¹ Paulo, silvano, o Timoti, kucikombelo caba tesolonika muli Leza tata wesu amwami Jesu kilisitu. ² Luzyalo kulinwe olumuno kuzwa kuli Leza tataesu omwami Jesu kilisitu. ³ Twelede kupa kulumba cindi conse kuli Leza kambo kenu, bazyalwama, mbuli mbuciyandikana, kambo lusyomo lwenu lulikukomena loko loko, oluyando umwi o uwmi wenu ndwajesilidi mwenzinyina lulavula. ⁴ Mponya swebo tobeni tulamulumbaizya muzikombwlo zyaleza kambo kobusicamba olusyomo, omukupenga mumulikwinda. ⁵ Obu mbobukamboni bwa lubeteko lusalala lwa Leza , kutegwa mukakozye kunjila mubulelo bwa leza, kambo ngomuli kupengela anwibo. ⁶ Kambo loko, cilasalala Leza kupilusya kupenga kuli abo bamupenzya. ⁷ Okumpa lugwasyo nomupengide aswibo mwami Jesu kuzwa kujulu mubulemu bangelo bakwe. ⁸ Mumulilo uvwilima, kubasongelezya kupilusya ali abo batamuzi Leza ali abo batabetezyi mulumbe wa mwami Jesu wesu.