¹ Ape anwibo, mwalifwide mukulubizya kwenu omuzinyonyono. ² Omo mumwakenda kale, kwendelanya ezyaka zyenyika eyi. Mwalikupona kwendelanya kumwendelezi we nguzu muluwo,muya ulimukubeleka mubana batanvwidi. ³ Cimwi cindi tonse twakapona akati kabantu, kuzuzikizya zibi zyokuyandisya kwenyama yesu, okucita kuyandisisya kwenyama emizezo. Mubube twali ba bobukali, mbuli bantu bonse. ⁴ Pele Leza ngusiluzyalo lunji kambo koluyando lwakwe lupati olondwakatuyanda swebo. ⁵ Nitwakacilifwide mukulubizya, Leza wakatubuzya antomwi muli kilisito kwinda muluse mwakafutulwa. ⁶ Leza wakatubusya antomwi a kilisito, ape Leza wakatukazika ansi antomwi mumasena omumajulu muli kilisito Jesu. ⁷ Kutegwa mumyaka iza azotondezye kuliswebo buvubi bupati butapimwi boluse butondezedwe mulubomba kuliswe muli kilisito Jesu. ⁸ Kambo koluse mwakafutulwa kwinda mulusyomo, ape eci takwe nicakaza kuzwa muliwe, cipo ca Leza. ⁹ Tainsi kuzwa kumilimo, kutegwa kutabi ulisumpula. ¹⁰ Kambo swe tuli milimo yamanza a Leza, kutegwa muli kilisito Jesu kucita micito miboto ezyo Leza zyakatubabilide cindi, kutegwa tukonzye kwenda mulizizyo. ¹¹ Kambo yeya cindi mwali basimasi munyama. Mwaaitwa batatendidwe, eco citwa , kutedwa munyama cakapangwa amanza abantu. ¹² Kambo mucindi eco mwali anzene kuzwa kuli kilisito, bamuzwa kule kucisi ca Isilayili, benzo kucizuminano cacisyomezyo, kutaba alulangilo okubula Leza munyika. ¹³ Pele ino muli kilisito Jesu nwebo nimwakali kule kuzwa kuli Leza mwetwa afwifwi obulow bwa kilisito. ¹⁴ Kambo ngolumuno lwesu. Wakapenga bobile kuba omwi. Kwinnda munyama yakwe wakanyonyona ¹⁵ bulambi bwabasinkondo bwaka tupambusyenye. Cecico eci, wakamanya mulawo wamalailele obwendelezi kutegwa akonzya kupanya muntu omwi munyowana mulinguwe, okweta lumuno. ¹⁶ Kilisito wakaeta antomwi bantu bobile mumubili omwi kuli Leza kwinda mucingano, kubika kulufu businkondo. ¹⁷ Jesu wakaza okwambilizya makani mabotu olumuno kulinwe nomuli kule loko olimuno kuli abobali afwifwi. ¹⁸ Kambo kwinda muli Jesu tonse mutujene nzila mu muya omwi muli tata ¹⁹ Mponya, ino nwebo nobasimasi tamucinsi benzu a bamuzwa kule. Nikuba muli bamusyobonyina abantu ba Leza basalala ape muli cemba ca Leza. ²⁰ Mwakayakwa atala lyentalisyo lyaba positola aba sinsimi,a kulisitu jesu mukamwini ngobbwe likwabilila nganda. ²¹ Mulingugwe bulumbo boonse bulakwana antomwi ape okukomena mbuli tempele lisalala mumwami. ²² Cilimulinguwe kuti anwibo mulimukuyakwa antoomwi mbuli busena bokukala bwa leza mumuuya.