¹ Paulo, Siuvano, o Timoti ku cikombelo cabatesolonika muli Leza tata o mwami Jesu kilisitu. Luse o lumumo lube kulinwe. ² Tulapa cindi conse kulumba kuli Leza kambo kenu nonse mbuli mbutwa mudoma kuzumanana munkombyo zyesu. ³ Tulamuyeya kunembo lyaleza tatesu milimo yenu yalusyomo, kubeleka ku liyando, okukakatila kobulangizi mbomvlangila muli mwami Jesu kilisitu wesu. ⁴ Bakwesu bayandwa o Leza , tulizi wakamusala, ⁵ Kambo mulumbe wesu wakaza kulinwe kutali mujwi buyo, pele omunguzu, mumuya usalala, okulamatwa kunji. Munzila njonyina, mulizi nobeni mbutwabede twali akati kenu kambo kenu. ⁶ Mwakaba batobeli besu abaleza, nimwakatambula ijwi mukupenzegwa kunji olutangalo kuzwa kumuya usalala. ⁷ Abobo, mwakaba celanisyo kuli ba macedoniya bonse aba Acaliya basyoma. ⁸ Kambo kuzwa kulinwe ijwi lya Leza lyakaba empuwo, ape kutali buyo mumakedoniya oku akaya, pele lusyomo lwenu muli Leza lwainka anze konse, kambo kako tatwelede kwamba cili conse kujatikizya nzyizyo. ⁹ Kambo imbabo mbonya balamba kujatikizya swebo musyobo wokutambulwa ngotwakajesi akati kenu, ombo mwakapiluka kuli Leza kuzwa ku zibumbwa kukomba bapona a Leza wakasimpe, ¹⁰ Okuti mulindila mwana kuzwa kujulu, oyo wakabusigwa kuzwa kubafu, Jesu utufutula kuzwa kubukali buza.