozesi busyu bwakwe bulamweka, walikunga ulabika cisila kumenso akwe ape mponya kusikila wapiluka kuyo ambola o Mwami.