¹ Bapati ku bayandwa ba Gayasi, ngundiyanda mukasimpe. ² Nomujandwa, ndikomba kuti zyonse zyende kabotu anwibo kuti mube obusani bubotu, mbuli mbomulikabotu mubumi bwenu. ³ Kambo ndakanonenwa kupati bakwesu nibakaza okuba obukamboni kukasimpe kenu, mbuli mbumwenda muksimpe. ⁴ Tandikwe kunonenwa kupati kwinda oku, kunvwa kuti banabangu benda mukasimpe. ⁵ Nomuyandwa, muacita cokusyomeka kufumbwa mwabeleka kambo kabakwesu kambo kabenzu. ⁶ Abo bakapa bukamboni boluyando akati kecikombelo. Mulacita kabotu kubatuma mulwendo lwabo munzila ya Leza yelede, ⁷ Kambo cali kezina kuti bakainka , kakutakwe cibabweza kuzwa kulibamasi. ⁸ Kambo kako twende kutambula bantu babede namu kutegwa tube babelesi ma kambo kakasimpe. ⁹ Ndakalemba cimwi cintu kucikombelo, pele Diotrefe, bayanda kuba bokusanguna akati tabatutambuli. ¹⁰ Kuti ndasika, ndiyoyeya milimo yakwe njacita , kututambikizya majwi mabi. kutakuta ezyo takwe nakakaka kutambula buyo bakwesu lwakwe, pele ulakasya abo bayanda kubatambula okubenzya kuzwa mucikombelo. ¹¹ Nomuyandwa, mutaciti cibi pele cibotu. Oyo ucita kabotu nguwa Leza , simucita zibi tanomubona Leza. ¹² Demetiliyasi wakatambula bukamboni bubotu kuzwa kulibonse akasimpe keni. Twamba masimpe wakwe, mponya mulizi kuti bukamboni bwesu mbwamasimpe. ¹³ Ndalijesi zintu zinji zyomukulembela, pele tandiyandi kumulembela acilembyo a inki. ¹⁴ Pele ndayanda kukubona inawa, mponya tuyowambola busyu ku busyu. ¹⁵ Lumuno lube anwibo. Benzuma bamulumelesya. Mukabalumelesye benzuma amazina abo.