¹ Nikwakainda mazuba ali osanwe, Ananiasi mupati wabapaizi, abamwi bapati, ape o walikwitwa kuti Tetulusi wakainka kuya. Aba bantu bakapa mulandu Paulo muleli katana mupa. ² Mponya Paulo wakasanguna kwiima kumuleli, Tetulusi wakatalika kumupa mulandu o kwamba kumuleli, Akambo kako tulijisi lumuno, ape ekumo yako yeta bubotu mucisi cesu; ³ Mponya okulumba kokumaninizya tulatambula zyoonse zyocita. ⁴ Kutegwa nditakwangi, ndakukumbila muluse lwako kuti utuswilizye kanini. ⁵ Kambo twajana kuti oyu mwalumi mubi ape ngumwi wetelezya kuti ma juda boonse nyika mbwizulwa balwane. Ngomwendelezi wama Nazaleni. ⁶ Walikuyanda kunonyonganya cikombelo, mponya kwamwanga. ^{7 8} Mponya nimwakabuzya Paulo kwendelanya ezintu ezyi, mulakonzya kwiiya kuli ezyi zyintu zyitu mutambizya." ⁹ Bama Juda ambabo bakazijilila nkani eezyi, akwamba kuti mulandu oyu ngwamasimpe. ¹⁰ Mponya mweli nakabuzya Paulo kuti ambole, Paulo wakataba,"ndilizi kuti kwamazuba manji ulimubetesi wecisi eeci, mponya ndilalipandulula kuli yebo. ¹¹ Inga waiya amulike kuti takwindide mazuba ali kumi otubili kuzwa ninda kainka ku Jelusalemu. ¹² Nibakandi jana mu tempele, takwe nindaka kanza oyumwi, ape takwe nindaka nyonganya mbunga, na muzikombelo, na muzisi. ¹³ Tabakozi kuzibalula kuli yebo kwendelanya eezi zyibanditamizya. ¹⁴ Kono ndalyambilila kuli yebo, kuti kwindilila mbuli witwa kuti ulisalidwe, mbonyina mbwe mukomba leza, ndashomeka kuli zyoonse mumulao azya kalembwa abasinsimi. ¹⁵ Ndijisi lusyomo luswana muli leza mbuli aba balumi, kuti kunoli kubusigwa kwaba salala ababi. ¹⁶ Mponya ndilasoleka kutaba akambo kokuyeya kuli leza ape oku bantu. ¹⁷ Ino kuzwa myaka minji ndaza kuzogwasya cisi ape okutondezya zyipo. ¹⁸ Ninda kacita eezi, bamwi bama Juda kuzwa ku Asia bakandijana ndili mukusalazya cimbo mu tempele, kutainsi embunga na cipoili. ¹⁹ Aba balumi belede kuba musule lyenu mponya okundi tamizya, kuti kabajesi cimwi cintu. ²⁰ Ati kuti na aba balumi bambe cibi cibajana mulime nindali abendelezyi bama Juda, ²¹ Ati kuti na jeiyi nkani jindaka patoka akati kaab, cilijatikizye oku busigwa kwa bafu cecetelezya kuti ndibetekwe sunu. ²² "Mponya Felikisi, oyo wazibisidwe kabotu obwende, wakamba,ïno Lyasiasi mwendelezyi wakaza kuzwa ku Jelusalemu, ndilauyeya mulandu wako," ²³ Mponya wakambila mwendelezi kuti Paulo welede kubikwa muntolongo, kuti kajesi lwangunuko kubazyalwanyina kuti batakasigwi kumubona. ²⁴ Nikwakainda mazuba, Felikisi wakapiluka o Drusila mwanakazi wakwe, oyo wali mu Juda, mponya wakalaizya kuli Paulo ape wakavwa kwendelana olushomo mu kilisito jesu. ²⁵ Kono Paulo nakalizilula anguwe kwendelana obusalali, kuilanga ape obulangili bwabo kubetekwa, Felix wakayowa okwamba,"koyo inawa. Kono ndaba enako, ndilakwita. ²⁶ Acindi cona wakalikulangila ku Paulo ula mu[ayi wa mali, mponya wakamwita okwamba anguwe. ²⁷ "Mponya myaka yobile niyakainda, Porcius festus wakaba mleli nikwakazwa Felix, kono Felix wakali kuyanda colwe omo juda, mponya wakasiya Paulo kaangidwe.