¹ Paulo, mwa apositowa Jesu kilisito kwinda mu luyando lwa Leza, a Timoti, mukwesu wesu. ² Ku bantu ba Leza basalal a bakwesu basyomeka muli kilisito nomuli kukolose. Luse lube amwibo, alumuno kuzwa kuli Leza tata wesu . ³ Twapa kulumba kuli Leza, isi wa Jesu kilisito wesu, ape tulamukombela cindi conse. ⁴ Twakanvwa kusyoma kwako muli Jesu kilisito tu oluyando ndojesi kubantubonse basalala ba Leza. ⁵ Ulijesi luyando olu kambo kolulangilo lubambilidwe yebo mukati kejulu, Wakanvwa kujatikizya obu bulangizi kale mujwi lya kasimpe, mulumbe. ⁶ Wakaza kuli yebo. Oyu mulumbe ulikuzyala mucelo okukomena munyika yonse. Nalikucita namuya muli yebo ayibo kuzwa buzuba mbwakaunvwa okwiya zyo luse lwa Leza mukasimpe. ⁷ Oyu mulumbe mbuli mbwakawiya kuzwa ku epafulasi, muyandwa wesu mubelesi, kali mubelesi usyomeka wa kilisito kulubazu lyesu. ⁸ Epafulasi wakatuzibya makani oluyando lwako mu muya. ⁹ Kambo ko luyando, kuzwa buzuba mbutwakanvwa takwe nitwakaleka kukukombela. Tukukombela kuti uzuzikizigwe oluzibo ,uluyando lwakwe mubusongo bonse okunvwisisya mumuya. ¹⁰ Kutegwa uyo cenda mucitambo ciyandikana ca Leza cimunonezya nguwe munzila iliyonse, kwinda mukuzyala micelo mumicito mibotu yonnse okukomena muluzibo lwa Leza. ¹¹ Tukombela kuti umumisigwe munguzu zyonse, kutobelezya mubulemu bwakwe bupati, kutegwa ube okuyuma kupati obusicamba, ape okunonenwa. ¹² Kupakulumba kuli tata, wakapanga kuti ukonzye kuba ecimpazi mulu kono lwa Leza kubantu basalali mumu muni. ¹³ Wakatuvwuna kuzwa kunguzu zyomumudima okutuswenzya mu bwami bwamwanakwe uyandika. ¹⁴ Omo motujesi lufutuko ,oku kulekelelwa kwezibi. ¹⁵ Cecibumbwa ca Leza utalibonyi, mwana kusanguna kuzilegwa zyonse. ¹⁶ Kambo mulinguwe zyonse zintu zyakalegwa, ezyo zilimukati kamajulu ape ezyo zilimukati , ezyo ziboneka ape ezintu zitaboneki. Nikuba zyeno zyabwami bami, na bendelezi, na bazinguzu, zintu zyonse zyakalegwa kwindila mulinguwe ape ndizyakwe. ¹⁷ Inguwe ngwenya ngomuntu ulikumembo kuzintu zyonse, mponya mulinguwe zintu zyonse zilijatene. ¹⁸ Ngomutwe womubili, cikombelo ngokusanguna nguwakasanguna kuzyalwa kuzwa akati kabafu, mponya ngujesi busena bokusanguna akati kezintu zyonse. ¹⁹ Kambo Leza wakanonenwa kuti buzulile bonse bwakwe bukale mulinguwe. ²⁰ Ape oku bozya zintu zyonse kwindila mu mwana wakwe kulinguwe. Leza waketa lumuno kwinda mumalowa acingano cakwe. Leza wakabozya zintu zyonse kulinguwe, nukuba zintu zyanyika ezintu zyokujulu. ²¹ Acindi comwi mwali benzu anwibo kuli Leza ape mwali basinkondonyina mumizezo omumicito mibi. ²² Pele ino wakamubozya nwe kwinda mumubili kwindila mulufu. Wakacita eci kuti egwa kumutondezya kuti mulasalala, kakutakwe kampenda, okuta ensoni kulinguwe. ²³ kuti mwazumanana mulusyomo, kuyakwa okuyuma, kuta kwisigwa kuzwa kululangilo lomulumbe oyu ngumwakanvwa.Oyu mulumbe wakakambaukwa kumuntu wonse wakalegwa ansi ano. Oyu ngomulumbe kuli mebo Paulo, ndakaba mubelesi. ²⁴ Inondilasekelela mukupezigwa kwangu kambo kenu, ape ndilazuzya mubili wangu cilibulide mukupezigwa kwa kilisito kambo komubili wakwe, eci cecikombelo. ²⁵ Ncecico eco cikombelo kuti ndilimubelesi, kwendelanya kumulimo izwa kuli Leza wakapegwa kulime kambo kenu, kuzuzikizya jwi lya Leza. ²⁶ Aya ngamaseseke akasisidwe kwecindi cilafu amazyalano ino akayumununwa kubantu ba Leza basalala. ²⁷ Cilikuli mbabo abo Leza mbakayanda kuzibya buvubi bobulemu bwamaseseke aya akati kabasimasi, kali kilisito mulinwe, bulangilo bobulemu. ²⁸ Tulamukambauka, kucenjezya okwisya bantu bonse obusongo bonse, kutegwa tukozye kutondezya muntu onse cokukomena muli kilisito. ²⁹ Kambo keco ndilabeleka okusoleka kwendelanya kunzuzu zyakwe mbuzibelekesya mukati kangu.