¹ Kuzwa kumupati kusika kumwanakazi usalidwe abana bakwe, mbendiyanda kukasimpe okutalibo mebo endike, pele bonse abo bakaziba kasimpe, ² Kambo kakasimpe kasiyede muliswe kayoba aswibo mane kumamanino. ³ Luzyalo , luse, olumuno luyoba aswibo kuzwa kuli Leza tata okuzwa kuli Jesu kilisito, mwana wa tata, mukasimpe oluyando. ⁴ Ndanonenwa kupati kuti ndakajana bamwi bana benu kabenda mukasimpe , mbuli mbutwakata mbula mulawo oyu kuzwa kuli tata. ⁵ Ino ndamukombelezya, mwanakazi kutainsi mbuli kuti ndali kulembela nwe mulawo mupya, pele oyo ngotwajesi kuzwa kumatalikilo kutegwa tuyande umwi o umwi. ⁶ Olu nduyando, kutegwa twende kwendelanya kumilawo yakwe. Oyu mulawo, mbuli mbumwakanvwa kuzwa kumatalikilo, kutegwa mwende mulinjiyo. ⁷ Kambo babeji banji bainka munyika yonse, ape tabalyambili kuli Jesu kilisito wakaza munyama. Oyu mubeji abatasyomi muli Jesu. ⁸ Amulilage, kuti mutaswekelwi zintu kambo zitwakalikazya, pele kutegwa mukonzye kutambula mulumbu buzwide. ⁹ Kufumbwa winka anembo okutasyala munjisyo zya kilisito tajesi Leza. Oyo ujatisya munjisyo, oyu ulijesi tata omwana. ¹⁰ Kuti na umwi waza kulinwe mponya takwe neta njisyo ezi, mutamutambuli munganda yenu ape mutamulumelesi. ¹¹ Kambo oyo wambola cokulumelesya kulinguwe ulajanika mumicito yakwe mibi. ¹² Ndilijesi zintu zinji zyokumulembela, pele takwe nindayanda kuzilemba mupepa a inki. Nikuba kuti, ndilasyoma kuzwa kulinwe okwambola katubwenene, kutegwa lutangalo lwesu luzulile. ¹³ Bana bomucizenu wenu musalwe ba mulumelesya.